mikudagur 28. mars 2007síða 28

36 [ Nr. 62 - 28. mars 2007 ] Sama Merkið við síðani 1999 Merkið, sum Hallur Sumberg, Gud­mund­ ur Djurhuus og Tommy Tausen hava við sær í Tbilisi, hevur verið við teim­ um í Kekkia, Sveis, Luksemburg, Franka­ ríki, Týsklandi og nú eisini Georgia. – Vit eru klárir, siga suður­ oyingarnir, sum hava lagt ein taktikk, hvussu teir best hoyrast millum teir 20.000 georgisku áskoðararnar LANDSLIÐIÐ Rólant Waag Dam rolant@sosialurin.fo Tbilisi, Georgia: Tað er týskvøld í georgiska høv­ uðsstaðnum Tbilisi, og vit hava sett teimum einastu føroysku áskoðarunum stevnu á kamar nummar 620 á Hotel Marriott Court­ yard, at práta um, hvussu teir fara at markera seg undir dystinum í kvøld. – Tað nyttar einki at rópa ímóti 20.000 áskoðarum, staðfestir Tommy Tausen beinanvegin, tá samrøðan byrjar. Men fyri at hoyrast hava suðuroyingarnir lagt ein taktikk. Gudmundur Djurhuus samanber henda taktikk við tann, sum landsliðið ofta brúkar, har tað verður sagt, at um landsliðið skal hava nakrar møguleikar í dystinum, so verður tað upp á kontraálop ella deyðbóltar, meðan hitt liðið ikki ordiliga er klárt. – Um vit rópa, tá hinir áskoðararnir eru friðarligir, og tað vera teir fyrr ella seinni, so kunnu vit hoyr­ ast. Eg havi roynt sovorðið áður, tá vit spældu móti Kekkia og bara vóru nakrir heilt fáir áskoðarar. Tá hinir vóru friðarligir, róptu vit og hoyrdust. Tað fara vit eisini at gera hesaferð, greiðir Gudmundur Djur­ huus frá. Merkið á ferð Við sær á stadion í dag, hava Hallur, Gudmundur og Tommy føroyska flagg­ ið, Merkið, sum hevur fylgt teimum á mangari ferð. – Vit hava havt tað við í Kekkia, Sveis, Luksem­ burg, Frankaríki, Týsklandi og nú Georgia. Ja, á hvørj­ ari ferð síðani vit keyptu flaggið frá 12. manni í 1999, greiðir Gudmundur Djurhuus frá. Hann skoytir so upp í, at tað ger tað ikki verri heldur, at Tommy Tausen er nærmasta familja hjá Jens Olivur Lisberg í Fámjin, sum teknaði Merk­ ið. Jens Olivur Lisberg var systkinabarn mammu Tommy. Fátækardømi, flott náttúra og gott vín Tá vit spyrja teir tríggjar, hvat teir serliga hava heft seg við her í Georgia nú ferðin skjótt er komin at enda, eru teir ikki í iva. – Fátækardømi er øgi­ligt, siga teir og nevna eina gamla og ógvuliga sjúka konu, sum lá og biddaði. Eisini hava teir rent seg inn í nakrar heilt ungar smá­ dreingir, sum hingu seg í brøkur teirra og kistu hendurnar á teimum og bóðu um pengar. – Tað var ræðuligt, men her síggja vit veruliga, hvussu gott vit hava tað á okkara leiðum, vísur Hallur Sumberg á. Fátækardømi er óhugna­ ligi parturin av teirra upplivingum í Georgia, men tá eg spyrji eftir góðum upplivingum, eru teir eisini skjótir at svara. – Náttúran er øgiliga flott her, og so eisini í vínið. Vínið er serstakliga gott og betri enn vit eru vanir við, sigur Gudmundur Djurhuus og vísir aftur á tað, hann segði í gjár, at tey sum hava tað gott í Georgia, hava tað ordiliga gott, meðan tey, sum hava tað ringt, veruliga hava tað ringt. – Um vit rópa, tá hinir áskoðararnir eru friðarligir, og tað vera teir fyrr ella seinni, so kunnu vit hoyrast, siga Hallur Sumberg, Gudmundur Djurhuus og Tommy Tausen, sum her eru avmyndaðir á Freedom Square í miðbýnum í Tbilisi Mynd: Einslistir Georgiskir áskoðarar til venjingina Tá føroyska lands­ liðið vandi seinna­ partin í gjár, vóru ikki bara nógv fjølmiðla­ fólk til staðar, men eisini fleiri áskoðarar og fylgdu føroysku venjingini LANDSLIÐIÐ Rólant Waag Dam rolant@sosialurin.fo Tbilisi, Georgia: Klokkan 17.00 lokala tíð í gjár vandi føroyska landsliðið á Boris Paichadze National Stadi­ um, tjóðarleikvøllinum í Tbilisi. Talan er um eitt stórt og prýðiligt stadion sum rúmar 78.000 áskoð­ arum. Tíggju ár tók tað at gera Boris Paichadze National Stadium, og stóð tað liðugt í 1976 við pláss fyri 35.000 áskoðarum. Síðani tá er stadion renoverað nakrar ferðir, soleiðis at tað í dag hevur pláss fyri teimum knappliga 80.000 áskoða­ runum, sum rúmast har, tá tað er fullsett.. Heilt so nógv fólk vænta tey frá Georgiska Fótbólts­ sambandinum ikki í dag, men eitt umboð frá teimum segði í gjár, at tað helst fóru at vera umleið 20.000 áskoðarar til dystin móti føroyingum, sum er nakað væl meiri enn tað, sum var á Svangaskarði leygarda­ gin. Áhugin millum lokalu fjølmiðlafólkini fyri dysti­ num er heldur ikki lítil, og til venjingina seinnapartin í gjár, vóru knappliga hálvt­ hundrað áskoðarar eisini komnir at hyggja. Knappliga 50 fólk vóru komin at hyggja at venjingini hjá føroyska fótbóltslandsliðnum í gjár Mynd: Rólant Waag Dam Telefonitis í Georgia Rasmus Nolsøe og Súni Olsen fingu báðir í gjár sítt viðføri til Georgia, men enn vantar okkurt kuffert í hjá føroyska ferðalag­ num. Bláa kuffertið hjá Paula Magnus­sen, teknikkara í Útvarpinum, er framvegis ikki komið vegin fram. Hetta merkir tó ikki, at Útvarpið ikki fer at senda, tí teir báðir útsendu hava funnið upp á ráð, soleiðis at fólk heima í Føroyum róliga kunnu skrúva útvarp­ stólið frá klokkan fimm og hoyra beinleiðis frásøgn úr Georgia. Á myndini hava síggja vit Paula Magnussen við Fótbólts­sambandinum í øðrum oyranum og Føroya Tele í hinum, meðan hann roynir at fáa greiðu á, hvussu teir best fáa sent heim í kvøld. rwd Schumacher S á Nurburgring Týska formil 1 breytin Nurburgring hevur gjørt av at kalla ein part av breytini upp eftir sjeyfalda heimsmeista­ rarnum í formil 1, týska Michael Schumacher. Schu­ macher vann fimm ferðir á Nurburgring á sini yrkisleið. Nú hann er givin í ítróttinum hevur leiðslan fyri breytina gjørt av at doypa skjóta S’partin av breytini til Schumacher S’ið. S’ið skiftir navn í sambandi við týsku formil 1 koy­ ringina 22.juli og í hesum sambandi fer Michael Schu­ macher at koyra eitt umfar á breytini, skrivar f1.com. nud