mánadagur 7. mai 2007síða 35

[ Nr. 86 - 7. mai 2007 ] West Ham hómar bjargingina Íslendska ævintýrið í West Ham er kanska ikki heilt misneydnað. Leingi hevur liðið mest av øllum verið eitt tað besta boðið upp á ein niðurflytara, men sein­ astu vikurnar er vend komin í. Leygardagin spældi West Ham móti Bolton, og her vunnu teir ein tryggan 3-0 sigur. Ser­ stak­liga tykist Carlos Tevez nú av álvara at blóma. Við einum perlu­ máli upp á fríspark og eitt meira einfalt úr stutt­ari fjarstøðu var hann maðurin, sum sendi London-felagið á sigurskós. Og hann átti eisini sín lut, tá dysturin var sløktur við einum fram­úr vøkrum heil­ flukt­ara frá Mark Noble. Sigurin ber við sær, at West Ham nú er trý stig frá Wigan, sum er á trið niðasta plássinum í Premier League. Wigan spælir á seinasta leik­ degi á útivølli móti Shef­field United. Tá skal West Ham spæla úti­dyst móti nýkosnu meistarunum úr Man­ chester United. Eisini Charlton, sum eru næstniðastis, kunnu vinna West Ham aftur. Hetta krevur tó, at Charl­ton vinnur báðar sínar seinastu dystir. Hesir eru á heimavølli móti Tottenham og á úti­ vølli móti Liverpool. -mørk Mourinho ynskir tillukku Chelsea venjarin, Jose Mourinho, er vanliga ikki maðurin, sum nýtir ov nógvar rósur til mótstøðuna. Men hann nýtti kortini vikuskiftið til at ynskja Manchester United tillukku við meistaraheitinum. Men hann rósti tó samstundis sínum egnu spælarum. – Alt árið hava spælararnir stríðst móti øllum. Teir eru veruliga hetjur, og sjálvur eri eg meira errin í dag, enn eg var, tá vit vórðu meistarar í fjør og í fyrraárið. Howard-avtala er í lagi Ovasta nevndin fyri Premier League hevur kannað, hvørt handilin millum Everton og Manchester United var í lagi, tá Everton keypti málverjan, Tim Howard. Orsøkin er, at Everton ikki nýtti Tim Howard í dysti­ num móti Manchester United. Talan var upprunaliga um leigusáttmála, og í slíkum kundi United noktað málverjanum at spæla. Tann reglan er tó ikki galdandi, um talan er um sølu, og tað fekk fleiri at seta spurnar­ tekin við handilin. Nú er tó staðfest, at tað stóð Everton frítt at nýta Howard, men at tað var teirra egna avgerð, at hetta ikki varð gjørt. Nývunna meistara­ heitið er tað 16. hjá Manchester United. Av hesum hevur Sir Alex Ferguson stýrt felagnum til tey níggju Fótbóltur Jákup Mørk jakup@sosialurin.fo Hóast tað eftir hondini eru 17 ár, síðani seinasta meist­ araheitið kom til høldar, so er Liverpool framvegis mest vinnandi enska felag­ ið. Við 18 meistaraheitum hevur felagið staðið væl og virðiliga ovast í saman­telj­ ingini í skjótt nógv ár. Fyrst og fremst takkað verið fram­ úr arbeiðinum, sum Bill Shankley framdi, og sum Bob Paisley síðani bygdi víð­ari á. Frá 1963 til ’90 vann Liverpool ikki færri enn 13 meistarheiti, men síðani hetta hevur tað tó verið so sum so við gullinum. Tvey silvur- og fýra bronsumerki hevur talan verið um, og tað hevur givið øðrum lið­ um møguleikan at troka seg framat. Fergie og Giggs Og tí møguleikanum hevur Sir Alex tikið av. Tá hann kom til Manchester United fyri 20 árum síðani, stóð 16-7 til Liverpool í dysti­ num um flest meistaraheiti. Men síðani hava reyðu devl­ arnir etið burtur av muni­ num. Síðani 1992 hevur Manchester United vunnið heiðursmerki á hvørjum ári, og við níggju meistara­ heitum, fimm silvur- og trimum bronsumerkjum er einki løgið, at viðhalds­fólk­ ini meira enn hálova Sir Alex. Sjálvur hevur hann tó altíð víst á, at í hansara huga­heimi var Sir Matt Busby tann størsti. Einamest grundað á, at hesin við trim­ um ættlarliðum av spæl­ar­ um megnaði at føra gullið til Old Trafford. Eitt kynst­ ur, sum Fergie nú sjálvur hevur gjørt honum eftir. Og tó eru trý ættarlið kanska at taka dekan ov rívan til. Ein felagsnevnari hevur nevnliga verið øll árini. Ryan Giggs hevur átt sín lut í øllum níggju meist­ araheitunum, sum Fergie hevur vunnið. Og í so máta var tað helst hóskandi, at gullkósin av álvara varð rætt­að av í útidystinum móti grannunum úr City. Tað var nevnliga á Maine Road, at tann tá 17 ára gamli Giggs debuteraði á vári 1991. Vístu karakter Tá Ferguson sjálvur gjørdi viðmerkingar til gullið sunnu­dagin, var tað eingin einstakur spælari, sum varð drigin úr rúgvuni. - Tað er ikki lætt at halda leiðsluna í hálvt ár, tá tú veitst, at Chelsea alla tíðina er beint í hølunum á tær. - Tað týdningarmesta var treisknið hjá spælarunum, tá skaðar av álvara fóru at gera um seg. Og eg kann bara rósa teimum, sum viku eftir viku megnaðu at standa ímóti trýstinum. Um sína egnu framtíð sigur Ferguson, at hann fram­vegis hevur hug at vera partur av fótbóltsheiminum. Eisini hóast hann á heysti 2001 ætlaði at gevast. Ein avgerð, sum hann tó síðani angraði. - Tað er lætt at gevast. Ta ferðina var tað ein skjót av­gerð, ið eg angraði mest sum alt fyri eitt. Í dag ressist eg av ungu spælarunum, sum støðugt gera um seg, og av royndum spælarum sum Giggs, Neville og Schol­es, ið fara á vøllin viku eftir viku. Tað gevur mær eina góða kenslu. Eg veit ikki, hvussu leingi hon stendur við, men eg njóti bara hvørja løtul, sigur Ferguson. Sir Alex hóttir nú Liverpool Upp á 20 ár er støðan í all-time meistaradystinum 18-16 til Liverpool móti Manchester United. Tann støðan sýndi 16-7, tá Sir Alex Ferguson kom til felagið í 1987 Mynd: Polfoto/AP 35