leygardagur 10. mars 2001síða 3

BÓKAÚTGÁVA Eirikur Lindenskov Forlagið Grønhólmur í Sør- vági gav í gjár út bókina Aldanna Børn eftir Ólav í Beiti, rithøvund. Bókin er partvís eitt greinasavn, har høvundurin endurprentar ymsar við- merkingar, hann hevur havt í bløðunum, Sosialinum og Dimmalætting. Men hví heitið »Aldanna børn«? – Eg havi livað í tveimum øldum, og tí havi eg valt felirtalsformin, Aldanna børn, sigur Ólavur í Beiti. Hann heldur sjálvur, at tað er ringt at seta bókina í ávísan bólk. – Talan er hvørki um skaldsøgu, stuttsøgusavn ella um yrkingasavn. Men vit kunnu siga, at hetta er seianasta bókin í eini trilog, har eg viðgeri sama evni, sigur hann. Ólavur í Beiti gav í 1998 út bókina »Til kærleikin meg skilir«, í 1999 bókina »Sangur einliga pápans«. Hendan bókin, Aldanna børn, er endin, har høvund- urin m. a. vísir, hvussu onkrir av trupulleikinum, sum viðgjørdir vóru í hin- um bókunum, vórðu loystir. – Eg havi m. a. viðgjørt trupulleikan hjá einligum pápum, hvussu skerd rætt- indi teir hava, og at lógar- verkið, sum beinleiðis kúg- ar pápan, er frá 20’unum. Í hesi bókini kann eg fortelja fólki, at eg nú eri pápi á pappírinum eisini, sigur høvundurin. Ólavur í Beiti er føddur í 1952. Umframt at hava skrivað fleiri bøkur, hevur hann eisini starvast sum blaðmaður í mong ár. Av verkum hansara kunnu nevnast søgusøvnini »Einaferð«, »røkun Snar- ljós og hennara dýrabæra ogn« og »Losi tann Fyrsti« og skaldsøgurnar »Eitt slag av tíð« og »Tá ið tú kem- ur«, sum eisini er komin út á donskum. Bókin, Aldanna Børn, er prentað á Dimmalætting, og Helge Justinussen hevur heft. Mentanargrunnur Landsins og Fjølrit hava stuðlað útgávuni. Bókin er góðar 150 blað- síður og kostar 180 krónur í bókabúðunum. – Uppskotið er ikki væl greitt úr hondum av Vinnumálastýr- inum, tí verða nógvar broytingar og tær flestu koma frá lands- stýrismanninum sjálvum, sigur Heini O. Heinesen, for- maður í vinnunevnd- ini BARSILSLØN Turið Kjølbro Viðgerðin av uppskotinum um nýggja barsilsskipan er um at verða liðug í vinnu- nevndini, ávegis álit er skrivað og á næsta fundi í nevndini, sum verður hós- dagin í komandi viku, verð- ur uppskotið sent í løg- tingið. Greitt er longu, at skipanin ikki fær gildi frá 1. apríl sum ætlað, men frá 1. juni, og greitt er eisini, at broytingarnar í uppskotinum verða nógvar. Flestu broytingarnar koma frá landsstýrismanninum í arbeiðsmarknaðarmálum, Bjarna Djurholm, sum sjálvur hevur lagt upp- skotið fram. – Uppskotið er ikki væl greitt úr hondum av Vinnu- málastýrinum. Nógvar størri og smærri broytingar eru gjørdar. At dagfesting- in, tá ið skipanin skal koma í gildi, er flutt, er ikki av okkara ávum, men eftir ynski frá landsstýrismann- inum í vinnumálum. Nøkur viðurskifti verða ikki klár fyrr enn tá, sigur Heini O. Heinesen, formaður í vinnunevndini. Ein av broytingunum í álitinum verður í grein 11, sum sigur, at rætturin til barsilspening er treytaður av, at móttakarin í minst seks mánaðir innan teir síðstu 12 mánaðirnar áðrenn fráverutíðarskeiðið hevur havt so mikið av arbeiði, at inntøkan í hesum tíðarskeiði hevur verið 10 prosent av lønini sambært sáttmála millum Føroya Arbeiðsgevara og Føroya Arbeiðarafelag. – Vinnunevndin mælir til, at hendan greinin fellur burtur, tí hon gevur onga meining, sigur Heini O. Heinesen. Undir fyrstu viðgerð av uppskotinum á tingi, høvdu nógv tingfólk á orði, at heimaarbeiðandi kvinnur eisini eiga at verða fataðar av lógini. – Hesar kunnu tekna sær eina trygging á sama hátt sum tær hava kunnað gjørt tað sambært dagpeninga- lógini. Tær fáa tískil í mun til tað tær gjalda. Hendan møguleikan hava heima- arbeiðandi