mikudagur 4. apríl 2007síða 14

14 tíðindi Nr. 67 - 4. apríl 2007 Páskafrøi í Frelsunar­­­herinum Havn: Um høgtíðin hevur Frelsunarherurin fingið vitjan úr Noregi. Møtini byrja skíriskvøld kl. 18 har major Wenche Walder­ haug talar og Poul Heri Midjord syngur. Møtini halda fram um vikuskiftið við møtum har Kristian Nygård úr Noregi talar. Páskamorgun verður serstøk páskafrøi í møtisalinum. Møtt verður kl. 8 um morgunin og á skránni er morgunmatur og páskasangur. Stevna í kirkjukjallaranum Gøta: Páskastevnan byrjar við gudstænastu í Gøtu kirkju skírisdag kl. 12 og síðani verður hildið á allar páska­ dagarnar. Gudstænastur verða í kirkjuni høgtíðsdagarnar og møtir øll kvøldini í kirkjukjallaranum við talarum og sangarum úr Eysturoynni og aðrastaðni frá. Meðan møtini eru, verður skipað fyri barnaansing. Páska­ kvøld verður haraftrat savnað inn fyri nýggja missións­ húsinum, ið ætlanin er at byggja í Gøtu. Seinnapartin í morgin byrjar stóra páskastevnuni í Kelduni í Skálafirði. Í longri tíð hevur verið arbeitt við at fyrireika hesa stevnuna – bæði praktiskt og andaliga Páskastevna Orð & mynd: Snorri Brend snorri@sosialurin.fo Keldan: Tað er nógv stákan úti í gongini her í samkomu­ bygninginum í Skálafirði. Í einum horni standa tveir menn og pakka út eina rúgvu av stólum. Í einum øðrum horni standa nakrir menn boygdir niður yvir eitt diagram við elektriskum installasjónum. Í køkinum er øgiligt virk­ semi. Arbeitt verður av allari megi at fáa henda lidnan til páskastevnuna, sum byrjar seinnapartin skíris­dag. Millum hesar menn stendur Jóan Pauli Jacobsen úr Skálafirði. Hann er við í leiðsluni fyri samkomuna, og hevur sjálvsagdan áhuga í at arbeiðið skal verða gjørt væl, og haraftrat verða lið­ ugt til tíðina. Hansara áhugi liggur sjálvandi eisini áhugi í tí anda­liga partinum av stevn­ uni. - Eg vóni, at mong menn­ iskju koma til frelsu á hesi páskastevnuni, sigur Jóan Pauli við Sosialin. Ein góð uppliving Jóan Pauli hevur verið á mong­­um páskastevnum áð­ur. Nú verður stevnan hild­in á øðrum sinni í Keld­ uni. Fyrireikingarnar til ársins páskastevnu hava vart í langa tíð, bæði praktiskt, men ikki minst andaligt. Í longri tíð hava menn og kvinnur gjørt eitt stórt arbeiði við at rigga alt so væl til inni í tí stóra bygn­ inginum, soleiðis at ein stevna av slíkari stødd kann haldast her. Somuleiðis hava tey lagt seg eftir, at tann andaligi parturin ikki liggur eftir. Í ár verða hjúnini Anne og Stephan Christiansen høv­ uðstalarar. - Jú, vit hava fingið hetta parið úr Noregi sum høv­ uðs­talarar í ár. Og tí vænta vit okkum eina sera góða stevnu. - Vit vóna eisini at rætti­ liga nógv fólk fer at koma higar, og at tey fáa eina góða uppliving við Harran, sigur hann. Eingin avmarking Á stevnuni verða tiltøk av ymiskum slagi, bæði kon­ sert­ir, vanlig møtir, kvinnu­ møtir, mansmøtir og ann­ að. Pláss verður eisini givið til fríløtur, har fólk fáa møgu­leika at hugna sær sam­an við hvørjum øðrum. Tað er gott nokk sam­ koman í Kelduni sum skipar fyri stevnuni. Men tá tað er sagt, er stevnan kortini opin fyri fólki úr øllum sam­kom­ um og úr øllum landinum. - Vit seta onga avmarking á, og tí skal alt Guds fólk vera vælkomið higar, sigur Jóan Pauli. Fólk skulu fáa eina góða uppliving Tey anda­ ligu viður- ­skiftini Umstøðurnar at hava slík­ ar páskastevnur hava sjálv­andi sítt at siga. Men boðskapurin hevur kortini altíð verið hin sami. - Jú, vit hava eisini havt nógvar góðar stevn­ ur úti í ítrótt­arhøllini á Skála. Men hóast vit nú eru í Skálafirði, er málið kortini hitt sama – at menn­iskju skulu verða frelst. - Tað hava vit eisini upplivað á undanfarnum páska­stevnum, sigur Jóan Pauli. Á páskastevnuni hevur Jóan Pauli onga fasta upp­gávu sum so. Men sum hann sigur tað: – Vit í leiðsluni skulu altíð vera klárir, um tað eru fólk sum ynskja hjálp ella samtalu um andalig viðurskifti. - Okkara ynski er at menniskju skulu verða frelst, sigur Jóan Pauli Jacobsen í Kelduni ” Vit seta onga avmarking á, og tí skal alt Guds fólk vera vælkomið higar