mánadagur 23. apríl 2007síða 5

29 [ Nr. 77 - 23. apríl 2007 ] Inter eru meistarar Marco Materazzi kom veruliga í fokus, tá hann seinasta summar varð stútaður um koll av Zinedine Zidane. Sunnudagin var verjuspælarin aftur í fokus, men hesa ferð eitt meira positivt av slagnum. Materazzi skoraði nevnliga bæði málini, tá Inter á útivølli vann 2-1 á Siena. Og tá Roma samstundis tapti móti Atalanta, førdi sigurin italska meistaraheitið til Inter. Og á pappírinum er hetta annað árið á rað, at Inter er italskur meistari. Grundað á stóru dómaragøluna í fjør varð gullið hjá Juventus nevnliga tilskrivað Inter. Lyon best í Fraklandi Lyon er fyri sættu ferð á rað franskur meistari í fótbólti. Hetta gjørdist veruleiki leygardagin, tá Toulouse tapti sín dyst móti Renne. Lyon hava verið mest sum einaráðandi í fronskum fótbólti í drúgva tíð, og munurin til næstu liðini undirstrikar eisini týðiliga hendan veruleikan. Enn eru nevnliga seks umfør eftir í bestu fronsku røðini, men gullið er tað so eingin annar, sum kann nerta við. Lagt var upp til spenn­ andi dyst í eyðkendu uppgerðini ímillum javnaldrarfeløgini í Gundadali sunnu­ dagin, men KÍ fekk einki gjørt við føroyameistararnir FÓTBÓLTUR Pætur Albinus patur@sosialurin.fo Høg leikferð við tøttum nær­dystum plagar at eyð­ kenna dystir millum HB og KÍ, men sunnudagin var hvørki av hesum á lepanum. KÍ sýndist ikki til at tíma at spæla fótbólt, og tað gav HB møguleikan at spæla sítt spæl og settust teir á dyst­in frá fyrsta bríksli. Tí kom tað heldur ikki óvart á nakran, tá Rókur av Fløtum Jespersen legði heimaliðið á odda eftir bert sjey minuttum. Hann fekk eitt flatt innlegg, og úr stutt­ ari fjarstøðu sveik hann ikki. Leiðslan hjá HB helt sær tó ikki leingi, tí KÍ svaraði aftur beinanvegin. Tríggjar minuttir seinni fekk KÍ frí­ spark beint uttanfyri brots­ teigin hjá HB. Gunnar Nielsen rullaði frísparkið til síðuna, og við einum fløt­ um kanónskoti sendi Kaj Ennigarð bóltin í netið til 1-1. HB traðkaði til Útjavnandi málið hjá KÍ sá út til at geva HB eitt spark í endan. Teir gjørdust meiri málsøknir og størsti parturin varð uppspæling í høgri síðu, har stórspælandi Mort­ an úr Hørg var ógvuliga ágrýtin fram eftir vøllinum. Trýstið gav úrslit í 22. minutti, tá ið Christian Høgni Jacobsen hegnisliga varð spældur leysur, og lyfti bóltin upp um Meinhardt Joen­sen í KÍ-málinum. 2-1 sá leingi út til at verða hálvleiksstøðan, men so varð tó ikki. Í sjálvum 45. minutti varð Rókur feldur í brotsteiginum. Eins og all­ an dystin ígjøgnum var Eiler Rasmussen ivaleysur í hesi støðuni og dømdi brots­ spark. Hetta setti Jákup á Borg trygt uppundir net­tak­ ið, og so kundi hann senda lið sítt til hálvleiks við ein­ ari 3-1 leiðslu Samanbrestur tók luftina HB kom best frá byrjan í seinna hálvleiki. Tó gingu bert fimm minuttir, áðrenn ein drúgvur steðgur kom í spælið eftir eina óhepna hend­ing. Rógvi Jacobsen fekk eina fríspæling, og hevði bert KÍ-málverjan eft­ ir at knógva. Beint uttan fyri brotsteigarmarkið sprakk bólturin høgt. Mál­ verj­in var komin út og fekk ikki nýtt hendurnar, og Rógvi Jacobsen hevði nógva ferð og fekk ikki støðga. Úrslitið var, at teir rendu høvdini saman. Báðir smullu í vøllin og báðir fingu hæstiliga viðgerð. Rógvi slapp við bindi um høvdið, meðan Meinhardt mátti flytast á sjúkrahúsið. Inn kom Mathias Samuelsen at verja KÍ-málið, og hetta gjørdi hann bæði gott og trygt. Ógvusliga hendingin tókt­ ist at taka luftina úr leikar­ unum, tí eftir drúgva steðgin var ikki serliga ágangandi spæla at síggja. KÍ-verjan sá til tíðir alt ov tunn út, meðan HB ikki rakti málið tað, ið eftir var av dystinum. Einki mál kom í seinna hálv­leiki og harvið vann HB seg upp á sjey stig, sum er ájavnt við B71, KÍ og GÍ. HB-KÍ 3-1 (3-1): Klassamunur í Gundadali Ógvusligasta hendingin í Gundadali sunnudagin var uttan iva, tá Rógvi Ja­cobsen og Meinhardt Jacobsen rendu saman. Hetta tá Rógvi elti eina langa sending, sum KÍ- málverjin hinvegin royndi at rudda burtur. - Eg haldi, at vit báðir eru púrasta fokuseraðir upp á bóltin. Fyri mítt við­ komandi kann eg bara siga, at eg roknaði við, at eg hevði møguleika at stúta bóltin í netið, og tí satsaði eg alt. Meinhardt heldur helst tað sama, og so renna vit beint í hvønn annan, sigur Rógvi Ja­cob­ sen um tilburðin. Tað sá ógvusligt út, tá Rógvi varð liggjandi, bløð­ andi, á vøllinum, men sjálvur var hann mest sum alt fyri eitt greið­ur um, at hann fekk spælt víðari. - Eg var eitt lítið sindur í ørviti, men eg visti, at talan var ikki um heila­ skjálvta. So eftir at hava fingið bandasju um høvd­ ið, var eg klárur at fara aftur á vøllin, sigur Rógvi. KÍ-málverjin mátti hin­ vegin fara av vøllinum við heilaskjálvta. Báðir vórðu spælararnir á Sjúkra­­ húsinum um kvøld­ið, har løstirnir vórðu seym­aðir. -mørk Fekk tríggjar pentur eftir dystin Gunnar Nielsen hevur verið flúgvandi hjá KÍ seinatu tíðina, men hesa ferð slapp hann ikki at seta dagsskránna Mynd: Álvur Haraldsen Hóast Rógvi sjálvur fekk ein ordans snudd, so hevði hann eisini stundir at taka sær av liðfeløgunum. Her kannar hann eftir, hvussu standurin er hjá Christian Høgna Jacobsen Mynd: Álvur Haraldsen KÍ HB