hósdagur 12. apríl 2007síða 26

26 [ Nr. 70 - 12. apríl 2007 ] Føroyingur á danska landsliðnum 25 ára gamli Jákup Gardar Joensen úr Sandavági er júst úttikin til danska landsliðið í amerikanskum fótbólti. Jákup Joensen spælir dagliga við felagnum Kolding Guardians, og hevur fingið landsliðsboð, nú Danmark skal spæla ímóti Svøríki sunnudagin 22. apríl. Jákup Gardar Joensen hevur eisini gjørt vart við seg í føroyskum ítrótti, har hann hevur vart málið hjá FS/ Vágum. Inntakt høvuðsstuðul hjá VB/Sumba VB/Sumba og S/pf Inntakt hava skrivað undir sáttmála, har Inntakt er høvuðsstuðul hjá felagnum. Sáttmálin er fyribils í eitt ár, men báðir partar eru áhugaðir í at práta um at leingja sáttmálan, tá árið er farið, um alt gongst sum ætlað. Formaðurin í VB/Sumba, Bjarni Johansen, sigur, at sáttmálin, sum er eitt slag av akkordskipan, er góður fyri felagið. – Betri menn arbeiða, betri er tað fyri felagið, sigur Martin Hvanná Dam, stjóri í Inntakt. – Felagið hevði sjey góð ár, síðani sjey verri ár, so nú eru sjey góð ár aftur væntandi, væntar Martin Hvanná Dam, ið rekur felagið Inntakt, ið hevur gjørt íløgur í Vági, og tí er áhugað í at stuðla ítróttinum í økinum. Unga Bjørk Herup Olsen hevur sett nýtt føroyskt mett á 5 kilo­ metra teininum í renn­ing hjá kvinnum. Tíð­in var 18 minuttir og 35 sekund og á trimum teimum sein­ astu oyggjaleik­unum hevði hetta rokkið heiðursmerki. Randi Kúrberg hevur eisini sett nýtt føroyskt met, hetta í spjótkasti FRÆLSUR ÍTRÓTTUR Rólant Waag Dam rolant@sosialurin.fo Seinasta umfar av Vetrar­ kapp­ingini var í Runavík leygardagin 31. mars, og var tað góðveður og skjótar tíðir, sum merktu henda dagin. Tvey nýggj met vórðu sett. Bjørk Herup Olsen setti nýtt met á fimm kilo­metra teininum hjá kvinn­um. Hon rann teir fimm kilo­ metrarnar upp á 18 minuttir og 35 sekund. Henda tíð er so mikið góð, at á trim­um teimum seinastu Oyggja­ leikunum hevði hon rokkið til heiðursmerki. Vinnarar av seinasta um­ farinum av Vetrarkapp­ing­ ini hjá kvinnum gjørdust Bjørk Herup Olsen (5 km Gentur, 18.35), Jan Elmar Sørensen (5 km Dreingir, 19,05), Fríðunn Steinberg (10 km Kvinnur, 48,13), Guttorm Sørensen (10 km Menn, 33,15) og Jósvein Herup Olsen (10 km Menn Veteranar, 38,10). Enn eitt føroyskt met til Randi Kúrberg 2. páskadag varð kappast í spjótkast, hamarkast, diskus­ kast og kúlustoyt á kasti­vøll­ inum við Eysturskúlan í Havn. Veðrið var ringt og umstøðurnar at kappast vóru ógvuliga keðiligar. Men tað var tó onkur, sum fekk nakað gott burtur úr. Randi Kúrberg setti nýtt føroyskt met í spjótkast, tá hon kastaði spjótið 34,52 metrar. Randi átti sjálv gamla metið, men 2. páskadag varð hetta bøtt við 44 centimetrum. Randi royndi seg eisini í hamarskast. 34,53 metrar gjørdist úrslitið og er tað hennara triðbesta úrslit nakrantíð. Í diskuskast kastaði Heri Ziska 43,20 metrar. Tað er longur enn oyggja­leika­ kravið, og hevði tað eisini rokki til eitt heiðursmerki á seinastu Oyggjaleikum. Tvey nýggj met í frælsum ítrótti Bjørk Herup Olsen hevur sett nýtt føroyskt met í 5 kilometur renning við tíðini 18 minuttir og 35 sekund Mynd: athletics.fo Tað gekk júst sum væntað hjá Liverpool, sum vann tryggan sigur á PSV, og AC Milan skúgvaði allan iva til viks á Allianz Arena, við at skora tvey mál uppá fimm minuttir, sum at enda gav teimum sigurin FÓTBÓLTUR Rólant Waag Dam rolant@sosialurin.fo Liverpool lat ongantíð nakr­an iva vera um, at teir vóru nógv tað betra liðið, tá seinna hálvfinalan móti PSV Eindhoven varð spæld á Anfield Road í Liverpool. Uttan stórvegis hóvasták og við monnum sum Jamie Carragher, Steven Gerrard og Dirk Kuyt á beinkinum trillaði Liverpool ein trygg­ an 1-0 sigur í hús, so teir samanlagt vunnu 4-0 á hol­ lendska liðnum. Dysturin var annars lítið undirhaldandi og sera fáir málmøguleikar vóru – júst sum tey flestu høvdu roknað við. Liverpool kendi onga trongd til at spíla seg út og staðfesta sína støðu, og PSV formáddi ikki at hótta enska stórfelagið nakrantíð. Tá tað restaði hálvur tími varð ein PSV-leikari vístur av vøllinum. Ein harðlig takl­ ing frá Dirk Marcellis, men eitt bíligt reytt kort, sum bara gjørdi uppgávuna hjá Liverpool lættari. Fáar minuttir eftir útvís­ ingina skoraði Peter Crouch einasta málið í dystinum, tá hann beindi avleveringina frá Robbie Fowler í netið. Fowler kom inn tíðliga í fyrra hálvleiki, tí Craig Bellamy gjørdist skaddur. Dysturin endaði 1-0 og Liverpool skal sostatt møta Chelsea í hálvfinaluni mikudagin 25. apríl. Sigurin avgjørdur uppá 5 minuttir Innanfyri fimm minuttir miðskeiðis í fyrra hálvleiki skoraði AC Milan tey bæði ein­astu málini í útivallar dyst­inum móti Bayern München. Fyrst skoraði vælleikandi Clarence Seedorf við frá­ líkum langskoti, og síðani økti málrevurin Filippo Inzaghi eftir upplegg frá Clarence Seedorf. Í seinna hálvleiki royndu týskararnir at trýsta italska liðið, men burtursæð frá skot­ royndum úti frá og onkrum kjansi aftrat, so hevði týska liðið lítið at bjóða uppá. Tíggju minuttir fyri leiklok kundi spenningur tó komi aftur í dystin, men málverjin Dida bjargaði flott, tá Pizzaro stútaði úr stuttari fjarstøðu. Bayern München hevði snøgt sagt ikki tað, sum skuldi til fyri at koppa Milan, ið nú møtir Manchester United í hálvfinaluni. Teir spæla týsdagin 24. apríl.. Úrslitini av 1/8 finalunum merkja, at tað í ár vera trý ensk og eitt italskt lið í hálvfinalunum í Champions League. Tað merkir víðari, at tað verður ein rein ensk uppgerð í aðrari finaluni, sum aftur merkir, at tað longu nú er greitt, at annað liðið í sjálvari finaluni kemur úr Onglandi. Onglendingar í Champions League-finaluni Eftir at Liverpool vann í gjárkvøldið er greitt, at annað liðið í Champions League-finaluni kemur úr Onglandi Mynd: Polfoto