mikudagur 2. mai 2007síða 31

19 NORTH ATLANTIC FISH FAIR 07 Á Fish Fair fer Faroe Ship at greiða frá einum nýggj­um tilboði til føroysku alivinnuna, sum eisini aðrir fiska­ útflytarar kunnu fáa gagn av flutningur Áki Bertholdsen aki@sosialurin.fo Tað eru nú trý ár síðani, at Skipa­felagið í Føroyar og Eim­ skip í Íslandi løgdu saman í eitt samstarv og seinni fekk nýggja felagið sær navnið Faroe Ship. Og síðani er felagið nógv ment og er í dag ført fyri at veita viðskiftafólki eina nógv fjøl­broyttari og samanhangandi tænastu, enn fyrr. - At samanbera rutusambandið fyrr og nú, er sum at samanbera nátt og dag, siga Allan Nolsøe Hansen, sølustjóri fyri útflutn­ ingi og Rene Dahl Olesen, sølustjóri fyri innflutningi og Faroe Express. - Fyrr sigldu vit bara til Scrabster og Danmarkar, men í dag sigla vit til øll lond í Norð­ uratlantshavi og Norðurevropa, eins og vit hava egnar rutur til Baltalondini og til Russlands. Men annars eru vit nú knýtt upp í heimsumfatandi flutnings­ netið hjá Eimskip við skriv­stov­ um í nógvum londum í øllum heiminum. - Samstundis eru vit eisini knýtt uppí størstu frystihúsketu í heiminum og í løtuni byggja vit Frystigoymslur bæði í Klaks­ vík og í Kina. Goymslan í Kina rúma heili 50.000 tonsum, men møguleikar eru fyri at byggja hana út til at rúma 100.000 tonsum. Tann í Klaksvík er knapt so stór, tí hon tekur 5.000 tons, ella 1/10 part av teirri í Kina. - Samanumtikið er virksemið og tænastan hjá Faroe Ship munandi ment seinastu árini og vit eru í dag nógv betyri før fyri at veita eina heildartænastu. Snarflutning fyri vanligan prís Eitt, sum hevur verið í stórari menning hesa síðstu tíðina, er tann parturin av tænastuni, sum eitur Faroe Express, sum nú er vorðin ein integeraður partur í Faroe Ship. - Sostatt eru møguleikarnir fyri snarflutningi munandi batn­ aðir, so nú ber til at bíleggja eina vøru um morgunin og fáa hana leveraða um kvøldið - uttan at tað kostar eyka. - Tað ber eisini til at skipa fyri snarflutningi við skipunum. Tað merkir, at er talan um sjó­ frakt, sum hevur skund, ber til at bera so í bandi, at vøran verður tann fyrsta, sum verður lossað í land og tann fyrsta, sum verður koyrd út. Og hvat útkoyring viðvíkur hevur Faroe Ship eisini ment seg, tí felagið hevur keypt bæði land flutningstólini hjá Hera Thomsen og Farmaleiðum. Sostatt er Faroe Ship nógv størsti flutningsveitari á landi í Føroyum og røkkur at kalla út í hvønn krók í landinum við last­ bili bæði við vøru, sum verður innflutt og skal útflytast, og við vøru, sum verður send innan­ lands í Føroyum. Flúgva laks til Amerika Men eitt, sum tey á Faroe Ship eru serliga spent upp á at markn­ aðar­føra á Fish Fair, er ein nýggj tænasta, sum tey serliga hava snikkað saman til alivinnuna, men sum aðrir fiskaútflytarar eisini kunnu fáa gagn av. Fiskurin, sum alivinnan tekur leygardagar, verður vanliga fryst­ur og útfluttur fyrstur, tí tað eru ikki aðrir møguleikar, sum flutningssambandið nú er. - Men nú ætla vit at bjóða okk­um til at føra fiskin feskan til Íslands sunnudagar og úr Islandi við flogfari hjá Iceland Air Carco yvir á Marknaðin í USA, ella aðrastaðni. So kann fiskurin verða feskur á amerikanska marknaðinum mikunáttina. Allan Nolsøe Hansen heldur, at hetta kann eisini vera eitt tilboð til aðrar fiskaframleiðarar, eitt nú tey, sum útflyta havtasku­ sporl, fesk fløk, ella annað. Hann sigur, at teir hava lodd­ að dýpið hjá føroyskum útflyt­ arum og teir merkja avgjørt, at áhugi er til staðar. Og hann ivast heldur ikki í, at marknaður er í USA fyri før­ oysk­um laksi, tí tað hevur verið ein góður marknaður hjá ís­lendsku alivinnuni. Men hon er nógv minkað, so har er eitt tóm­rúm at fylla. Annars førir Faroe Ship fesk­ an fisk niður til Scrabster fríggja­dag, koyra hann til Lond­ on og flúgva til haðani USA. Tað er fríggjadagsfiskur, men nú ætla vit eisini at fáa leyg­ar­ dagsfiskin við og fáa hann til USA umvegis Ísland. Tann, sum vil vita meiri um Faroe Ship, kann eisini fara inn á heimasíðu teirra, sum tey hava lagt stóra orku í at dagføra og hon er at finna á www.faroeship.fo Vilja flúgva laks til USA Nú kunnu tey á Faroe Ship bjóða fiskaútflytarum ein møguleika afturat at sleppa á marknaðin við fiskavørum