hósdagur 1. februar 2001síða 13

Nr. 38 - 23. februar 2001 25 gult cyan magenta svart gult cyan magenta svart Í 56 minuttir og 9 sekund vóru tjaldurs- kvinnur oman á móti teimum hjá Kyndli, men í evstu løtu fekk havnarliðið kortini bjargað sær annað stigið HONDBÓLTUR Jákup Mørk Ikki mundu tað vera fleiri meiningar um, hvussu dyst- urin á Hálsi millum Kyndil og Tjaldur fór at spæla av. Hóast árið í ár ikki hevur roynst nakað serligt hjá Kyndli, so vóru tær í øllum førum risa favorittar at vinna dystin á Tjaldri, sum í sín lut enn eigur fyrsta sigurin í bestu deildini til góðar. Hetta hóast liðið nú hevur hálvt annað ár á baki í deildini. Hin vegin er ikki meira enn hálvt annað ár síðani, at Kyndil skuldi í holt við at verja FM heitið. Tær útlendsku stýrdu Hetta tóktist tó ikki at vera nakað, sum tjaldurskvinn- urnar hugsaðu um, tá dyst- urin byrjaði. Hóast saknur- in á pappírinum var stórur í Beintu Joensen, sum fekk reytt kort seinast, so drivu tær á við fullari ferð frá fyrsta bríkslið. Nú veit eg ikki um hetta er fyrstu ferð, men í øllum førum hevur Tjaldur sjáld- an fingið eina slíka byrjan, meðan tær hava verið í fremstu deildini. Tað var eisini greitt, at spælararnir ressaðust av góðu byrjan- ini, og brádliga hoyrdist málageipan úti á vøllinum, har tær royndu at eggja hvørjari aðrari til at halda fast í leiðsluni. Grundstuðlarnir í spælin- um vóru fyrst og fremst tær báðar útlendsku, Milica og Jelena. Ikki minst er nú sjónligt, at Milica fær nógv meira burtur úr nú, hon ikki longur einsamøll skal bera álopsspælið hjá Tjaldri. Tá hetta er sagt, skal tó eisini leggjast afturat, at Kyndil snorksvav tað mesta av fyrsta korterinum. Ikki minst kendist tað tungt hjá liðnum, at tær báðar, Lotte Sørensen og Ann Hansen, als ikki tóktust at vera komnar í snúningar, og millum annað gingu 22 minuttir, áðrenn Lotte fekk fyrsta »reina« málið. Jórun og Erla royndu at stríðast, men heldur ikki hjá teimum vildi spælið koyra, soleiðis sum tær vildu. Seinastu løtuna undan steðginum fekk Kyndil tó betri tak á, og møguliga vórðu tær á útiliðnum tá eisini nakað moyrar. Í øll- um førum fingu tær hesa løtuna minka munin niður í eitt mál, og so mundu áskoðararnir halda, at nú var sensatiónin av á hesum sinni. Sama byrjanin Tjaldurskvinnurnar høvdu tó als ikki givið upp, bara tí Kyndil nú aftur var í hølun- um á teimum. Við eini byrj- an, sum var meinlík teirri í fyrra hálvleiki, løgdu tær aftur sjógv millum liðini, og greitt var nú, at Kyndil veruliga skuldi stríðast fyri at fáa nakað burtur úr dyst- inum. Tað hoyrir tó eisini við til søguna, at eydnan so av- gjørt ikki var við Kyndli hesa løtuna, og so slettis ikki við Lotte. Tvær reisur á rað støkk hon upp og langaði til, og báðu ferðir- nar varð úrslitið hitt sama. Bólturin small í stólpan, og so kundu tær gulu fara í málgevandi kontraálop. Møguliga skuldi hetta eisini takast sum eitt tekin um, at runavíksgenturnar endiliga fóru at fáa teir væl kendu marginalarnir við í sín part, og í øllum førum kann staðfestast, at kynd- ilskvinnurnar vóru sera raskar at raka træverkið hendan dagin. Seinastu 10 minuttirnar av dystinum fór Kyndil út í mansverju av teimum báð- um útlendsku í eini seinastu roynd at venda dystinum. Tað var eisini skjótt