týsdagur 13. mars 2001síða 12

Nr. 50 - 13. mars 2001 23 22 Nr. 50 - 13. mars 2001 Tey bæði fremstu kvinnuliðini vunnu í hvør sínum lag 3-0 um vikuskiftið, og einki verður avgjørt fyrr enn á seinasta leikdegi FLOGBÓLTUR, MEISTARADEILD KVINNUR Í meistaradeildini hjá kvinnum er framvegis spenningur. Dráttur og Mjølnir hava sína egnu kapping, og hon er so jøvn, sum hon nú einaferð kann vera. Dráttur var leygardag- in í Havn og spældi ímóti Fleyr. Hesin dysturin hevði alstóran týdning, tí hann skuldi vinnast 3 – 0, og tað megnaðu kvinnurnar í Drátti. Fleyr var við í dyst- inum, men Dráttur er sterk- ari serliga í álopinum, og tí var lítil og eingin ivi um úrslitið. Mjølnir hevði heimadyst ímóti ÍF, og har var als ongin ivi. Mjølnir sendi ÍF heim aftur við einum stór- tapi, og Mjølnir vísir satt meistaraspæl nú. Øll mót- støða verður kveistrað burt- ur. Spell, at Mjølnir og Dráttur ongan dyst hava eftir hvørt ímóti øðrum, men kanska Drátturkapp- ingin fellur soleiðis, at finalan verður millum hesi liðini. Tað kundi verið áhugavert. Seinasta leik- umfarið er næsta vikuskifti, og tá spæla Fleyr og Mjølnir í Gundadalshøllini í Havn, og á Giljanesi spæla Dráttur og Fossanes. Dráttur hevur tí á pappír- inum lættari uppgávu, men tað sigur so lítið. Bronsustríðið stendur ímillum TB og ÍF, og dystur er á skránni næsta viku- skifti millum júst hesi liðini. Tað liðið sum vinnur fær bronsuna. ÍF sýndi í Klaksvík fleiri av orsøkunum til, at teir nú kunnu kalla seg greipuvinn- arar. Eftir at hava tveitt nervarnar av sær, lótu fuglfirðing- arnir ongan iva vera um, hvat var betra liðið FLOGBÓLTUR, MEISTARADEILD MENN Meistaradeildin hjá monn- um varð avgjørd í Klaksvík leygardagin. Mjølnir skuldi vinna dystin ímóti ÍF, um nakar spenningur skuldi vera eftir til seinasta leik- dag næsta vikuskifti, men ÍF vildi tað øðrvísi. Mjølnir var favorittur Fyrst í kappingarárinum var einki sum bendi á, at ÍF skuldi enda ovast. Tá vóru tað serliga Mjølnir og Fram, sum dystaðust um oddasessin. Mjølnir fór í jólafrí á odda, og sjálvt um munurin ikki var so stórur niður til hini liðini, so var nógv sum bendi á, at tað fór at eydnast Mjølni at vinna enn ein meistaraskap. Liðið spældi væl, og teir høvdu eisini neyðuga hepni við sær. Men seinna hálva hev- ur verið ógvuliga kørg hjá Mjølni. Liðið hevur ikki vunnið síðan 27. januar, og tá ið so ÍF í seinnu hálvu hevur vunnið allar sínar dystir, er avgerðin nú fallin. Dystargongdin Stórt trýst lá á Mjølni til henda dystin. Kravið var ein sigur. Tað heila byrjaði sera væl. Uppstillingin varð broytt nakað, tí Borko spældi á miðjuni, og fyri hann á kantinum spældi Jógvan, sum annars vanliga hevur spælt hevari. Jóannes spældi diagonalur fyri Rúna, og henda