mánadagur 2. apríl 2007síða 6

6 tíðindi Nr. 65 - 2. apríl 2007 Framsýningar Skírisdag kunnu fólk í Kalsoynni fara til framsýningar í Mikladali og á Húsum. Tann dagin skipa Húsar/Syðradals Kvølsskúli og Klaksvíkar Kvøldskúli fyri áhugaverduum framsýningum av hondarbeiði og tøving, sum er komið burturúr í kvøldskúlanum í vetur. Norðlýsið skrivar, at áhugin fyri tilboðunum hjá kvøldskúlunum hevur verið veksandi í øllum bygdunum í Kalsoynni. Framsýningin skírisdag verður frá kl. 14 til kl 19. Nógv at fáa Í gjár byrjaði veiðitíðin hjá stuttleikaveiðimonnunum, sum royna við tráðu í teimum íslendsku áunum. Morgunblaðið skrivar, at væl kom burturúr tann fyrsta dagin. Eitt nú vóru 89 fiskar veiddir í einari á, og í fleiri øðrum áum fingu menn væl burturúr. Í fleiri áum á Vesturlandinum kom hinvegin lítið burturúr í gjár, tí har hevur tað regnað so mikið í seinastuni, at áirnar vóru í so stórar. Umframt í áunum kunnu fólk eisini veiða á nøkrum vøtnum. Heðin Mortensen, borgarstjóri, hevur persónliga givið boð um at afturkalla eitt byggiloyvi, ið annars varð útskrivað av kommununi fáar mánaðir framm­an­ undan. Kommunan eigur sjálv feilin í málinum, men hevur kortini blandað seg í eina grannaósemju við tí úrsliti, at húsini standa í hálvum gekki, meðan ein millión krónur hanga í leysum lofti BYGGIMÁL Leo Poulsen leo@sosialurin.fo Tey vóru bæði fegin og spent, Arngerð Diana Hansen og Jan Joensen. Skjótt skuldu tey seta føtur undir egið borð. Grund­stykkið hevði Arn­ gerð fingið frá móðir síni, og fyrst í september í fjør veitti kommunan teimum byggiloyvi. So tað var við góðum treysti, at stykkið beinanvegin varð planerað, og síðani til tað, sum var enn meiri spennandi: At fara út at biða um tilboð upp á húsini. Um miðan januar var alt so klárt. Tikið var av einum tilboði, og tað sum var enn meiri hugaligt, var, at teim­ um hevði eydnast at fingið handverkarar at byggja hús­ ini. Og tað er annars ikki bara sum at siga tað í hesum døgum, nú øll vinnan hevur fullar hendur – bókstaviliga sagt. Men tey bæði skuldu skjótt sanna, at trøini vaksa ikki inn í himmalin. Tí nú stakk seg knappliga upp ein trupulleiki, ið teimum als ikki so mikið sum var kom­ in til hugs frammanundan. »Stríðs«-gøta Heilt síðani foreldur Arn­ gerðs bygdu síni hús í 1971, hevur ein rímiliga breið gøta verið nýtt sum atgongu­ vegur til ognina. Nakar veru­ligur góðkendur vegur hevur ongatíð verið har. Hetta hevur tó ongatíð verið ein trupulleiki, og øll húsini í grannalagnum hava nýtt nevndu gøtu sum at­gongu­veg alla ta tíð, hús­ ini hava staðið har. Oman móti almenna vegnum er tó veruligur vegur, men hesin er privatur og ogn hjá trimum húskjum. Og eftir at grundin til oman­ fyri nevndu hús varð stoypt vísir tað seg, at hin eini av hesum ánarunum av vega­ stubbanum hevur kært til kommununa, til tess at fáa steðga byggingini við teirri grundgeving, at tey ikki vildu hava økta og tunga ferðslu á vegnum. Nú er tað at siga, at ferðslan ikki er økt av byggingini á annan hátt, enn at onkur hissini last­ bilur hevur koyrt eftir vegn­ um at veita tilfar til húsini. Arngerð og Jan búðu framm­ an undan í íbúð í kjall­ar­ anum hjá móðir Arngerð, og um tey bæði so búgva í egnum húsum ella í íbúð, ávirkar tað jú ikki ferðsl­ una. Heðin upp í leikin Unga parið var ovfarið, tí tey høvdu ongatíð ímynda sær, at hetta kundi gerast ein trupulleiki. Tað vanliga var jú annars, at øll har um vegir nýttu smølu gøtuna til parkeringspláss fyri bæði bilum og bátum. Sjálvsagt kundi tað vera eitt sindur óheppi, at betong­ bilarnir stóðu á vegnum og fyltu í formarnar, tá grundin varð stoypt, men