greitt, at tað nú av álvara kom stígur í hjá Tjaldri. Í átta minuttir fekk Kyndil fýra mál móti ongum, og so stóð brádliga á jøvnum. Mál- verjin fekk nú eisini knapp- liga fatur á nøkrum skotum, og alt í alt kundi verið líkt til, at tær grønu skuldu megna at koppa øllum. Tað eydnaðist tó Tjaldri enn eina ferð at leggja seg á odda, men 15 sekund fyri leiklok fekk Kyndil brots- kast, og Lotte var ísakøld, tá hon langaði bóltin í meskarnar. Sigurin er ávegis Javnleikur gjørdist sostatt úrslitið, og hóast favorittar, so munnu tær hjá Kyndli vera best nøgdar um hetta. Tær spældu so avgjørt ikki ein av sínum bestu dystum, og í veruleikanum er helst eisini langt síðani, at so var. Ein av orsøkunum til, at tað ikki hevur gingist so væl hjá Kyndli hetta kapp- ingarárið, er ivaleyst at finna í faldaranum, sum varð latin áskoðarunum til dystin. Har var mynd av fýra ungum barnakonum, sum nú allar eru vorðnar mammur (tillukku við tí!), og einki er at ivast í, at saknur er í leikarum sum teimum báðum málverjun- um, Maritu og Elin, um- framt vengrunum báðum, Palmu og Rakul. Hetta er tó neyvan øll frágreiðingin. Seinastu tvey árini hava væl og virðiliga sýnt, at skal eitt lið gerast føroya- meistari, er neyðugt at styrkja um við hjálp av útlendingum. Tá hini gera tað, fært tú snøgt sagt ikki fylgt við uttan. Hetta er so nakað av tí, sum Tjaldur hevur gjørt í ár, og tað tykist nú eisini greitt, at hetta fer at hjálpa teimum í royndunum at yvirliva í deildini. Hesa ferð fingu tær eisini stig burtur úr stríðnum, og ikki minst tað gera komandi dystirnar meira hugaligar at fara í holt við. At stríðs- viljin er til staðar, er einki at ivast í, og nærum eins lítið er at ivast í, at fyrsti sigurin fer at koma innan heilt stutta tíð. Dysturin í tølum Málskjúttar: Kyndil: Lotte K. Sørensen 7(4), Jórun Ludvig 6, Erla H. Smith 5, Ann Hansen 3(1), Anita Kjærbo 1, Jen- sia Petersen 1 Tjaldur: Jelena Jevtevic 6(1), Milca Ergic 4, Mona Langgaard 4, Kristina Ellingsgaard 4, Ann Mari Østerø 2, Oddvá Fossdalsá 2, Turið Lamhauge 1 Brotskøst: Kyndil 6, Tjald- ur 2 Útvísingar: Kyndil 1, Tjald- ur 1 Dómarar úr StÍF: Pole Han- sen og Justines Justinussen. Leikferðin var lág, og upp- gávan tískil hampuliga løtt, og røktu teir eisini setn- ingin, sum teimum varð litin til. Nr. 38 • fríggjadagur • 23. februar 2001 • 75. árgangur • www.sosialurin.fo Kyndil–Tjaldur 23–23 (11–12) Tjaldur misti sensatiónina So at siga allan dystin hevði Tjaldur gott tak á Kyndli, men í evstu løtu glapp sigurin teimum av hondum Mynd: Álvur Haraldsen Nicoleta breyt beinið Síða 26 Innan hálvan minutt fóru dómararnir fýra ferðir í lumman eftir reyða kortinum, men í aðrar mátar var talan ikki um tann stóra dramatikkin, tá Kyndil vann stórsigur á Tjaldri HONDBÓLTUR Jákup Mørk Hóast runavíkingar mundu hava góðar vónir, tá teir fóru undir uppgávuna móti Kyndli, so var tað rættiliga skjótt, at heimaliðið gjørdu hesar væl meintu vónir til einkis. Eftir fáum minutt- um vóru eini seks mál á muni, og eftir hetta gjørdist talan ongan tíð um nakran spennandi dyst. Bjarni í hopla Tað, sum serliga var munu- rin millum liðini í fyrra hálvleiki, var, at kyndils- liðið var nógv betri skipað í verjupartinum enn gestir- nir. At tjaldursmenn ikki tóktust