hósdagur 1. mars 2001síða 8

Nr. 42 - 1. mars 2001 15 gult cyan magenta svart 14 Nr. 42 - 1. mars 2001 gult cyan magenta svart – Føroyar og Bretland eru grannar. Havið millum okkum skilir ikki bert sundur, tað bindur eisini saman segði løgmaður til stóru móttøkuna í London og nevndi hann millum áhuga- málini vit hava til felags, havum- hvørvið. At tað ikki verður dálkað. ALMENN VITJAN Jan Müller úr London Eftir eina sera turbulenta vitjan í Skotlandi, har lim- osinin við løgmanni eitt skifti var innikavað við meturhøgum fannum eydn- aðist tað tó løgmanni og fylgi at sleppa úr Edin- burgh og til London. Týskvøldið var móttøka á donsku sendistovuni í London, fyri umleið 100 innbodnum ur Bretlandi og Føroyum. Her vóru nakrir av odda- monnunum í risastóru olju- feløgunum, sum síggja stórar møguleikar í før- oysku undirgrundini, eitt nú BP. Til móttøkuna helt løgmaður eina rættiliga positiva og áhugaverda røðu, har hann eisini nam við viðurskiftini millum Føroyar og Danmark. Vit prenta røðu løgmans: Fyrst vil eg takka danska sendiharranum fyri at halda hesa móttøku, nú bretska stjórnin hevur boðið mær higar til Bretlands sum gestur hjá bretsta uttanrík- isráðnum. Hesa innbjóðing fekk eg, tá ið eg saman við danska uttanríkisráðharranum bretska varauttanríkisráð- harranum Tony Lloyd und- irritaði sáttmálan um hav- mørkini millum Føroya og Bretlands 18. mai 99. Hesin sáttmálin var ein fortreyt fyri, at føroyskir oljumyndugleikar kundu fara í holt við at fyrireika fyrsta føroyska útbjóðing- arumfarið, ið varð lýst í februar í fjør og sum førdi til, at leitingarloyvi vóru latin oljufeløgum í august í fjør. Semjan um markið læt eisini upp fyri einum breið- ari samstarvi millum føroy- ingar og grannar okkara í Bretlandi, ikki minst í Skotlandi og serliga í Het- landi og Orknoyum. Áhugi fyri samarbeiði Eg og fylgi mítt hava nú ferðast í Skotlandi og hava har fingið váttað, at hugur er at samarbeiða á fleiri økjum. Vit hava í nógv ár havt samskifti, kapping og sam- starv á fiskivinnuøkinum. Bretsk skip hava í øldir fiskað undir Føroyum og føroysk skip hava seinastu 40 árini fiskað í bretskum sjógvi. Vit hava í nógv ár selt fisk til Bretlands, og eisini ein partur av okkara útflutningi til onnur europ- eisk lond fer um Bretland. Nú oljuvinnan tekur seg fram, eru bretsk oljufeløg við í leitingini, og somu- leiðis bretskar deildir hjá fremmandum oljufeløgum. Eisini tá ið talan er um veitingar til oljuvinnuna koma bretskar fyritøkur inn í myndina. Vit vænta okkum nógv av hesum samstarvi og vóna, at tað fer at menna føroyska samfelagið og verða til gagns fyri allar partar. Eisini ferðasambandið millum Føroya og Bret- lands er í menning. Fleiri føroyingar søkja sær út- búgving í Bretlandi. Sam- handil er nógvur millum Føroya og Bretlands. Nógv persónlig sambond eru millum fólk í Føroyum og í Bretlandi. Føroyar – Danmark Føroyar hava í øldir verið í kongssambandi við Dan- mark. Føroyar hava síðan 1948 havt heimastýri (auitonomi). Hetta merkir, at føroyingar stýra sínum egnu viðurskiftum á fleiri og fleiri økjum, harundir tí vinnuliga og tí mentanar- liga. Sum tykkum kunnugt, hevur spurningurin um við- urskifti Føroya við danska ríkið verið eitt týdningar- mikið evni í Føroyskum