uppstill- ingin tóktist virka væl. Mjølnir legði harðliga fyri í 1. setti, og ÍF fekk kær- leikan at kenna. Blokkurin hjá Mjølni var sum ein livandi múrur og tók at kalla øll smash, sum ÍF royndi seg við. Borko og Trygvi á miðjuni hjá Mjølni smashaðu eisini sera væl, so tað sá út sum um, at Mjølnir hevði funnið uppskriftina til at vinna á ÍF. Fyrst í 2. setti gekst eisini væl hjá Mjølni, men so fór ÍF-maskinan í gongd. Nógvar hevingar fara út á kantin hjá ÍF, og Kenneth og Boban spældu seg upp, og funnu hol í blokkinum hjá Mjølni. Tá ið ÍF fyrst hevði fingið spælið rætti- liga at glíða, var dysturin avgjørdur. ÍF lovaði ong- antíð Mjølni at koma fyri seg aftur, og teir stýrdu dystinum fullkomiliga, tað sum eftir var, sum settmun- urin eisini greitt sigur. Besti maður á vølli var Kenneth Neshamar í ÍF. Hví ÍF? Hvussu ber tað so til, at tað júst gjørdist ÍF, sum vann føroyameistaraskapin í ár? Høvuðsorsøkin er helst Boban Ilic. Hann er sera góður leikari, men tað eru so nógvir hjá ÍF. Men Bob- an hevur megnað at fingið liðið at virka saman. Hann hevur vant liðið, og leik- ararnir eru væl fyri, og spælið gongur sera væl. Nakrir gamlir leikarar eru komnir aftur og saman við teimum ungu, hevur hetta ført til, at ÍF í ár hevur vunnið greipuna. At so hini liðini hava havt misjøvn úrslit, hevur sjálvandi ikki gjørt støðuna verri. Men ÍF er besta liðið í meistara- deildini hjá monnum, og vit ynskja teimum hjartaliga til lukku. Silvurstríðið Nú ÍF stakk av við gullin- um, eru silvurið og bronsan eftir at dystast um. Har liggja 3 lið framvið. Fram er í løtuni á 2. plássi. Teir hava 13 stig, men í hølinum á teimum er Fleyr, sum hevur 12 stig og Mjølnir hevur 11 stig, men teir mangla ein dyst ímóti SÍ. Sostatt er einki avgjørt enn. Fleyr og Mjølnir dystast leygardagin í Gundadals- høllini, og liðið sum vinnur fær heiðursmerki. Fram og ÍF spæla í Eysturskúlanum, og vinnur Fram, so fáa teir silvurið. Onnur úrslit: Fleyr – SÍ 3 – 0 ÍF – Fleyr 1 – 3 SÍ – Fram 0 – 3 Mjølnir–ÍF 1–3 (25–17, 17–25, 16–25, 19–25) ÍF vann greipuna ÍF vann avgerandi dystin í Klaksvík, og staðfestu harvið støðu sína sum besta flogbóltslið í landinum. Fuglfirðingar kunnu nú kalla seg greipuvinnarar Mynd: Álvur Haraldsen Dráttur og Mjølnir framvegis stavn um stavn Dysturin um gullmerkini stendur millum Drátt og Mjølnir, og hóast munurin er so lítil, sum tilber, so er líkt til, at Dráttur hava trumfin á hondini Eftir at nøkur vánalig úrsliti hava verið í kjalarvørinum á steypasigrinum, fekk StÍF aftur ein sigur sunnudagin HONDBÓLTUR Jákup Mørk Tað var ikki frítt, at runa- víkingar høvdu góðar vónir undan dystinum móti StÍF sunnudagin. Stutt framman undan hittust liðini á Skála, og har eydnaðist gestunum at fáa annað