leggja so nógv hendan partin av spælinum viðførdi eisini, at arbeiðs- umstøðurnar hjá teimum grønu vóru væl betri, og serliga var tað Janus Einar, sum kundi gera sær dælt av hesum, meðan fríspæling- arnar streymaðu inn til hansara frá teimum trimum bakspælarunum. Har umframt hevði Kyndil so eisini tann fyri- munin, at Bjarni Wardum var í tí heilt góða lagnum hesa løtuna, og tá so er, kann tað snøgt sagt verða líka mikið, hvør tað er, sum verjir mótstøðumálið. Bjarni fær hasi har 10-15 málini, og so er bara at vóna, at liðfelagar hansara ikki fáa so nógv burtur úr. Kyndil stýrdi Seinna umfarið høvdu gestirnir fingið betri tak á verjupartinum, og vóru teir nú betri førir fyri at fylgja við kyndilsmonnunum, so- leiðis at munurin ikki øktist óneyðuga nógv. Partvíst komst hetta tó eisini av, at Kyndil nú í nógv størri mun spældu kontrollerað. Teir høvdu vunnið sær eina hampuliga trygga leiðslu, og heldur enn at satsa í royndunum at økja um hesa, royndu teir at stýra spælinum. Eitt sindur harðliga kann kanska sig- ast, at teir lótu Tjaldri ger- ast betri, og í vanda kom sigurin so ongantíð. Seinasta korterið tóktist tó, at orkan hjá Tjaldri var uppi, og so kundu kyndils- menn ferð eftir ferð gera sær dælt av, at teir í nógv størri mun vóru førir fyri at seta leikferðina upp. Í løt- um góvu teir tekin um, at teir aftur eru um at finna kvika álopsspælið frá grundspælinum aftur, men bakgrundin hesa ferð var eisini heldur bílig, so enn ber illa til at staðfesta, um teir aftur eru um at røkka tí støðnum. Ein reyður minuttur Tað, sum dysturin helst serliga verður mintur fyri, er tað, sum fyrifórst á vøllinum, tá einir átta minuttir vóru eftir at leika. Fyrst var Regin Petersen óneyðuga harðligur, tá hann jarðlegði Mortan Hansen, sum var púra leys- ur í einum kontraálopið. Allar helst átti talan at verið um beinleiðis reytt, men tá talan var um triðju útvísing hansara, kom reyða kortið allíkavæl fram. Sveinur í Heiðunum var somikið ónøgdur um, at talan ikki var um beinleiðis reytt, at hann megnaði at mótmæla seg til sína triðju útvísing, so hann eisini fekk osta- skorpuna. Brotskastið, sum spurdist burtur úr hendingini gjørdi Zoran ikki mætari enn at sena beint í skortin á Jens Skipagøta, og so varð hann eisini tveittur út, og tá Kyndil so aftur fór í álop, fekk nýggi jugoslavin hjá Tjaldri, Dejan Macict, sína triðju útvísing. Ilt er annars at meta, hvussu stórur styrkur hesin nýggi leikarin verður hjá Tjaldri. Kvik- leikan og bóltførleikan tyk- ist hann at hava, men hesa ferð fekk hann so ikki prógvað, um gjøgnum- brotsstyrki hansara er nóg stór. Talan er tó bert um fyrsta dyst hansara fyri felagið, so hóast reyða kortið, kann væl verða, at hann framyvir verður ein stórur stykur. Fýra reyð kort innan hálvan minutt av effektivari spælitíð kundu viðvirkað, at talan gjørdist um ógvus- ligt spæl seinastu løtuna, men soleiðis gjørdist tí- betur ikki. Kyndilsmenn tímdu ikki at overva seg, og tjaldursmenn ásannaðu, at teir longu høvdu tapt slag- ið, so seinasta løtan varð hóast alt bert ein av- greiðsluspurningur. Dysturin í tølum Málskjúttar: Kyndil: Bjarni Wardum 12(6), Hans Áki Dal Christiansen 7, Heini Bendtsen 6, Uni Wardum 5(1), Janus Einar Sørensen 5, Jónleif Sólsker 2 Tjaldur: