mikudagur 2. mai 2007síða 21

41 NORTH ATLANTIC FISH FAIR 07 Tað er ikki bara laksa- og sílaalingin í Føroyum, sum hevur fótað sær aftur eftir djúpa kreppu. Ein nýggj og áhugaverd vinna hevur eisini sæð dagsins ljós. Tað er toskaaling, sum í fram­tíðini kann ger­ast ein týðandi part­ur av føroyskari alivinnu Toskaaling Vilmund Jacobsen vilmund@sosialurin.fo Áhugin at ala tosk í Føroyum er vaksandi, og hesin áhugi kemst ikki minst av, at eitt nú norð­ menn og íslendingar eru byrjaðir at fáa lønsemi í hesa framleiðslu. Okkara grannalond hava brúkt nógva orku til at menna toska­ framleiðslu, og mett verður, at toskaaling kann gerast eitt áhugavert alternativ til laksa-og sílaaling. Fyritreytirnar fyri at ala tosk í Føroyum skuldu verið góðar. Hitalagið í sjónum ger oyggjar­ nar væl egnaðar til hesa aling. Eisini verður mett, at toskur av Føroyabanka er framúr vælegn­ aður sum alifiskur, og eitt nú vístu royndir við aling í nítiáru­ num, at toskurin hevur sera góðar vakstrareginleikar. Vís­ inda­liga er prógvað, at fiskurin hevur framúr góðan vøkstur. Miðvís ætlan P/F Fiskaaling er við í royndu­ num, sum nú eru í gongd at ala tosk í Føroyum, bæði á sjónum og í kørum á landi. Felagið hevur soleiðis lagt eina 3-ára ætlan fyri framleiðslu av toska­ yngli, og málið hevur verið at framleiða 150.000 yngul í 2006, 300.000 í 2007 og 500.000 í 2008. Ætlanin er síðan, at tá toska­ lingin í Føroyum er komin í gongd skal vinnan sjálv yvirtaka yngulframleiðsluna. Fyri og eftir ársskiftið vórðu 100.000 toskayngul sett út á Árnafirði, og 38.000 yngul svimja nú í kørum í Hvalba. Toskaaling í Føroyum er á royndarstigi, og torført er at meta um, hvønn týdning henda vinna kann fara at fáa. Í løtuni verða flestu aliøki kring um á firðum og sundum nýtt til aling av laksi og sílum, men lønsemi í nýggju alingini verður helst avgerandi fyri, hvussu framtíðin við alingini fer at mynda seg. Norskur kapasitetur Miðjað verður eftir, at 300.000 toskayngul verða klár at seta út aftur í heyst og tøkan av toski­ num, sum longu er sett út, verð­ ur einaferð í komandi ári. Tá fer eisini at bera til at máta, hvussu úrtøkan hevur verið av hesi fyrstu veruligu royndini at ala tosk í Føroyum. Arbeiðið, sum P/F Fiskaaling ger, fer fram undir leiðslu av Arna Kolbeinshavn, sum hevur drúgvar royndir við yngul­fram­ leiðslu úr Noregi. Fiskurin verður strokin og rognini gitin. Tey verða síðan havd á klekjaríi, til tey eru klár at seta út sum larvur í start­ fóðring­seindir. Sjódepilin í Nesvík er væl egn­að­ur til hesa framleiðslu. Toskaaling á royndar­stigi P/F Fiskaaling hevur lagt eina 3-ára ætlan við framleiðslu av toskayngli, og í 2008 er ætlanin, at framleiðslan verður 500.000 yngul. Toskurin av Føroyabanka skuldi verið sera væl egnaður til aling, tí fiskurin hevur serligar vakstrareginleikar