stigið við sær. Tann dysturin var sam- stundis byrjanin til ein lítlan niðurtúr hjá StÍF, sum eisini hevur viðvirkað, at tryggja silvurplássið av álvara er komið í vanda. Tí var eisini neyðugt hjá strandingum at vinna, og hetta eydnaðist eisini, tó at tað at kalla allan dystin stóð rættiliga nógv á hjá steypa- vinnarunum. Tað varð nevnliga ongan tið tann stóri munurin á liðunum báðum í dystinum. Í fyrra hálvleiki var størsti munurin ein trý mála stór leiðsla hjá útiliðnum, sum fekst í lag, samstundis sum Tjaldri varð rakt av nøkrum útvísingum. Tað eydnaðist tó heima- liðnum at stríða seg upp á javnt, men í seinna fekk StÍF aftur ein lítlan fyri- mun, sum teir hildu fast um, tað sum eftir var av dystinum. Á veg upp Toppskjútti hjá StÍF í dyst- inum var afturvendi John Petersen, og yvirhøvur lat hann hampuliga væl at dystinum. – Tað var javnt alla tíð- ina, og til tíðir stóð nógv á, men fyri tað mesta, so høvdu vit tó kortini munin, haldi eg. – Í øllum førum gekk spælið betri, enn tað hevur gjørt í seinastuni, og hóast vit framvegis misnýta ov nógvar møguleikar, so haldi eg tó, at vit nú eru á veg upp úr aldudalinum, sum vit hava verið í síðani steypafinaluna. Spurdur um stranding- arnir nú av álvara fara eftir silvurmerkjunum, svarar John, at tað er hann so ikki í iva um. – Hetta var vónandi fyrsta stigið á veg upp aftur, og nú gullmerkini meira ella minni eru farin, ætla vit okkum sjálvandi at royna eftir silvurinum, sigur John Petersen at enda. Dysturin í tølum Málskjúttar: Tjaldur: Zoran Sarcevic 9(4), Sverri Justinussen 6(1), Tummas Magnussen 3, Dejan Mactic 3, Mortan Hansen 2, Arnfinn Lang- gaard 1 StÍF: John Petersen 9, Artur Johansen 7(7), Alexandur Johansen 4, Andre F. Dan- ielsen 2, Bent Djurhuus 1, Costin Dumitrescu 1, Mar- ius Joensen 1, Sveinbjørn Poulsen 1 Brotskøst: Tjaldur 7, StÍF 7 Útvísingar: Tjaldur 5, StÍF 4 Dómarar úr Kyndli: Hanus Kúrberg og Hans Thomas- sen. Endabresturin hjá vaksnu flogbólts- leikarunum verður vikuskiftið, 24. – 25. mars, á Giljanesi FLOGBÓLTS- KAPPING Tíðiondaskriv Í Ítróttahøllini á Giljanesi verður vikuskiftið, 24. og 25. mars, skipað fyri árligu flogbóltskapping- ini hjá flogbóltsfelag- num, Drátti, fyri eldru lið. Hetta er samstundis seinasta flogbóltsviku- skifti vaksin í hesum kappingarárinum. Lands- kappingin endar komandi vikuskifti, og tá eru so allir vinnarar og taparar funnir. Flogbóltsspælarar hava nú høvi at hittast og spæla flogbólt, uttan at hava lands- og steypa- kapping at hugsa um. Leygarkvøldið verður dansur í Sørvági, har or- kestrið, B&Z, spæla. Til- melding skal fara fram í seinasta lagi innan hós- kvøldið 15. mars kl. 21.00 á tlf. 333009 ella umvegis teldupost: elisabeth@oilwind.fo Støðan, Meistaradeild