mikudagur 28. mars 2007síða 4

4 tíðindi Nr. 62 - 28. mars 2007 tíðindi Tvøroyrar Býráð fer at royna at fáa eitt uppbyggjandi sam­ skifti við Fiskavirking um virkið á Tvøroyri Arbeiðspláss Áki Bertholdsen aki@sosialurin.fo - Sjálvandi er tað harmiligt at verður flakavirkið á Tvør­ oyri niðurlagað. Men nú er ikki nógv, politikarir kunnu gera við tað. Borgarstjórin á Tvøroyri, Kristin Michelsen, harmast um, at Fiskavirking ætlar at minka virksemið á Tvøroyri. - Men nú er Fiskavirking privat fyritøka og sostatt hava politikarar onga ávirkan á teirra avgerðir. Borgarstjórin sigur, at tá ið Fiskavirking var al­ment, høvdu politikarar møgu­ leikan at ávirka støðuna. Eitt nú kundu teir gjørt av, at virkini kring landið skuldi verðið seld lokalum kreftum. - Men tí møguleikanum tóku politikarar ikki av og nú er ov seint, sigur Kristin Michelsen. Kortini sigur hann, at hetta er eitt mál, sum býráðið á Tvøroyri ætlar at tosa við Fiskavirking um. - Vit samskifta við Fiska­ virking av og á og eisini í hesum máli eru vit sinnað at fara undir eitt jaligt samskifti við fyritøkuna um framtíðina á Tvøroyri. - Ein møguleiki kann vera, at Fiskavirking vil selja virk­ ið til lokal áhugamál ella at Fiskavirking og lokal áhugamál ganga saman um at reka virkið víðari. Annars stendur flakavirkið á grundstykki, sum er leiga frá kommununi. Í leigu­sátt­ málanum stendur, at hevur arbeiðið ikki verið á virkinum í tvey ár, kann sáttmálin sig­ ast upp við eitt árs ávaring. Og tað eru tey, sum halda, at letur Fiskavirking virkið á Tvøroyri aftur, eigur Bý­ráðið rætt og slætt at siga sáttmálan upp um tvey ár og so kann Fiskavirking pakka seg vekk so at onnur sleppa framat økinum. Men tað er ikki ein møgu­ leiki, sum Tvøroyrar Býráð arbeiðir við. - Vit vilja heldur tosa við Fiskavirking enn at hótta teir við uppsagnum. Vit vilja fegin tosa við Fiskavirking um, hvørjar ætlanir tey hava, heldur enn at hótta tey, sigur Kristin Michelsen. Hann leggur afturat, at ein trupulleiki er helst eisini tann, at tað er rætt og slætt ov lítil fiskur. Les meiri á síðu 12. Tvørafólk eru bæði ørkymlað og vón­brot­ in tí tey síggja øll tekin í sól og mána um, at flakavirkið á Tvør­oyri heldur uppat Arbeiðspláss Áki Bertholdsen aki@sosialurin.fo - Vit eru ørkymlað og vón­ brotin og eftir mínum tykki hava vit fingið knívin á barkan. Arbeiðsfólkið hjá Fiska­ virking á Tvøroyri heldur ikki, at tey eru vorðin stórt klókari eftir fundin í gjár við leiðsluna hjá Fiskavirking í Suðuroy. Fiskavirking hevur gjørt greitt, at flakavirkið skal flytast til Vágs, har virkið er bæði størri og betri enn tað á Tvøroyri. Tí vildi arbeiðsfólkið hjá Fiskavirking á Tvøroyri hava fund við leiðsluna fyri at fáa at vita, hvørjar fram­tíðar­ ætlanirnar eru og serstakliga hvørjar ætlanirnar eru við flakavirkinum á Tvøroyri. Men bæði Enok Borðá í arbeiðsmannafelagnum Fylking og Sunrid Vang í Fiskepigernes Fagforening halda, at tey blivu ikki nógv klókari av fundinum. - Vit fingu at vita, at ætlanin er at flyta fiskaarbeiðið til Vágs. Men tað bar ikki til at fáa heilt greið boð um, hvussu verður við virkinum á Tvøroyri, siga tey. Tey eru kortini bæði samd um, at sum landið liggur nú, talar alt fyri, at virkið á Tvøroyri verður stongt. Samstundis