sunnudagur 3. juni 2007síða 9

10 tíðindi Nr. 103 - 1. juni 2007 Lágargarður við nýggjum leiðara Um akkurát ein mánað, 1. juli, tekur Meta av Fløtum, sjúkrasystur, við starvinum sum dagligur leiðari á Lágar­ garði. Tað upplýsir nevndarformaðurin fyri Lágargarð Ronald Poulsen, fyri Dimmalætting. Marjun Smith hevur sitið sum leiðari síðani stovnurin lat upp fyri 20 árum síðani, men fer frá 27. juli. Soleiðis fara Meta av Fløtum og Marjun Smith at arbeiða saman í ein mánað. Fimm umsóknir vóru til starvið sum leiðari fyri Lágargarð. 500 kr í bót fyri at koyra útav Ein ungur maður var í rættinum í morgun, ákærdur fyri »uagtsom kørsel på grund af søvnmangel«. Ungi maðurin búði um tað mundið í Havn, men arbeiddi inni í Eysturoynni, og koyrdi tískil ímillum. Hendan morgunin fyri meiri enn einum ári síðani endaði hann við síðuna av vegnum, og sambært politifrágreiðingini komst hetta av, at maðurin var ovbyrjaður og leið av svøvnmangli. Hetta vildi maðurin tó ikki vera við, og tá einki kundi prógvast hesum viðvíkjandi fráfall ákæruvaldið hendan partin av skuldsetingini. Maðurin misti tí ikki koyrikortið, men fekk í staðin eina bót áljóðandi 500 krónur, umframt eitt gjald til ávísta sakføraran. Torleif Sigurðsson er størsta einstaka orsøkin til, at føroy­ ingar í morgin kunnu fara á vøll at møta sjálvum heims­ meistarunum. Hann fekk nógv skotið í skógvarnar – og alla aðrastaðni við – tá hann sum formaður í FSF limaði Føroyar inn í UEFA og FIFA FÓTBÓLTUR Leo Poulsen leo@sosialurin.fo Ágangurin var ógvusligur, tá Torleif Sigurðsson seinast í 80-árunum gekk á odda sum formaður í FSF at veita Føroyum altjóða limaskap í UEFA og FIFA. Flestu miðlarnir vóru á gosi, og yvirskriftir sum »Skamm­leys hugmóð« vóru ógvuliga umboðandi fyri, hvussu helst størsti part­urin av føroyingum mettu um hesa djarvu gerð. Men und­ an­tøk vóru, og FSF-for­mað­ urin fekk dygg­an stuðul frá leikar­unum, sum bakkaðu fult upp um hesa avgerðina. Sjálvur er Torleif Sigurðs­ son væl nøgdur við ta av­gerð, hann – sjálvandi sam­an við restini av nevnd­ ini í FSF – tók. - Sannleikin er tann, at tóku vit ikki av, tá vit fingu møguleikan, so vænti eg ikki, at vit høvdu sloppið upp í »fína selskapið« seinni. Okk­­ara ríkisrættar­ liga støða hevði stutt sagt forða fyri hesum, sigur Torleif Sigurðsson. Hann vísir á, at eftir at øll tey nýggju eystanlondini eru komin »raplandi« inn í UEFA og FIFA, eru lógirnar broyttar, tí fleiri av hesum londunum hava ein iva­sam­ an status sum sjálvstøðug. Føroyar nevndar Stóru dagarnir í føroyskari fótbóltssøgu í so máta vóru fyrst 2. juli í 1988, tá Føroy­ ar vórðu limaðar inn í al­heims fótbólts­felags­skap­ in FIFA, og seinni, hin 18. apríl 1990, tá Føroyar gjørd­ ust limir í UEFA. Fyrsti altjóða skrásetti lands­dysturin hjá Føroyum var móti grannnunum fyri norðan, Íslandi. Dysturin varð leiktur á Akranesi, og vertirnir vunnu 1-0. Vit luttóku fyrstu ferð í einari undankapping til EM í 1990-91, og sum øll vita skrivaðu vit fótbóltssøgu við 12. september 1990 at vinna 1-0 á Eysturríki, við máli, sum Torkil Nielsen úr Sandavági skoraði. Í 1992- 93 luttóku vit so í undan­ kapping til HM, og síðani hev­ur tað gingið slag í slag. Men alt hetta hevði ikki verið møguligt, var tað ikki fyri framskygni og dirvi hjá einum ágrýtnum og eld­ hugaðum klaksvíkingi. Og í dag eru fýra lond nevnd í lógunum hjá altjóða felags­ skapunum sum lond, ið eiga limaskap, tó at tey ikki lúka treytirnar