fríggjadagur 9. mars 2007síða 5

Nr. 49 • 9. - 22. februar 2007 Vikuskifti 5 á sama liði í hondbólti og fót­ bólti, og vit arbeiða báðir hjá Poul Hansen, so tú kanst siga, at vit nýta nógva tíð saman, sigur Arnbjørn. EB-Streymur er ein brøðrasamkoma - Annars eru fleiri pør av beiggj­um á liðnum hjá EB- Streymi. Tað eru eisini nakrir yngri beiggjar hjá núverandi formulaleikarum á veg fram, so tað verða kanska enn fleiri, sigur Gert, og Arnbjørn leggur afturat. - Liðið er ein ordilig brøðra­ samkoma, sigur hann, og allir flenna. Fótbólturin fyllir sera nógv í lívinum hjá Gert og Arnbjørn. Teir hava lagaligar treytir á arbeiðsplássunum, um teir skulu spæla dyst ella venja. Tað verður eisini tosað nógv um fótbólt á arbeiðsplássinum, og teir hyggja eisini nógv at fótbólti í sjónvarpinum. - Fótbólturin kemur mangan fram­um alt annað, siga teir báðir. Teir hava báðir gingið í fólka­skúla, og síðani hava teir arbeitt. Teir hugsa ikki enn um at fáa sær víðari útbúgving. Nú er tað fótbólturin, sum skal dyrkast. Lansliðið er eitt herðaklapp Arnbjørn hevur verið inni og snúsað til landsliðið. Hann vil fegin verða úttikin aftur. Gert harafturímóti er ikki so bjartskygdur um at sleppa á landsliðið. - At verða úttikin til lands­ lið­ið er eitt stórt herðaklapp. Tað hevði ikki verið so galið at sloppið við aftur, men nú er U21 landsliðið komið, so eg fari at royna at koma á tað fyrst, sigur Arnbjørn. - Eg havi kenslu av, at eg ong­antíð komi á landsliðið. Onkursvegna manglar mær tað síðsta. Kanska venjararnir halda, at eg eri ov hálvur, tí at eg eisini spæli hondbólt, sigur Gert, sum tó vónar, at hann sleppur at umboða Føroyar í fótbólti. - Tað er dreymurin hjá einum hvørjum føroyingi at sleppa at spæla við landsliðnum, sigur hann. Fáa tilboð frá øðrum Bæði Arnbjørn og Gert fingu til­boð frá øðrum feløgum í steðginum. - Eg havi fingið okkurt til­boð, men hjartað liggur hjá EB-Streymi. Tað skulu í øllum før­um nógvir pengar til fyri at lokka meg til eitt annað felag, sigur Gert. - Okkurt felag ringdi eisini til mín, men eg valdi at vera ver­andi í EB-Streymi, sigur Arnbjørn. Teir høvdu tó báðir tikið av einum møguligum sáttmála við eitt útlendskt felag. - Tað er sjálvandi dreymurin, men eg veit ikki, hvussu veru­­ligt tað er. Møguleikin er kanska vorðin størri, eftir at eg var á landsliðnum, men tað er ikki nakað, sum eg gangi og hugsi um hvønn dag, sigur Arnbjørn. - Eg eri helst vorðin ov gam­al. Tú skalt jú vera so ung­ur sum gjørligt, tá ið tú fert avstað, sigur Gert. Fara at reisa seg í ár Teir vilja nú líta frameftir móti komandi kappingarárið, eftir at síðsta kappingarár endaði við einum stórum vónbrotið, tá ið EB-Streymur misti gullið í seinasta leikumfarið. - Tað var óbeskriviliga skuff­ andi í fjør, sigur Gert. - Eg haldi, at øll tóku fyri giv­ ið, at vit fóru at vinna, men tá ið samanumkom, tordu vit ikki at vinna, sigur Arnbjørn. - Vit eru komnir yvir tað nú, men tað var ikki stuttligt fyrstu tíðina eftir kappingarlok í fjør. Ta ávirkaði alt, og vit høvdu als ikki hug at fara til arbeiðis beint eftir kappingin var liðug, siga teir báðir. Teir vóna at EB-Streym­ur megnar at vinna meistara­heit­ ið í ár, men teir vilja tó ikki seta vónirnar ov høgt, áðrenn kappingin er byrjað. hvønn annan fyri uttan Gert og Arnbjørn um hvønn annan - Gert hevur altíð verið har fyri meg. Vit hava altíð brúkt tíð saman. Hann klárar seg fínt í verjuni hjá EB-Streymi, sigur Arnbjørn. - Arnbjørn er kanska tann besti fótbóltsleikarin í sínum aldri. Hann er skjótur og góður við høvdinum. Hann skal nokk gerast fastur maður á landsliðnum. Tað er ikki so galið at hava ein beiggja, sum eg altíð kann práta við. Arnbjørn um føroyskan mat Mær dámar okkurt, og okkurt dámar ikki. Ræst kjøt dámar ikki. Ræstur fiskur er tað frægasta, eg fái av tí føroyska. Føddur 25.07.1984 Forlovaður Arbeiðir í goymsluni hjá Poul Hansen heilsølu Byrjaði at spæla fótbólt sum 7 ára gamal Spældi fyrsta dyst í bestu deildini sum 18 ára gamal Fakta Gert Hansen Føddur 27.02.1986 Stakur Arbeiðir í goymsluni hjá Poul Hansen heilsølu Byrjaði at spæla sum 7 ára gamal Spældi fyrsta dyst í bestu deildini sum 18 ára gamal Fakta Arnbjørn Hansen her sæst saman við beiggjanum Arnbjørn Hansen Mynd: Jens Kr. Vang