hósdagur 15. mars 2007síða 17

17 [ Nr. 53 - 15. mars 2007 ] Heini tapti Seks mál frá føroyska Heini Hanusarson var ikki nokk til at steðga Skjern, tá ið liðini brustu saman í Helsingør arena í gjárkvøldið frammanfyri á leið 1000 áskoðarum. Heini Hanusarson og hansara liðfelagar taptu nevniliga dystin 29-23 ímóti fyrrverandi toppliðnum í donskum hondbólti, Skjern. Sjálvt um tað ikki hevur gingið heilt eftir vild hjá Skjern í ár, sum liggur á einum 7. plássi, so høvdu teir ikki stórvegis trupulleikar við at basa Helsingør. Liðið hjá Heina liggur enn í botninum og berjist fyri at yvirliva. Teir liggja í løtuni næstaftast við seks stigum. Svimjikapping um vikuskiftið Havnar Svimjifelag skipar fyri svimjikapping í svimjihøllini í Gundadali um vikuskiftið. Kappingin er fyri bólkarnar 3 og eldri, tað vil siga fyri svimjarar, ið eru 12 ár og eldri. Hetta er seinasti møguleiki fyri teir svimjarar, sum enn ikki hava kvalifisera seg til FM í apríl, at gera tað. Harumframt er tað næst seinasti møguleiki at kvalifisera seg til Oyggjaleikirnar á Rhodos í summar. So tað verður spennandi at síggja, hvørjir svimjarar klára tað nú ella eru væl á veg. VÍF vann Føroya­meistara­ heitið fyri dreingir 12B í gjár. Meistaraheitið varð stað­fest við tveimum sigrum á Skála, áðrenn liðið fekk heiðursmerkini. Bólkurin dreingir 12B eru dreingir, sum verða 12 í ár. VÍF hevur havt eitt sera gott kappingarár. Liðið hevur vunnið allar dystirnar uttan ein, tað var móti VB í Vági. Her vann VB við einum máli. VÍF fekk tó endurreisn fyri hetta tap í gjár, tá teir vunnu sannførandi 16-7 móti júst VB. Harumframt spældu Føroya­meistararnir móti STÍF, og vunnu henda dyst við 14 málum móti 11. Daniel Rapa er venjari hjá dreingjunum, og hevur verið venjari hjá teimum, síðan teir byrjaðu at spæla hondbólt. Í fjør varð hetta liðið greipuvinnari í sínum aldursbólki. Í næstum fer steypa­kapp­ ingin í gongd, tá skulu teir spæla móti bæði B liðunum og A liðunum, í eru dreingir, ið eru eitt ár eldri. VÍF er Føroyameistari Tá Kyndil varð stovn­ að fyri 50 árum síð­ ani, var tað ikki sum eitt hondbóltsfelag, men sum ungdóms­ deild hjá Losjuni í Havn. Í morgin gevur Kyndil út bók um søgu felagsins, ið Suni Merkistein hevur skrivað. Bókafram­ løga verður í Miðla­ húsinum fríggjadagin klokka 16 BÓKAÚTGÁVA Kári Mikkelsen karim@sosialurin.fo Hondbóltsfelagið Kyndil hevur eina sera áhugaverda søgu, sum nógvir føroyingar helst ikki kenna upprunan til. Av fyrstan tíð var ikki talan um eitt hondbóltsfelag, men um eina ungdómsdeild hjá Losjuni í Havn. Hetta er ein partur, sum rit­ høvundurin Suni Merki­stein helt verða sera áhugaverdan og hevur tí gjørt nógv burtur hesum tíðarskeiðnum. – Tá felagið heitti á meg um at skriva søgu felagsins, fekk eg fullkomiliga fríar hend­ur. Ein stórur partur eru myndir og hagtøl, har dentur verður lagdur á ítróttar­ligu gongdina hetta 50 ára tíðarskeiðið, sigur Suni Merkistein. Rithøvundurin vísir á, at tey fyrstu nógvu árini leiktu liðini bert fimm-seks lands­kappingardystur um árið, og tí eru allir dystirnir umtalaðir tey fyrstu 25 árini. Eitt tíðarskeið tað eydnaðist Kyndli at vinna eini 18-19 føroyameistaraheiti. Ein annar partur snýr seg um altjóða dystirnar og uttanlandsferðirnar. Tann mest áhugaverdi part­ ur­in heldur rithøvundurin vera, hvussu felagið bleiv til og teir innanhýsis dystir­ nar um, hvør kundi sleppa á liðið. Leikararnir, sum ikki vóru organiseraði avhalds­ fólk, sluppu ikki at leika við Kyndli. Í nógv ár vóru nógvar remb­ingar og orðadráttir um júst hendan spurningin, og ikki fyrr enn í 1988 gjørdi felagið av á aðalfundi at loysa formliga frá Losjuni. Í morgin fríggjadagin klokk­an 16 verður bókin løgd fram í Miðlahúsinum í Vágsbotni. Talan er um eitt rúgvus­ mikið verk upp á 700 síður. Farna vikuskiftið var FM á skránni í flogbólti hjá gentum 10 ár, og her lat Fleyr ongan iva vera um, hvat var besta liðið. Tær vunnu nevniliga bæði gull- og silvurheiðursmerki FLOGBÓLTUR Teitur Joensen teitur@sosialurin.fo Næstseinasta vikuskiftið var FM á skránni í yngri deildum, og einasti aldurs­ bólkur, sum ikki spældi hetta vikuskiftið, vóru gentur 10 ár. Um vikuskiftið skuldu hesar tó kappast um meist­ ara­heitið, og í undanfarnu kappingunum hava liðini hjá Fleyr fingið sera góð úrslit. A-liðið hevur vunnið bæði FK-kappingini, Mjøln­ir-kappingini og Dráttur-kappingini, so tær vóru helst eisini favorittar undan FM-kappingini. Tað vísti seg eisini, at Fleyr fór avstað við tí mesta henda dagin. Í finaluni møtt­ust Fleyr a og Fleyr b nevni­liga, og her var a-liðið sterkari. Tær tóku sær av gullinum, meðan b-liðið vann silvurheiðursmerki. ÍF hevur verið einasta liðið, sum veruliga hevur hótt Fleyr í ár, og ÍF megn­ aði eisini at vinna dystin um triðja plássið, og sostatt fingu tær bronsu­ heiðursmerki. Fleyr vann FM Fleyr fór avstað við øllum, tá gentur 10 ár spældu FM- kapping í flogbólti um vikuskiftið Kyndil byrjaði sum fráhaldsfelag Í morgin kemur bókin um 50 ára søguna hjá Kyndli, ið útvarpsmaðurin Suni Merkistein hevur skrivað Keipa: Føroya Prent