mánadagur 19. mars 2007síða 4

5 tíðindi Nr. 55 - 19. mars 2007 »Sópað undir teppið«! »Málað út yvir lort­in«! Orðafelli, vit øll kenna og ofta nýta. Og tað er júst soleiðis nýggi Smyril verður umrøddur av keldum, Sosialurin hevur tosað við. - Nógv av arbeiðinum kann kallast bein­ leiðis makkverk, sigur ein av álítandi keldu­num. - Barnasjúkur og einki meiri enn van­ ligt, sigur virkandi stjórin á Strand­ ferðsluni, Niels Juel Arge SKIPASMÍÐ Leo Poulsen leo@sosialurin.fo »Skipasmiðjan meira ella minni býr umborð á Smyrli». Hetta var pástandurin, ið Sosialurin setti sær fyri at kanna. Og eftir at hava troytt fleiri keldur er tað alt sum bendir á, at pástandurin er rættur. Bæði Niels Juel Arge, virk­andi stjóri á Strand­ ferðsluni, og Mourits Mohr, tekniskur leiðari á Skipa­ smiðjuni, siga tó, at tað langt frá er óvanligt, at ábøt­ ur verða gjørdar á nýggj skip leypandi. - Tað er púra vanligt við »claims« (krøv, ið verða sett fram móti skipasmiðjuni viðvíkjandi slíkum, ið krev­ ur ábøtur og umvæling) í sambandi við eitt nýtt skip. Og eg kann nevna, at hesi »claims« á Smyrli eru mun­ andi færri enn til dømis tey, á Norrönu, sigur Niels Juel Arge, virkandi stjóri á Strand­ferðsluni. Mourits Mohr vil ikki vátt­að, at menn frá Skipa­ smiðjuni »búgva umborð«, men viðgongur, at teir javn­ an hava havt arbeiðsfólk um­borð á Smyrli líka síðani skipið kom til landið í no­vember 2005. - Men hetta er alt arbeiði, sum vit gera fyri sponsku skipasmiðjuna í sambandi við claims frá Strand­ferðsl­ uni. Og slík claims eru púra vanlig í sambandi við nýggj skip, sigur Mourits Mohr. Skal valdast So bæði virkandi Strand­ ferðslustjóri og tekniski leið­arin á Skipasmiðjuni vilja vera við, at talan í allar­ størsta mun er um barna­ sjúkur, sum finnast í hvørj­ ari einasti nýbygging. - Barnasjúkur finnast alla­ staðni, og sjálvandi eisini umborð á Smyrli. Men barna­sjúkur skulu valdast. Nógv sær sera væl út við fyrsta eygnabrá, men hygg­ ur tú nærri sær tú, at tað er gjørt á lættasta og bíligasta hátt , sigur ein av keldunum, Sosialurin hevur tosað við. Aðrar keldur vátta tað sama. Ein skuldi eisini trúð, at eitt nýtt skip sum Smyril skuldi verið so manninga­ vin­arligt, sum tilber, tí so­leiðis er gongdin innan allar aðrar skipabólkar. Men fleiri dømi eru um, at nýggi Smyril er munandi óarbeiðsligari enn hin gamli, eins og goymslu­ pláss­ið í fleiri førum er væl minni. Og tað er vælsaktans øvutur vegur at ganga. Summastaðni lekur í eyri og seyri, og serliga stórir trupulleikar hava verið av stóru rútunum frammi í sa­longini. Tað er frægari nú, men ferðafólk upplivdu javnan, at løk og handklæði lógu upp og niður gjøgnum trapp­ urnar at turka vætu upp, part­vís tí so illa lak, og part­ vís tí vatnskipanin trýsti vatn­ið upp gjøgnum ristir­ nar heldur enn at trýsta niður. Fáa tað, goldið er fyri Rætt skal vera rætt, tað er ikki alt, ið er »nakað lort«. Okkurt av arbeiðunum hava virkað heilt eftir vild. Men eftir stendur kortini, at tað er ógvuliga nógv, ið kundi verið gjørt betur. Tað er heldur eingin loyna, at Smyril var ein enn­ tá sera tungur burður, og aft­ urat vanligum seinkingum, sum nærum altíð uppstanda, var skipasmiðjan úti fyri bæði verkfalli og húsagangi. Spanska stjórnin traðkaði tó til og bjargaði skipa­smiðj­ uni soleiðis, at skipið bleiv bygt liðugt. Men tað er væl hugsandi, at júst hesar nevndu hendingar hava gjørt sítt til, at handverkið ikki gjørdist so gott, sum ynskiligt var. Tað stóð eisini greitt fyri skipasmiðjuni, at endur­ gjalds­krøv fóru at verða sett fram móti teimum frá før­oyskari síðu, og