politikki í eini hundrað ár. Tá ið hetta laqndsstýrið kom til eftir valið í 1998 varð ein høvuðsmálsetn- ingur at virka fyri, at Før- oyar gerast sjálvstøðugt land við fullveldi, skipað í tøttum samstarvi við Dan- mark – m.a. við kongsfel- agsskapi og gjaldoyrafel- agsskapi. Við støði í hesum hevur Føroya landsstýri megin- partin av árinum 2000 sam- ráðst við donsku stjórnina um ein tvívegis sáttmála, sum hevði til endamáls at skipa Føroyar sum sjálv- støðugt ríki í frælsum fel- agsskapi (Free Association) við Danmark. Tað eydnaðist ikki at røkka eina semju millum partarnar á hesum støði. Tí hevur landsstýrið lagt sín politikk um til eina meira stigvísa ætlan, har landsstýrið innanfyri heimastýriskarmin vil fremja fyrisitingarligar og búskaparligar umleggingar. Tað merkir, at øll málsøki, ið ikki beinleiðis eru tengd at fullveldinum verða løgd undir føroyskan myndug- leika eftir eini ætlan, sum røkkur fram til ár 2012. Somuleiðis er ætlanin, at fíggjarligi stuðulin frá danska ríkinum verður minkaður til hann í seinasta lagi ár 2012 er fullkomiliga burtur. Tá ið føroyska samfel- agið eftir eina slíka gongd er vorðið mest møguliga fyrisitingarliga og búskap- arliga sjálvbjargið (self- sustaining), eigur Føroya fólk at fáa høvi til á fólka- atkvøðu at taka støðu til, um tað ynskir fulla sjálv- støðu (independence). Gingið væl Seinastu árini hevur gingist væl við føroyska búskapin- um. Í hesum tíðum, har fólk gerast meira og meira varin við at keypa fram- leiðsluna frá nútímans landbúnaði, er helst ein fyrimunur at kunna bjóða teimum fisk úr heimsins reinasta sjógvi. Fiskaprís- irnir hava verið okkum til vildar seinastu árini. Eisini hevur fiskaalingin støðugt vundið uppá seg. Føroyingar hava mest- sum bert sjógvin á at líta. Vit hava brúk fyri eini burðardyggari nýtslu av øllum tí livandi tilfeingin- um í havinum, antin tað er fiskur, sjófuglur ella hav- súgdjór. Á millumlanda- stigi royna vit at virka fyri burðardyggari menning og reinum havumhvørvi. Havumhvørvið Føroyar og Bretland eru grannar. Havið millum okkara skilir ikki bert sundur, tað bindur eisini saman. Millum áhugamál- ini, vit hava til felags er havumhvørvið. At tað ikki verður dálkað, hvørki frá ídnaði á landi, ella frá frá- landsvirksemi. Á sjónum millum londini kunnu óhapp henda, bæði við skipaferðslu og í frá- landsvirksemi. tá er hent at hava hvønn annan at heita á til samvinnu um bjarging á sjónum og vernd móti hav- dálking. Eg fari at enda við at siga, at vit eru fegin um at hitta øll tykkum og vóna, at vit fáa eina hugnaliga løtu saman um viðurskifti av felags áhuga. Havið skilur sundur og bindur saman Tíðindaskriv Fútarætturin viðgjørdi í dag áheitan frá Fíggjar- málastýrinum um at seta fútabann móti blokaduni hjá Skipara- og Navigat- ørfelagnum, sum hevur lagt sjóbjargingina lamna. Rætturin tók ikki støðu í málinum, men útsetti tað til komandi mánadag, so partarnir kunnu lata inn replikk og duplikk. Landsstýrið metir blokaduna sum eitt álv- arsligt sáttmálabrot, tí felagið hevur onga heimild at blokera størv, sum galdandi sáttmáli er fyri. Støðan er so mikið álvarsom, at Landsstýrið sær tað sum sína skyldu at fáa minsta krøvini til trygdina á sjónum í lagi aftur beinanvegin. Fútarætturin