kvinnur eisini í dag, men sum eg havi skilt verður hann ikki nógv brúktur, sigur Heini O. Heinesen. Tað verður ein samd nevnd, sum skrivar undir álitið um nýggja barsils- skipan. Nevndin hevur viðgjørt uppskotið í slakar tveir mánaðir, og nógv fólk hava verið innkallað. Nú uppskotið er á gáttini og tá ið hugsað verður um, hvussu leingi hevur verið bíðað eftir einum barns- burðargrunni galdandi fyri allar kvinnur á arbeiðs- marknaðinum, er bara at vóna, at eitt nýval ikki for- purrar alt. Tí verður nýval, fellur uppskotið burtur.... Barsilsgrunnurin útsettur Nýggja barsilsskipanin kemur eftir øllum at døma í gildi 1. juni í ár Myndin er tilvildarliga vald Aldanna børn »Aldanna Børn« er seinasta bókin í trilogi hjá Ólavi í Beiti. Høvnundurin hevur sjálvur málað premu- myndina MENTAN Birgir Kruse Oddfríður Marni Rasmus- sen verður formaður í nýggju starvsnevndini í Listafólkasambandi Før- oya, LISA. Hinir nevndar- limirnir eru Jenny Petersen og Jens Frederiksen. Nýggjur skrivari í sam- bandinum er Súsanna Holm Hósdagin legði gamla nevndin í LISA frá sær og hin nýggja tók við. Eisini nýggi skrivarin varð kunn- gjørdur. Tað er 43 ára gamla Súsanna Holm, sum er útbúgvin pedagogur, men í løtuni lesur hug- myndasøgu. Hon avloysir Maluna Johannesen. Hóast lesturin er knýttur at lærda háskúlanum í Århus, býr Súsanna í Kvívík og ferðast ímillum. Bæði Havnina, har nýggja uppgávan hjá Listafólka- sambandinum verður røkt í Djónastovu yviri við Strond, og so Århus, har hugmyndasøguligi lesnað- urin gongur á fjórða árið. Jórun takkar fyri seg Jórun í Dali, sum hevur verið virkin í LISA síðani sambandið bleiv til fyri 19 árum síðani, takkaði á tíð- indafundi hósdagin fyri seg og ynskt nýggju nevndini og nýggja skrivaranum góðan byr. Afturat at henni sótu Brandur Øssursson og Sharon Weiss í fráfarnu nevndini, meðan Malan Johannessen var skrivari. Sum fráfarandi formaður vildi Jórum vísa á, at nýggja nevdin kemur til nýggja skrivstovu, nýggjan skrivara og nýggja heima- síðu. «Stóra uppgávan er, at gera sambandið sjónligt«, sigur Jórun. «Farna skeiði hava vit brúkt mestu tíðina uppá Listafólkastevnuna, sum skal verða í august og so at arbeiða við upphavs- rættindum og skattligum viðurksiftum hjá listafólki. Eisini hava vit í ein ávísan mun verið við í arbeiðnum kring sonevndu Bryggjuna í Keypmannahavn«, segði Jórun í Dali fráfarandi formaður, sum ynskt, at nýggja nevndin varð væl móttikin og at hon somu- leiðis fær eina góða byrjan. Nýggi formaðurin Eftir hesi orð kunngjørdi Jórun nýggja formannin. Ikki óvæntað gjørdist tað Oddfríður Marni Ras- mussen, rithøvundur. Hann er 32 ára gamal og ættaður heiman av Sandi. Hinir nevndarlimirnir eru Jenny Petersen, sum er 39 ára gomul og ættað úr Havn og Jens Frederiksen, sum er 45 ára gamal og ættaður úr Danmark. Nývalda nevndin umboð- ar Rithøvundafelag Føroya, Leikarafelag Føroya og Felagið føroysk Myndlista- fólk. Tilsamans níggju fe- løg eru limir í LISA. Tey níggju limafeløgini fevna um eini 2000 listafólk. Fyrsta uppgávan, sum nývalda starvsnevndin fær, er at gera av hvussu leingi tey skulu sita. Við tað, at øll nevndin er nývald, skulu tey eftir reglugerðini semj- ast um, hvør skal sita í eitt ár og tvey ár. Bert ein av teimum trimum nevnd- arlimunum hevur rætt at sita í tvey ár, meðan hinir báðir nevndarlimirnar skulu sita í eitt ár. Hvør verður hvør, verður upp til nevndina at avgera. Men sínamillum eru tey trý nývaldu vorðin samd um, at Oddfríður verður formaðurin. «Vit hava eitt megnar arbeiði fyri framman« segði formaður- in eftir at hava takka fyri álitið. Hvør er mentunarliga støðan? Hann undirstrikaði, at nývalda nevndin, saman