Menn Støðan Dystir Sett * Lið leiktir vunnir taptir vunnin tapt munur Stig ÍF 15 11 4 37 21 16 17 Fram 15 9 6 35 25 10 14 Fleyr 15 8 7 28 25 3 12 Mjølnir 14 9 5 34 21 13 11 Støðan, Meistaradeild Kvinnur Støðan Dystir Sett * Lið leiktir vunnir taptir vunnin tapt munur Stig Dráttur 19 17 2 55 13 42 25 Mjølnir 19 17 2 54 12 42 25 ÍF 19 8 11 27 39 -12 13 TB 19 8 11 36 34 2 12 Fleyr 19 6 13 21 45 -24 7 Støðan, 1. Deild Menn Støðan Dystir Sett * Lið leiktir vunnir taptir vunnin tapt munur Stig ÍF 12 9 3 31 12 19 18 Fleyr 12 8 4 27 21 6 16 Mjølnir b12 7 5 26 19 7 14 Nøvan 12 7 5 23 21 2 14 Mjølnir a12 6 6 22 22 0 12 SÍ 12 3 9 14 28 -14 6 Støðan, 1. Deild Kvinnur Støðan Dystir Sett * Lið leiktir vunnir taptir vunnin tapt munur Stig Fleyr 10 8 2 27 10 17 16 Nøvan 9 6 3 20 14 6 12 KÍF 10 6 4 22 16 6 12 Dráttur 9 5 4 18 18 0 10 SÍ 10 3 7 15 22 -7 6 Støðan, 2. Deild Menn Støðan Dystir Sett * Lið leiktir vunnir taptir vunnin tapt munur Stig Nøvan 8 5 3 19 13 6 10 SÍ 8 1 7 5 17 -16 2 Støðan, 2. Deild Kvinnur Støðan Dystir Sett * Lið leiktir vunnir taptir vunnin tapt munur Stig TB 13 13 0 39 2 37 26 Mjølnir a13 11 2 35 13 22 22 KÍF 14 10 4 33 17 16 20 Fleyr 14 8 6 30 22 8 16 Nøvan 14 4 9 21 28 -7 10 ÍF 14 5 9 20 29 -9 10 SÍ 14 3 11 10 35 -25 6 Støðan, Dreingir 16 Støðan Dystir Sett * Lið leiktir vunnir taptir vunnin tapt munur Stig Fleyr 9 7 2 23 10 13 14 SÍ 9 7 2 21 8 13 14 TB 9 3 6 11 18 -7 6 ÍF 9 1 8 5 24 -19 2 Støðan, Gentur 16 Støðan Dystir Sett * Lið leiktir vunnir taptir vunnin tapt munur Stig KÍF 9 8 1 26 4 22 16 TB 10 8 2 26 8 18 16 Dráttur a10 7 3 22 11 11 14 Fleyr 10 3 7 9 23 -14 6 Dráttur b 9 2 7 10 21 -11 4 ÍF 10 1 9 3 29 -26 2 Flogbóltsúrslit 228 1K Fleyr Dráttur 3-0 (25-18)(25-15)(25-8) 10-03-01 229 1K KÍF Mjølnir 3-0 10-03-01 230 1K Nøvan SÍ 3-0 10-03-01 354 1M Mjølnir b SÍ 0-3 10-03-01 355 1M Fleyr ÍF 3-1 (17-25)(25-23)(26-24)(25-23) 10-03-01 356 1M Nøvan NFL 3-0 (25-16)(25-15)(25-18) 10-03-01 454 2K Fleyr SÍ 3-0 10-03-01 453 2K Nøvan Fossanes 3-0 455 2K KÍF ÍF 3-0 10-03-01 2M Nøvan SÍ 3-0 729 D16 Fleyr SÍ 3-0 (25-23)(25-16)(25-22) 10-03-01 641 G16 Fleyr Dráttur b 0-3 (21-25)(21-25)(23-25) 640 G16 KÍF Dráttur a 3-0 10-03-01 642 G16 ÍF TB 0-3 10-03-01 54 MK ÍF Fleyr 3-0 11-03-01 55 MK Mjølnir ÍF 3-0 25-9 25-12 25-13 10-03-01 56 MK Fossanes TB 0-3 10-03-01 57 MK Fleyr Dráttur 0-3 (15-25)(13-25)(17-25) 10-03-01 136 MM ÍF Fleyr 1-3 11-03-01 135 MM SÍ Fram 0-3 11-03-01 137 MM Mjølnir ÍF 1-3 25-17 17-25 16-25 19-25 10-03-01 138 MM Fleyr SÍ 3-0 (25-14)(25-18)(25-21) 10-03-01 Flogbóltsvikuskifti á Giljanesi Tjaldur–StÍF 24–26 (10–11) StÍF ressast aftur John Petersen vónar, at niðurtúrurin hjá StÍF nú er steðgaður, og at strandingar aftur eru halda kós móti silvurmerkjunum