sum sjálvstøðugar tjóðir. Hesi lond eru Skotland, Wales, Norðurírland – og Før­oyar. Okkum er tískil til­ skil­aður rættur at vera limur í hesum felagsskapum við pos­itivt og beinleiðis at vera nevndar í teirra lógum. Máttu taka støðu Torleif Sigurðsson sigur, at teir kallaðu inn til eyka­aðal­ fund, fyri at vita, hvat lim­ irnir í FSF, feløgini, hildu um spurningin um limaskap í FIFA, men tað tóktist, sum feløgini heldur enn at taka støðu vildu eftirrationali­ sera. Hvat, um nú... - Men vit vóru soleiðis fyri, at vit máttu taka eina støðu, og tað gjørdu vit so, sigur Torleif Sigurðsson. Tað vóru nógvir, sum vóru ímóti tá, men fyrr­ver­ andi formaðurin heldur tað vera hugvekjandi, at somu persónar í dag látast at hava verið dyggir stuðlar at lima okkum inn í FIFA og UEFA. Undir øllum umstøðum man tað neyvan vera nakar, sum í dag harmast um ta fram­skygnu og djørvu avgerð, ið varð tikin seinast í 80-árunum. Ein avgerð sum merkir, at føroyingar í annaðkvøld kunnu uppliva italsku heima­ meistararnar á Tórs­vølli móti okkara egnu monn­um. Gott umdømi Ein stór orsøk til, at før­ oyskur fótbóltur fór at menn­ast av álvara, var stuð­ ulin frá landinum upp á 300.000 krónur, ið var av­settur til útbúgving av venjarum og dómarum. - Hetta eru bestu pengar, ið nakrantíð eru lætnir ítrótt­ inum, tí tá fór fótbólturin at menna seg av álvara. Og skjótt fylgdu hinar ítróttar­ greinirnar við, tí tá fóru tær at góðtaka, at fótbólturin var størsta drívmegin innan føroyskan ítrótt, sigur Tor­ leif Sigurðsson. Hann heldur eisini, at vit eru komin munandi longri ítróttarliga enn vit eru politiskt. - Fótbólturin hevur gjørt Føroyar kendar. Hvar tú ferðast í heiminum, so fara fólk beinanvegin at tosa um fótbólt, tá tú nevnir, at tú kem­ur úr Føroyum. Fót­bólt­ urin hevur stutt sagt gjørt, at fólk vita, hvat og hvar Føroyar eru, sigur fyrr­ verandi FSF-formaðurin. Hann sigur, at tá hann legði frá sær sum formaður í FSF, so var tað ein avgerð, ið var gjølla umhugsað. Tað var ikki nakað, sum hendi frá degi til dags. Og hartil legði hann dent á, at tá hann legði frá sær, skuldi tað verða fult og heilt. - Eg gjørdi teimum greitt, at teir ikki skuldu velja meg til nakað sum helst innan FSF, tá eg legði frá mær sum formaður. Tað hevði ikki verið fair, hvørki móti eftirfylgjandi formanninum ella mær sjálvum, sigur Tor­ leif Sigurðsson. Tað, sum nú ræður um, er at hava so gott skil á sum møguligt, og ikki geva FIFA og UEFA nakað høvi til at tveita okkum úr fel­ags­ skapunum. - Men tað skuldi ikki verið nakar vandi fyri tí. Í hvussu er ikki sum nú er, tí Føroyar hava gott umdømi í FIFA og UEFA-regi fyri at hava gott skil á og góða um­sit­ing, sigur Torleif Sigurðs­son. Hann verður við til dystin leygardagin. Hann verður al­tíð boðin við, tá lands­dyst­ ir eru. Og tað er jú ikki so und­arligt, tí hann er av sonn­ um »the Grand old Man« innan føroyskan fót­bólt – tað prógvar eisini hans­ara heiðurslimaskapur í UEFA. Slóðbrótarin innan føroyskan fótbólt: Tað var tá ella ongatíð Føroyar fingu eina flúgvandi byrjan í EM- og HM-høpi, tá vit púra óvæntað vunnu 1-0 á Eysturríki í Landskrona, við máli sum Torkil Nielsen skjeyt. Ein sensatión á hædd við, tá USA vann 1-0 á Onglandi við HM í 1950 – metti størsti danski fótbóltsblaðmaðurin nakrantíð, Per Højer Hansen Torleif Sigurðsson er størsta einstaka orsøkin til, at vit í annaðkvøld kunnu uppliva heimsmeistararnar frá Italia á Tórsvølli móti okkara egnu