týsdagur 19. juni 2007síða 21

Nr. 115 - 19. juni 2007 21 SAMBAND jákup mørk jakup@sosialurin.fo tlf. 341800 ítróttur – Vit stýrdu róðrinum allan vegin, men móti endanum róði Sundabáturin sera væl. Vit hildu tó avtalurnar, og hetta vísti seg at røkka allan vegin. Hans Olaf Johannesen, Tvørábáturin Fleiri bátsmanningar tóku lut í næsta FM-róðrinum á Sundalagsstevnu, og m.a. fekk Tvørábáturin sín fyrsta sigur í 16 ár. Harafturat tóktist spenningurin at vera væl størri í flestu róðrunum enn á Norðoyastevnu KAPPRÓÐUR Teitur Joensen teitur@sosialurin.fo Ikki kann sigast annað enn, at kappróðurin fekk eina keðiliga byrjan upp á hetta kappingarárið. Bert 39 bátsmanningar møttu upp til fyrsta róðurin á Norð­oya­ stevnu, og hetta er eitt tað lægsta talið av bátum í fleiri ár. Harafturat vóru bert tvær bátsmanningar við í tveim­um av róðrunum, og tí vóru fleiri, sum luftaðu tankan um eina størri kreppu í okkara tjóðarítrótt. Fyri at gera ilt verri, so var at kalla eingin spenningur í fleiri av róðrunum, har vinn­ arabátarnir vóru fleiri báts­ longdir framman fyri næstu bátarnar. Kreppa ella ei, so vóru glottar at hóma á næsta stevnuni, sum var í Hvalvík og Streymnesi um viku­ skiftið. Fleiri bátsmanningar vóru við í kappingini, spenn­ ingurin var væl størri í fleiri av róðrunum, og so vóru eisini fleiri bátar við í róðr­ unum hjá 10-mannaførunum og hjá 6-mannaførum við kvinnum, har bert tveir bátar vóru við á Norð­oya­ stevnu. Jú, glottar vóru heilt víst at hóma. Góð líkindi og fitt av fólki Líkindini til kappróður vóru eisini av teimum bestu í Sundalagnum leygardagin. Vindurin var at kalla eingin, tá kappróðurin byrjaði, og til tíðir hevði sólin hug at kaga fram á luftini. Áhugin tóktist eisini vera hampiliga stórir millum fólk, tí rættiliga nógv fólk var komið saman á økinum kring keiina. Áskoðararnir hoyrdust eisini væl, meðan bátarnir stríddust úti á firð­ inum, tí til mest sum hvønn róður róptu tey av hjartans hugi á tann bátin, sum tey hildu við. Hinumegin fjørðin stóð eisini fitt av bilum og fylgdu róðrunum, so sum heild má sigast, at áhugin tóktist vera heldur størri enn til fyrsta FM-róðurin tvær vikur frammanundan. Tríggir nýggir vinnarar Tær 43 bátsmanningarnar, sum vóru til róðurin henda dagin, vístu eisini, at áhugin millum fólk ikki var størri uttan grund. Fólkini, sum høvdu leitað sær til Hval­ víkar og Streymnesar henda dagin, fingu nevniliga fleiri spennandi róðrar at síggja henda dagin. Hjá 5-mannaførunum við dreingjum, 5-mannaførum við kvinnum og 6-manna­ førum við monnum var ein nýggjur vinnari funnin á Sundalagsstevnu, og í hinum róðrunum var mun­ urin nógv minkaður frá fremsta bátinum til næst­ fremsta bátin. Sjálvt um onkur av róðrunum bleiv vunnin rættiliga trygt, so var týðiligt, at aftaru bát­ar­ nir gjørdu alt fyri at halda fast í fremru bátunum, tí gjørdist upplivingin hjá áskoð­aranum størri henda dagin. Harafturat var sera stutt­ ligt at síggja, at ein bátur, sum ikki kann sigast at vera serliga sigursvandur, endaði ovastur á sigursskamlinum á Sundalagsstevnu. Tvørá­ bát­urin hevði ikki vunnið ein róður síðani á Vestan­ stevnu í 1991 undan róðr­in­ um leygardagin, men á Sundalagsstevnu bragdaði aftur, tá teir vunnið ein sera spennandi og dramatiskan róður hjá 6-mannaførum við monnum framman fyri Sundabátin og Stráluna. Sum heild má sigast, at spenningurin var størri í Sunda­lagnum, okkurt yvir­ raskandi úrslit var at síggja, og áskoðararnir tóktust liva meir við enn í fyrsta FM- róðr­inum fyri tveimum vikum síðani. Størri spenningur í Sundalagnum Fleiri av róðrunum gjørdust avbera spennandi á næstu FM- stevnuni í ár norðuri í Sundalagnum. Tríggir nýggir vinnarar blivu eisini funnir í mun til róðrarnar á Norðoyastevnu Mynd: Jens Kr. Vang Sosialurin mannar Formula-liðið við spælarunum, sum stóðu seg best í 13. umfari av Formula-kappingini Formula-liðið