tað er væl hugsandi, at hetta hevur verið viðvirkandi til, at spanska skipasmiðjan ikki hevur lagt so stóran dent á góðsku, men hevur »málað út yvir lortin«, sum tikið verð­ur til. Smyril gjørdist eisini mun­andi bíligari enn eitt skip av hesum slagi og stødd hugsandi átti, og tí er tað kanska eitt mál um at fáa tað, ein hevur goldið fyri. Spurningurin, ið stend­ ur eftir, er, hví skipið eftir øll­um at døma er so illa bygt tá vit vita, at Strand­ ferðslan hevur havt fleiri eftir­litisfólk niðri í Spania í mánaðar, at fylgja við ar­beið­inum. Men tá leiðslan á Strand­ ferðsluni ikki vil vera við, at nakað er galið við Smyrli, er ikki lætt at fáa svar upp á tann spurningin. Vit kunnu bert staðfesta oratakið: Tað er ikki alt gull, ið glitrar. Ikki er alt gull, ið glitrar: Nýggi Smyril illa gjørdur Vilja hava Lenu Tað eydnaðist eftir øllum at døma for­mann­ inum í konservativa fólkaflokkinum í Dan­ mark, Bendt Bendtsen, at sissa teir ungu floks­limirnar, sum siga seg vera misnøgdar við leiðslu hansara. Men tað forðaði kortini ikki fyri, at tey ungu á landsfundi atkvøddu um, hvør eigur at taka við eftir Bendt Bendsen sum formaður. Ta atkvøðugreiðsluna vann løg­málaráðharrin Lene Espersen í dysti við Connie Hedegaard, umhvørvismálaráðharra. Ongar páskaferðir Umleið 800 fólk høvdu bílagt sær ferðaseðil við grønlendska ferðamannaskipinum ”Sarfaq Ittuk” um páskirnar, men skipið fekk skaða í illveðri og noyddist til Danmarkar at fáa skaðan umvældan. Tí er siglingin um páskirnar avlýst. Grønlendska útvarpið sigur, at reiðaríið hjá ”Sarfaq Ittuk” roynir at útvega fólki pláss við flogførunum hjá Air Greenland ístaðin fyri, men trupulleikin er, at teir ferðaseðlarnir eru mun­andi dýrari. Og reiðaríið vil ikki rinda prís­munin. Talan er um privata útstykking, ið telur 29 grundstykki. Og gravgangur hevur verið eftir teimum - og nú er bert eitt óselt stykki eftir ÚTSTYKKING Leo Poulsen leo@sosialurin.fo Tað er ein fleiri ára gomul ætlan, ið nú endiliga er vorðin til veruleika. Seinasta hond verður nú løgd á útstykkingina av Jákupstrøð við Gerðisbreyt, og talan er um 29 grund­ stykki. Klárt var at byrja í fjør vár og fór arbeiðið í gongd 25. apríl. Stórur áhugi hev­ ur sum vera man verið fyri hesum grundstykkj­un­um, og so at siga øll eru seld. Í skrivandi løtu er bert hitt eina stykki eftir. Tó at grundstykkini eru eitt sindur ymisk til støddar, liggja tey øll millum 500 og 550 m2. Talan er sum nevnt um eina privata útstykking, men kortini er kommunan partvís við í verkætlanini. - Kommunan ger vegir­ nar, ið føra til útstykkingina. M.a. eru verandi vegir ov smalir og talan er tí um eina breiðking av hesum, sigur Jógvan Hans Østerø, ar­beiðs­takari. Í august verður eftir ætlan farið undir hesa breiðkan av verandi vegi, sum bindur nýggju útstykkingina í høv­ uðsvegin. Talan er um vegin fram við teimum húsunum, sum frammanundan eru við Gerðisbreyt. Útstykkingin er mestsum í tveimum. Annar parturin fær innkoyring frá Gerðis­breyt, og hin parturin fær inn­koyr­ ing av Stórheyggi. Millum báðar partarnar verð­ur so ein gøta., men ikki gjøgnum­ koyring allan vegin. - Tey, ið hava keypt grund­ stykki, kunnu fara undir bygg­ ­ingina so skjótt, út­­stykk­­ingin er liðug. Og tað verður fyrsta dagin, sigur Jógvan Hans. Stórur eftirspurningur er eftir grundstykkjum í Havn, og nú Velbastaður og Havnin hava lagt saman, er talan um somu kommunu. So henda útstykking styttir helst nakað um bíðilistan. Tað er Byggitek, ið hevur gjørt arbeiðið fyri Jógvan Hans Østerø, timburmann á Velbastað. Stór útstykking á Velbastað liðug