hósdagur 10. mai 2007síða 9

9 tíðindi Nr. 89 - 10. mai 2007 Prát við Kaj Leo Johannesen um støðuna, sum er íkomin Politikkur Rigmor Dam rigmor@sosialurin.fo Málið um at velja nýggjan landsstýrismann í fíggjar­ málum fyri Bárð Nielsen hong­ur í løtuni í leysum lofti. Boðini um, at landsstýris­ maðurin fór frá, komu út klokkan 10 í gjáramorgunin. Klokkan 12 kom so tíðindaskrivið frá Sam­ bandsflokkinum, har kunn­ gjørt var, at Kaj Leo Jo­ hanne­sen tekur við sessi­ num. Í tíðindaskrivinum stend­ ur soleiðis: “Tingbólkur Sam­bandsfloksins hevur á fundi í morgun valt Kaj Leo Johannesen til landsstýris­ mann í fíggjarmálum. Tað verður formaður Sam­ bandsfloksins, Kaj Leo Johannesen, sum tekur við sum landsstýrismaður í fíggj­armálum eftir Bárð Nielsen. Tað hevur ting­ bólkur Sambandsfloksins gjørt av á fundi í morgun.” Klokkan 16 í gjár kundi útvarpið so boða frá, at Kaj Leo Johannesen ikki fór at taka við sessinum sum lands­stýrismaður, um prís­ urin var, at Heðin Morten­ sen, borgarstjóri í Havn, fór uppí tingbólkin hjá Javnaðar­ flokkinum. Sambært Kaj Leo Jo­hanne­sen, formann í Sam­ bandsflokkinum, liggur bólt­urin nú hjá løgmanni, ið sum kunnugt er staddur uttanlands. Men Sosialurin skilur, at løgmaður als ikki kennir á sær, at bólturin ligg­ur hjá sær, men at hetta í fyrsta lagi verður tikið upp, tá hann kemur aftur í annaðkvøld. Úti millum fólk hava nógvar gitingar og prát verið um støðuna sum kom í. Millum annað hevur ivi stungið seg upp um, hví Sam­bandsflokkurin gjørdi, sum hann gjørdi. Vit hava prátað við Kaj Leo Johanne­ sen um málið. Formel avgerð Hví sendu tit tíðindaskrivið út áðrenn løgmaður hevði fingið høvi til at góðkenna valið av nýggjum landsstýris­ manni? Tað er meira formelt, at hann skal góðkenna valið av mær sum lands­stýris­ mann. Tingbólkurin hevur peikað á meg sum lands­ stýrismann, og tað eri eg glaður fyri, tí tað er ein álitisváttan á meg. So nú er bara tað formella eftir. Vit vildu gera skjótt av, tí royndirnar siga, at tess longri ein bíðar, tess verri. Tað vita øll, sum hava tikið lut í samgongu­samráð­ing­ um. So tað haldi eg, at vit gjørdu rætt. Men sjálvandi blívi eg ikki formelt innsettur, fyrr­ enn løgmaður hevur sett meg sum landsstýrismann. Men eg gangi út frá, at øll skilja, at ein sambandsmaður kann ikki fara út, um ein javnaðarmaður kemur inn, tí eg fari ikki at minka um okkara tingbólk. Hava greiða avtalu Tá tit so skriva í tíðinda­ skrivinum, at tú tekur við sum landsstýrismaður eftir Bárð Nielsen, hví taka tit so ikki fyrivarni fyri tí í tíð­ indaskrivinum? Tað hava vit sjálvandi tikið atlit til, eisini tá vit sendu tíðindaskrivið. Vit vita útmerka væl, at Heðin er næsti maður á listanum. Men vit ganga sjálvandi útfrá tí, at Javnaðarflokkurin og løgmaður finna útav sínum tingum við Heðin Mort­ensen. Hvat stempul vil hann hava á pannuna, tá hann kemur inn í Løgtingið? Skal hann inn á lista B ella lista C ella hvat vil hann? Vit høvdu eina greiða avtalu við løgmann um, at tað er Javnaðarflokkurin, sum skal syrgja fyri... tað er jú soleiðis, at eg og Lisbeth umboða Suðurstreym, og tann greiða fatanin í tí av­taluni