mikudagur 2. mai 2007síða 36

24 NORTH ATLANTIC FISH FAIR 07 - Samstarvið við íslendingar hevur styrkt okkum so nógv, at nú kunnu vit veruliga bjóða okkum fram at veita flakavirkjum og størri skipum tænastur, sigur Ólavur Durhuus á Frost tænasta Áki Bertholdsen aki@sosialurin.fo Tað eru nú seks ár síðani, at Eirikur S. Hansen og Ólavur Durhuus stovnaðu fyritøkuna, Frost. Teir eru báðir útbúnir kølimon­ tørar og hava alt sítt lív arbeitt við køling í Føroyum, í Danmark og í Noregi. Frost leverar køli- og frysti­út­ búnað til virki, skip og handlar. Men fyri hálvum ári síðani tók virksemið hjá teimum eina avgerðandi vend, tí tá seldu teir íslendsku fyritøkuna við sama navni 33 prosent av partabrøvun um í Frost. Tað er ikki av tilvild, at Frost í Føroyum er farið í samstarv við navnan í Íslandi. - Frost í Íslandi hevur drúgvar royndir í fiskivinnuni. Har arbeiða eini 30-35 fólk og teir eru størsti veitarin í Íslandi av hesum slagi og arbeiða bæði í Russlandi, í Pólandi og aðra­ staðni. Hetta er sostastt eisini eitt samstarv, sum økir munandi um vitanina og arbeiðsorkuna hjá Frost. Men við hesum samstarvinum, er Frost í Føroyum eisini blivin ein partur í alheimsgerðini, har landamørk ikki eru ein forðing. - Hetta samstarvið við ís­lend­ ingar ger okkum nógv betri før fyri at átaka okkum størri upp­ gávur, enn vit higartil hava kunnað, sigur Ólavur Durhuus. - Tað er eisini ein stór trygd hjá okkara viðskiftafólki, at tey vita, at vit hava eitt sterkt, fíggj­ arligt bakland. Samstundis fer samstarv ímill­ um Frost í Føroyum og Frost í Íslandi at innkeypið bíligari og tað fer eisini bøta um kapp­ing­ arførið hjá Frost í Føroyum í framtíðini. Bjóða seg fram til stórar uppgávur Og tað er ein møguleiki, sum teir ikki ætla at lata fara afturvið borðinum. - Vit fara sjálvsagt framvegis at røkja tann marknað, vit hava, sum er at levera ísmaskinur, frysti-og køliskipanir til virki og handlar av ymsum slagi. Men nú er eisini ætlanin at bjóða seg fram til tær stóru upp­ gávurnar. - Endamálið við samstarvinum við íslendingar er, at vit kunnu bjóða okkum fram til at gera tey stóru køli- og frostprojektini í Føroyum, sigur hann. Hann sigur, at sostatt fer Frost nú at bjóða seg fram at gera køli-og frystiskipanir til tey stóru flakavirkini, bæði ammoni­ akk­skipanir og aðrar skipanir. Her hugsa teir bæði um at seta nýggjar skipanir upp og at gera ábøtur og broytingar. - Eisini á hesum øki mennist tøknifrøðin alsamt og skipan­ir­ nar verða meiri og meiri orku­ sparandi, og meiri og meiri auto­ matiseraðar, og vit vera sjálv­ andi við í fremstu røð, hvat í menningini viðvíkur. Taka kappingina upp Hann sigur, at á hesum øki hevur at kalla ongin kapping verið í Føroyum, tí tað er bara tann eini veitarin og Ólavur Dur­ huus ivast ikki í, at flakavirkini og tey stóru skipini hava saknað fleiri møguleikar at vlja ímill­ um. - At kapping verður á økinum kann bara gagna brúkaranum, leggur hann afturat, tí sum støð­ an er nú, er bara eitt tilboð at taka støðu til, hava teir onki at samanbera við. Og hann ivast ikki í, at pláss er fyri tveimum veitarum á hes­ um øki í Føroyum. Frost er við á Fish Fair í ár og har fara teir at greiða frá teimum tænastum, teir eru førir fyri at veita. Og ikki minst fara teir at greiða frá teimum nýggju tæn­ ast­unum, teir nú eru førir fyri at átaka sær. Á eini stevnu sum Fish Fair, fáa vit høvi at hitta okkara við­ skiftafólk andlit til andlits og tað er ein møguleiki, sum tey á Frost fegin taka av. - Tað er bæði stuttligt og áhuga­vert at hitta okkara við­ skifta­­fólk og at hoyra teirra sjónarmið, tí tað ger okkum sjálv­andi eisini betri førar fyri at veita tað røttu tænastuna, sigur Ólavur Durhuus. Taka kappingina upp • Heildarloysnir innan køling og frysting • Umvælingar og viðlíkahald • Vakt og servisa GÓÐKENT KØLIVIRKI Box 3244 FO-110 Tórshavn Telefon 311124 Fax 311123 Frost í Føroyum er nú betri brynjað til eisini at átaka sær tær stóru uppgávurnar