hósdagur 8. mars 2007síða 24

24 tíðindi Nr. 48 - 8. mars 2007 Fyri nærum trimum vikum síðani vóru Bjørghild Djurhuus og Jan á Argjaboða send til Jakarta í Indonesia, har tey skulu upplýsa um fyrimunirnar við bróstageving. Nú hava tey sent okkum heilsan úr Indonesia Menningarhjálp Rigmor Dam rigmor@sosialurin.fo Hóast fráferðin til Indonesia varð útsett nakrar vikur vegna vatnflóð í Jakarta, og hóast ógvuslig kavaódn var í Keypmannahavn, komu tey bæði Bjørghild og Jan fram til Indonesia í øllum góðum. Mánadagin 26. februar hittust tey á skrivstovuni hjá Mercy Corps, felagsskapinum tey starvast hjá. - Eftir at vit vóru kunnað um virksemið hjá Mercy Corps í Indonesia og serstak­ liga um okkara verkætlan, Health Start, fóru vit beint til verka, siga tey í brævinum til okkara. Geva pulvurmjólk Endamálið við verkætlanini er at økja um talið á kvinnum, sum geva bróst í Indonesia. Hugburðurin hjá nógvum kvinnum er, at pulvurmjólk er betur enn móðurmjólk. - Hesin hugburður verð­ ur stuðlaður av multi­nati­ onal­um fyritøkum, sum selja pulvurmjólk. Eitt nú verða ljósmøðurnar, sum selja mjólkina, bodnar ferð­ir til Mekka, um tær megna at økja um søluna av pulv­urmjólk, segði Jan á Argjaboða í greinini í Sosialinum, áðrenn fráferð. Verkætlanin, sum Lands­ stýrið hevur avgjørt at stuðla, verður rópt “Healthy Start” A Model to Improve Breastfeeding in Indonesia. Ferðsluruðuleiki Bjørghild og Jan greiða frá, at skrivstovan og hotellið liggja í Sunnara parinum av høv­ uðsstaðnum Jakarta, með­an øll verkætlanin fer fram norð­ anfyri býin. Sostatt skulu tey koyra gjøgnum tættu ferðsluna í ein til tveir tím­ar, hvørja ferð tey skulu út. - Bara tann sum hevur roynt at koyra í meldurtíðini her, kann ímynda sær hetta fyribrigdið. Men vit mugu fer eftir fer staðfesta og ásanna, at bilførararnir her eru einastandandi. Teir floyta og koyra annars í so smølum gøtum, at vit títt og ofta hugsa, at nú endar galið. Men nei, so er ikki, vit koma fram í øllum góðum, siga tey bæði Bjørghild og Jan. Skulu forvitnast Tey hava nú fingið til upp­ gávu at fara út og forvitnast og undrast, so tey kunnu staðfesta, hvar setast skal inn og hvar skipanin haltar mest. Síðani skulu tey skriva eina frágreiðing um eygleiðingarnar og gera eina framtíðar ætlan fyri økið. Hjálparfelagsskapurin hevur peikað út fýra øki, sum tey skulu kanna. Ì økjunum eru tvey sjúkrahús, nógvar heilsumiðstøðir, sum verða róptar “Puskesmas” og nakrar viðgerðarstovur, “Posendu” róptar. Runa og gangur Tey hava longu vitjað fleiri støðir, og eru tær sera ymiskar. - Í einari var enn flóð, sum var eitt ræðuligt runudíki. Nógv fólk vóru stúva saman og har var ein øgiligur gangur. Henda dagin komu 275 børn sum skuldu koppsetast fyri meslingar, polio og stívkrampa. Eisini er høvið at viga børnini einaferð um mánaðin, siga tey bæði Jan og Bjørghild, sum annars onki hava merkt til herviligu náttúruvanlukkurnar, vit frætta um dagliga. Vantandi reinføri Tey hava eisini vitjað eitt sjúkrahús, har tey øtaðust um vantandi reinførið og umstøðurnar annars. - Millum annað vóru fleiri børn í somu vøggu og onnur børn, sum mamman hevði átt og var farin frá. Framtíð teirra er óviss, summi eru heppin og verða ættleidd, meðan myndugleikarnir taka sær av øðrum, siga tey bæði út Indonesia. Jan á Argjaboða og Bjørg­ hild Djurhuus siga annars, at fólkini í Indonesia eru ómetaliga blíð og fyri­kom­ andi og løtt at koma í sam­ band við. Tey hava ein tolk við sær allastaðni, tí fólki tosar ikki nógv enskt. Heilsan úr Jakarta í Indonesia Indonesisk mamma sum gevur lítla barnið sínum bróst Bjørhild Djurhuus við einum lítlum barnið á fanginum Ein sólskinssøga hiðani: 44 ára gamli indonesarin Darmi Teungku misti alla familjuna, konu og trillingagentur í herviligu vatnflóðini, sum kravdi fleiri hundrað túsund mannalív annan jóladag í 2004. Í fjør giftist hann uppaftur við 28 ára gomlu Mariati. Darmi sigur, at nýggja konan og hann ynsktu sær eitt barn. Konan bleiv við barn, og so løgið tað ljóðar: tá hon skuldi eiga, vísti tað seg, at talan var ikki bert um eitt barn, men trillingar: tríggjar gentur. Darmi heldur, at Guð hevur givið honum tær tríggjar døturnar aftur, í staðin fyri tær hann misti.