Sverri Justinussen 8(1), Zoran Sarcevic 5(4), Mortan Hansen 4, Dánial Kjærbo 3, Dejan Macict 3, Svein í Heiðunum 1, Tummas Magnussen 1 Brotskøst: Kyndil 8, Tjald- ur 8 Útvísingar: Kyndil 5, Tjald- ur 7 Diskvalifikatiónir: Kyndil 1 (3X2 minuttir), Tjaldur 3 (1 beinleiðis reytt og 2 ferðir 3X2 minuttir) Dómarar úr StÍF: Pole Han- sen og Sverri Justinussen. Fýra reyð kort og 16 brots- køst ljóðar ógvusligt, men sum so var tað mesta av hesum í lagi. Høvdu alla tíðina gott tak í dystinum, uttan at stórvegis orsøk var til atfinningar. VÍF tykist í løtuni at vera í einum lítlum aldudali, men teir megnaðu kortini at hála sigurin heim móti Neistanum HONDBÓLTUR Jákup Mørk At VÍF skuldi fáa ein truplan dyst móti Neis- jørt ikki væntandi, men veruleikin er nú tann, at vestmenningar í dag munnu vera sera fegnir um, at tað eydnaðist teimum at toga sigurin heim. Megin partin av dyst- inum var tað nevnliga Neistin, sum hevði leiðsluna, og hóast VÍF vann seg fram um í seinna hálvleiki, so megnaðu gestirnir enn eina ferð at svar aftur, soleiðis at teir vóru framman fyri, tá bert fáir minuttir restaðu at leika. Seinastu sjey minuttir- nar av dystinum fingu gestirnir tó einki mál, og tá vestmenningar sam- stundis fingu fýra, so fingu teir hóast alt tey bæði stigini, sum eru so týdningarmikil í odda- stríðnum. Trupult móti meistarunum Eftir dystin fingu vit orðið á Áka Olsen, sum í fjør var við til at vinna FM-heitið til Neistan, og hann ásannaði, at teir so avgjørt ikki høvdu havt nakran lættan dyst. – Tað er sjálvandi altíð torført at spæla móti før- oyameisatarunum, sigur Áki smílandi, emn ásannar samstundis, at spælið hjá oddaliðnum ikki var nóg gott hendan dagin. – Tað gekk illa hjá okkum, og vit ongantí okkara spæl at koyra. Sjálvandi komst hetta eisini av, at Neistin spældi ein góðan dyst, og eisini stóð Lars væl í málinum, har hann bjargaði fleiri royndum, tá vit høvdu spælt okk- um ígjøgnum. – Hevði Martin (Hummeland) ikki verið so skarpur, so eri eg als ikki vísur í, at vit høvdu vunnið dystin, men tí- betur megnaðu vit at fáa stigini til høldar. Langur vegur eftir Tepri sigurin á Neistan- um prógvaði kanska eis- ini, at tað als ikki er so víst enn, at VÍF kann kalla seg føroyameist- ara, tá árið er av, og Áki er so heldur ikki ósamd- ur í hesum. – Nei, har er langur vegur eftir enn. Vit hava nú dystir móti bæði strandingum og Kyndli, og tað er heilt víst, at spælið skal broytast, um vit skulu vinna teir dystirnar, sigur Áki Olsen at enda. Dysturin í tølum Málskjúttar: VÍF: Martin Humme- land 7, Sámal Joensen 6, Áki Olsen 5, Johnny Joensen 4, Ingi Olsen 2(1), Rógvi Nielsen 1, Agnar Joensen 1, Petur Fr. Joensen 1 Neistin: Áki Mørk 6(2), Ræni Slættanes 5, Ári Rouch 4, Rune Møller 4, Ragnar Zachariasen 3, Karl O. Rasmussen 2 Brotskøst: VÍF 2, Neist- in 3 Útvísingar: VÍF 3, Neistin 7 Dómarar úr Kyndli: Hanus Kúrberg og Hans Thomassen Kyndil–Tjaldur 37–25 (16–11) Reydligt á Hálsi Rættiligt lív kom í áskoðarafjøldina, tá dómararnir innan hálvan minutt høvdu reyða kortið á lofti fýra ferðir Mynd: Álvur Haraldsen VÍF-Neistin 27-24 (12-14) Neistin misti stigini Áki Olsen var fegin um, at tað eydnaðist VÍF at toga sigurin heim, hóast spælið ikki koyrdi nakað serligt hjá oddaliðnum Savnsmynd