millum okkum er sjálvandi tann, at um ein av okkum fer í farloyvi ella úr tinginum, so taka vit tað fyri givið, sjálvandi, at ein javnaðarmaður ikki tekur við tingsessinum. Tað haldi eg, at øll skilja og tað ger Javnaðarflokkurin eisini. Handan avtalan, hvar og nær varð hon gjørd? Vit hava tosað fleiri ferðir við Jóannes um hetta, og tað skal so ikki vera ein trupul­leiki. Tað eigur ikki at vera ein trupulleiki. Og tað skal hann so tosa við Heðin um, og so tosa vit saman um tað, og so gangi eg útfrá, at vit finna eina loysn. Rokni eisini við, at løg­­maður eisini vil hava skil á hesum. Ikki koyrdur úr flokkinum ..Nú verður ósemjan tikin við inn í samgonguna... Um hann (løgmaður, red.) ikki klárar at loysa ósemjuna millum Javnaðar­ flokkin og Heðin, so hava vit eina nýggja støðu, so einfalt er tað... Eg havi tosa við Jóannes um hetta, og hann sigur, at bólturin ligg­ ur hjá sær, at hann skal tosa við Heðin Mortensen, so tað bíði eg bara eftir. .. Vit hava ikki gjørt nak­ að galið.. Men tað hevur Heðin Mortensen heldur ikki..? Nei, men nú má hann be­stemma seg til, hvønn hest hann vil ríða á. Man kann ikki ríða á tveimum hestum í senn. Men var tann avgerðin ikki tikin eftir síðsta býráðs­ val, tá Heðin varð koyrdur úr Sambandsflokkinum? - Mærvitandi er Heðin Mortensen ongantíð koyrd­ u­r úr Sambandsflokkinum. Eg havi ongantíð koyrt hann úr, og tað havi eg heldur ikki mandat til. Men hvussu kann hann so vera borgmeistari í ein­ ari býráðssamgongu, har Sambandsflokkurin er í and­ støðu? - Tað mást tú spyrja lokalfelagið um, tí eg havi ikki koyrt hann úr flokki­ num. Løgmaður hevur sam­ gonguna at hugsa um og Heðin Mortensen at hugsa um. Og hann hevur ábyrgd­ ina av báðum. Hava tit bjóðað Heðini at gerast limur í Sambands­ flokkinum aftur? Ikki mær vitandi, nei. Hetta er sjálvandi typiskt Heðin, hann liggur og spæl­ ir øll út móti hvørjum øðrum (flennir..) Ikki slit Um Heðin kortini velur at fara upp í Javnaðarflokkin í tinginum, hvat gera tit so? So eru fleiri møguleikar, tað eru tað altíð í politikki, so skulu vit í øllum førum tosa rættiliga álvarsliga um hetta. Fara tit at seta samgong­ una uppá spæl? Nei, vit hava eitt gott sam­ starv í samgonguni, og tað skulu ikki vera einkult­per­ sónar, sum sleppa at slíta samgonguna.. Eg trúgvi ikki øðrum enn at vit finna eina loysn á hesum máli­ num. Bólturin liggur hjá løgmanni Hølir ynskjast! Vegna ein klient, sum ætlar at byrja virksemi í Havn, verður søkt eftir hóskandi handilshølum til støddar 2-300 m2 og við góðum atkomu- og parkeringsviðurskiftum. Áhugaði kunnu venda sær til advokatfelagið við strond 4 Yviri við Strond 4 · tel 311260 · fax 311261 · P.o. box 359 fo-110 tórShavn · faroe iSlandS email: lawfirm@lawfirm.fo HEIMASÍÐA: WWW.LAWFIRM.FO tórmóður djurhuuS · jógvan Páll laSSen · Petur even djurhuuS jógvan e. ellefSen · anna dam · ingi højgaard · jóhan j. lamhauge gunn ellefSen · mimi SteintórSdóttir Jógvan Páll Lassen, adv. ella Tórunn D. Lassen, skrivara e-mail: tdl@lawfirm.fo - Vit hava eina greiða avtalu við løgmann um, at Heðin Mortensen ikki kann taka við sessunum í Suðurstreymi, sigur Kaj Leo Johannesen