við fráfarnu nevndin, fer at seta seg inn í øll viðurskifti hjá Listafólkasambandin- um og miðvíst arbeiða víð- ari við upphavsrættindum og skatta- og eftirlønar- virðurskiftum hjá listafólki. »Eisini fara vit at hyggja í mentunarálitið hjá lands- stýrismanninum frá 1996 og staðfesta, hvør støðan er. Gera status, soleiðis mentu- narliga og kann eftir, hvussu og um mentanin man hava flutt seg hesi árini« segði Oddfríður um ætlaða virksemið hjá ný- valdu nevndini. Nývaldi formaðurin nevndi eisini ætlanir um eina mentunarliga heima- síðu eftir írskum mynstri og harafturat ætlar nýggja nevndin at skipa fyri almennum tiltøkum, har listagreinir kunnu saman- tvinnast í størri mun enn higartil. «Eitt nú sum Myndlistafelagið ger í Listaskálanum í hesum døgum, at samantvinna teirra list við tónlistina, har Aldubáran spælir nýggjan føroyskan tónleik afturvið Várframsýningini á hvørj- um ári« siga tey trý sum við ein munn - Oddfríður, Jenny og Jens. Jú, nevndin tykist virkisfús og tørvar ikki hugskot. Frá náði til starvsløn Spurd um korini hjá før- oyskum listafólki eru batn- aði hetta skjótt tjúgu ára skeiði LISA hevur verið til, svarar fráfarandi formað- urin Jórun í Dali, at tað er hon ikki í iva um «Men vit gera tað ikki einsamøll. Men í samstarvi. Eitt nú við nevndarsessum, har sjónar- mið okkara stútt og støðugt verða hildin fram, til dømis í Mentunargrunni Land- sins, sum nú kann lata lista- fólk fáa trý ára starvsløn« sigur Jórun og skoytir uppí «Fyrr kundu listafólk av náði fá tríggjar mánaðir at gera eitt verk liðugt. Í dag kunnu tey fáa trý ár – bara til at arbeiða í. Tað er eitt risa framstig og ein av- gerandi hugbursbroyting« sigur Jórun, sum tó eins og fráfarni skrivarin, leggur afturat, at einki verður gjørt av Listafólkasambandinum einsamøllum. Alt krevst verða gjørt í felag. Men onkur má halda loganum brennandi, siga tær báðar, Malan og Jórun. «Tað er stóra uppgávan hjá LISA, ið sum ongan ting kundi farið fyri bakka, herfyri, høvdu vit ikki havt bara nakrar eldsálir« leggja tær afturat. Sosialurin ynskir ný- valdu starvsnevndini í Listafólkasambandi Føroya tillukku og góða eydnu framyvir, so vit sum frá líð- ur, kanska fáa ein orðaðan mentanarpolitikk, so sum tiltikna samgonguskjalið leingi hevur sagt. Hvør veit. Oddfríður formaður Nývalda starvsnevndin í Listasambandi Føroya er frá vinstru Jens Frederiksen 45 ár og umboðandi Felagið føroysk Myndlistafólk, Oddfríður Marni Rasmussen, 32 ár og umboðandi Rithøvundafelag Føroya og Jenny Petersen 39 ár, umboðandi Leikarafelag Føroya. Longst til høgru er nýggju skrivarin Súsanna Holm, sum er 43 ár og lesur hugmyndasøgu Mynd: Jens K. Vang Fráfarna og nývalda starvsnevndin í LISA: Nývald eru Oddfríður Marni Rasmussen, Jenny Petersen og Jens Frederiksen. Fráfarna nevndin er Jórun í Dali, Brandur Øssursson og Sharon Weiss, sum ikki er við á myndini. Fráfarni skrivarin er Malan Johannessen og í hennara stað kemur Súsanna Holm Mynd: Jens K. Vang Nr. 49 - 10. mars 2001 5 4 Nr. 49 - 10. mars 2001 gult cyan magenta svart Avène tilbúningarnir innihalda vatn úr keldu, sum liggur í lítla býnum Avène í suður Fraklandi. AVÈNE tilbúningarnir finnast til alla húð: Vanliga húð, turra og vætufátæka húð, unga, trupla húð, til ovurviðkvæma og viðkvæma húð, umframt til eygu, varrar og kropp. Kelduvatnið inniheldur rættiliga nógv kisel og smáverulívfrøðilig evni. Lise-Lotte, serfrøðingur frá Pierre Fabre, verður at hitta á apotekinum í Tórshavn mánadagin 12. mars og týsdagin 13. mars og í Apoteksútsøluni í Runavík mikudagin 14. mars og hósdagin 15. mars. Tjaldurs Apotek - R. C. Effersøesgøta 31 - 100 Tórshavn - Tlf. 341100