hetta snúði seg hóast alt bert um hálv­ anannan dag. Líkamikið, kært bleiv, og fyrisitingin í kommununi royndi síðani at fáa tey bæði sjálvboðið at steðga bygg­ ing­ini. Men tað sigur seg sjálvt, at eingin leingir við vilja um byggingina, tí fyri tað fyrsta kann hetta væl dýrka byggingini, og fyri tað næsta mátti roknast við, at handverkararnir fóru aðrastaðir at arbeiða – teir seta seg jú ikki hendur í favn at bíða, tá ovmikið er at gera. Málið var tó eftir øllum at døma so álvarsligt, at tað var fyri á býráðsfundi, og eftir henda fund fingu Arngerð og Jan at vita, at tey sluppu at halda fram við byggingini. Men dagin eftir gevur Heðin Mortensen, borgar­ stjóri so umsitingini boð um, at afturkalla byggiloyvi, og tekur stig til at seta fúta­ bann móti víðari bygging. Av sonnum ein løgin gerð av borgarstjóranum. Kommunan feilin Hesi ungu eru tískil steðgað í byggingini av sínum set­ húsum, sum nú bert standa har í hálvum gekki – og húsa starum! Tað er eyðvitað, at komm­ unan stendur við ábyrgdini, bæði so og so. Tí sambært matrikuleringslógini, skal komm­unan tryggja sær í sam­bandi vi frá­matrikul­er­ ing av grundøki, at alt fer rætt fram. Í hesum føri hevur kommunan eyð­sýni­ liga ikki gjørt sína skyldu, júst tí eingin atkomuvegur er til grundstykkið - júst ein av orsøkunum til, at komm­ unan skal vera við í eini frá­ matrikulering. Í øðrum lagi hevur komm­ unan útskrivað eitt byggi­ loyvi uttan at tryggja sær, at alt er í lagi. Kommunan kann undir ongum um­støð­ um leggja út á borgaran at halda skil á, um treytirnar fyri at byggja eru uppfyltar. Tí var næsti feilurin gjørdur, tá byggiloyvið varð út­skriv­ að. Og nú hevur borgarstjórin so sjálvur gjørt triðja feilin við at taka støðu í einum privatum máli millum tveir borgarar. Eitt mál, sum leggur einum ungum pari fótonglar í vegin at seta fót undir egið borð, men sum tó ikki í síðsta enda neyvan fer at kosta teimum pening. Ta ábyrgdina eigur komm­ unan nevniliga. Ungt par á Argjum steðgað í sethúsabygging: Hava fingið eina millión í klemmu - Eg arbeiði við málinum, og eg rokni heilt vist við, at ein loysn kann finnast innan heilt fáar dagar, sigur Heðin Mortensen, borgarstjóri. BYGGIMÁL Leo Poulsen leo@sosialurin.fo Tá Sosialurin tosaði við Heðin Mortensen, borgar­ stjóra, fyrrapartin í dag, lovaði hann at taka sær av málinum beinanvegin. Trupulleikin er ikki ókendur við ymiskum skav­ankum í sambandi byggi­umsiting á Argjum, og hetta er enn eitt mál, har ikki øll viðurskifti eru í lagi. Heðin Mortensen setti seg beinanvegin inn í mál­ ið, tá vit tosaðu við hann, og hann segði seg kunna lova, at málið finnur eina loysn innan fáar dagar. Talan er sum so um klandur millum grannar, har eini parturin ikki er áhug­aður í at tosa um trup­ ul­leikarnar, men borg­ar­ stjórin hevur givið um­sit­ ingini boð um at fáa viður­ skiftini í rættlag. Eg blandi meg ikki van­ liga í slík mál, men her er talan um eina kæru frá ein­ um borgara, og hóast tað er ein feilur frá umsitingini, so er tað er sum borgar­ stjóri, ið standi við enda­ ligu ábyrgdini. Tí valdi eg at steðga byggingini til við­ ­urskiftini eru komin í rættlag, sigur Heðin Mor­ ten­sen. Og borgarstjórin hevur sum nevnt góðar vónir um at fáa greiði á málinum heilt skjótt. Innan fáar dag­ ar, sum hann sjálvur málber seg. Heðin Mortensen, borgarstjóri: Ein loysn finnast innan fáar dagar Heðin Mortensen, borgarstjóri, ætlar, at málið skal fáa eina loysn innan fáar dagar Arngerð Diana og Jan kunnu bara hyggja langt eftir húsunum, sum tey við góðum treysti fóru undir at byggja fyri góðum tveimum mánaðum síðani Mynd: Jens-Kr. Vang