er ein partur av vanligu rættar- skipanini. Í Føroyum er eingin arbeiðsrættur, tí má vanliga rættarskip- anin verða nýtt til tílík mál, og tað vil í hesum føri siga Fútarætturin. Fíggjarmálastýrið bjóðaði annars Skipara- og Navigatørfelagnum at taka málið aftur í rætt- inum, soleiðis at teir vildu loyva, at menn skifta um vaktir, so Tjaldrið fæst í sigling. Hesum vildi felagið ikki ganga á møti. Fíggjarmálastýrið vil enn einaferð royna at fáa Skipara- og Navigatør- felagið at gera eina semju um bólking av Brimli, og hevur tí boðið teimum til fundar í kvøld. 13/2-2001 Karsten Hansen Fútaforboð ÚT AT KOYRA Eftir at hava verið á marknaðinum í 6 ár, er Audi A4 nú komin í eini heilt nýggjari útgávu, ið er merktur av góðum kvaliteti á sera høgum støði. Bilurin minnir nógv um Audi A6, sum hevur verið brúktur sum fyrimynd. BILAR Magnus Gunnarsson Hørð kapping Kappingin í Týsklandi er vorðin so hørð millum Audi í Ingolstadt, BMW í Mün- chen og Mercedes-Benz í Stuttgart, at nýggi Audi A4 er fluttur ein klassa upp, fyri at fara í beinleiðis kapping við BMW 300- røðina og Mercedes C- klassan. Bilurin er bygdur yvir ein nýggjan plattform, sum eftir ætlan skal brúkast til tann næsta Passat´in, tá hann verður skiftur út um nøkur ár. Tað at bilurin er longdur sjey sentimetrar, og at aksulfrástøðan eisini er longd, ger at meira beinpláss er við baksetrini. Viðførisrúmið er stórt og væl innrættað. Lættur at koyra Tann mest grundleggjandi broytingin við koyriegin- leikunum er at bakaksilin og upphangið aftan eru óbundin av hvørjum øðrum (ikki fastur aksil). Tað fyrsta ein leggur til merkis er at bilurin stýrir sera neyvt og lætt, eins og koyrieginleikarnir eru fyrsta floks, og skjótt er at finna seg væl til rættis í bilinum. At byrja við verða 5 motorar at velja ímillum: ein 2.0 litur við 130 hk, ein1.8T við 150 hk, og ein 3.0 litur V6 við 220 hk. Tveir turbodiesel motorar verða, har ein 1.9 TDI við 130 hk, og ein 2.5 TDI við 180 hk við Quattro og 6- trins gearkassa. Seinni verða fleiri aðrir motorar á skránni. Tryggur bilur A4 er sera væl útgjørdur og hevur nógva trygdarútgerð, sum eitt nú elektronisku stabilitetskipanina (ESP), elektronisku differentiale- sperruna (EDS), og anti- spinn (ARS) sum standard. Sum nakað nýtt hjá Audi, hevur A4 elektroniskan bremsuassistent, sum hjálp- ir bilføraranum við at hækka og fasthalda bremsutrýstið undir eini harðari uppbremsing, og harvið stytta um bremsu- longdina. Umframt dupult- an airbag framman og í síðunum, hevur A4 eisini airbaggardinur sum stand- ard. Automatiskt klimaanlegg er eisini standard. Audi A4 – fluttur upp í hægri klassa Audi A4 2.0 Motorurin 2.0 litur 4 syl. 131 hk 0-100 km/t 9,9 sek. Bensinnýtsla 12,3 - 12,7 km/l Dekkstødd 195/65-15 Stødd og vekt Longd 454,7 cm Breidd 176,6 cm Hædd 142,8 cm Eginvekt 1310 kg Totalvekt 1860 kg Viðførisrúm 445 litrar Prísur 280.000,- kr. Søluumboð Bilasølan v/Øssur Johannesen Vegurin Langi FO-188 Hoyvík Tlf. 315354 Audi A4 er nú komin í eini heilt nýggjari útgávu, ið er merktur av góðum kvaliteti á sera høgum støði Mynd: Jens K. Vang Bilurin minnir nógv um Audi A6, sum hevur verið brúktur sum fyrimynd Mynd: Jens K. Vang Skjótt er at finna seg væl til rættis í bilinum Mynd: Jens K. Vang