hava tey fingið at vita, at í Vági verður eisini brúk fyri arbeiðsfólkinum á Tvøroyri - Hjá okkum á Tvøroyri sær ikki gott út. Vit hava fing­ ið knívin á barkan: Antin koyra vit til Vágs til arbeiðis, ella missa vit arbeiðið. Vit hava onki val, sigur Sunrid Vang. - Hinvegin veit eg ikki, hvat fakfeløgini í Vági siga til at fáa innrás av Tvøroyri, leggur hon afturat. - Men vit hava fingið at vita frá leiðsluni á Fiskavirking, at ætlanin er ikki at gera mun á, hvar fólk búgva, leggur hon afturat. Hvussu nógv tvørafólk eru sinnað at koyra til Vágs at arbeiða, veit hon ikki. - Eg haldi, at eftir fundin í dag er tað enn klárari fyri mær, at virkið á Tvøroyri letur aftur, sigur Enok Borðá. Mótstríðandi boð - Trupulleikin er, at vit alla tíðina hava fingið mót­ stríðandi fráboðanir frá leiðsluni á Fiskavirking. Tað sigur Enok Borðá. Hann sipar til, at viðhvørt hava tey fingið at vita, at flakavirkið skuldi flytast til Vágs og at virkið á Tvøroyri skuldi brúkast til onnur endamál. - Men aðrar tíðir hava vit hoyrt graml um, at virkið á Tvøroyri skal mestsum niðurleggjast. Hann heldur ikki at fel­ øgini fáa gjørt nakað við støðuna, men hann vildi ynskt, at feløgini vórðu betri kunnað. - Fiskavirking skuldi bein­ an­vegin boðað greitt frá, hvørj­ar ætlanirnar eru, tí so høvdu fólk havt møguleikan at lagt til rættis eftir tí og kanska funnið sær annað arbeiðið. - Sum støðan hevur verið, hava fólk aftra seg við at fara aðrar vegir, tí tey hava havt eitt gott arbeiðspláss á Tvøroyri. - Tað, sum eg haldi er mest átaluvert, er, at vit ikki hava fingið greið boð, tí tað er helst torført at blanda blanda seg upp í, hvussu eitt privat virki, sum Fiskavirking, legg­ ur til rættis. Enok Borðá ivast eisini í, hvussu nógvum tvørafólkum, pláss verður fyri í Vági, tí honum er komið fyri oyrað, at fólk úr syðru helvt, sum vóru áhugað at arbeiða í Vági, sluppu ikki framat, tí tað var ov lítið arbeiðið. Men er nakað í vegin fyri at koyra til Vágs til arbeiðis. Tað verður ikki so langt, tá ið koyrandi verður ígjøgnum Hovstunnilin? - Nei, tað er væl ikki so langt, men tað ber heldur ikki til at tvinga fólk til Vágs. Ivaleyst fara summi, men onnur ikki hava hug til tað. Men umboðsmaðurin fyri Fylk­ing heldur, at ein trupulleiki, sum kann vísa seg, er, at Fiskavirking at arbeiða í tveimum skiftum í Vági. Og tað kann elva til trupulleikar, tí talan er um fólk, sum eiga børn og tað kann verða torført at hava óvan­liga arbeiðstíð, tí tað kann knípa við barna­ ans­ing. Les meiri á síðu 12. Vit hava fingið knívin á barkan Arbeiðsfólkið hjá Fiskavirking á Tvøroyri varð ikki stórt klókari á fundinum við leiðsluna í gjár. Men tey halda, at tað er greiðari enn nakrantíð, at flakavirkið á Tvøroyri letur aftur Vilja heldur royna at tosa enn at hótta Vánaligur fiskur Ein kanning hjá danska Matvørustýrinum vísir, at umleið ein triðingur av tí feska fiskinum, sum verður seldur í donskum handlum, er so vánaligur, at hann er ikki egnaður sum handilsvøra. Matvørustýrið sigur kortini, at tað er ikki heilsuskaðiligt at eta fiskin, men at hann er ikki so góður, sum hann eigur at vera. Handlarnir umbera seg við, at teir vita ikki við vissu, hvussu gamal fiskurin er, tí tað stendur ikki, nær hann er fiskaður.