mikudagur 10. januar 2007síða 10

10 Nr. 7 - 10. januar 2007 Eingin kommuna í landinum hevur gjørt so nógvar fermetrar av havnaøki, sum ikki kunnu brúkast, sum Tórshavnar Kommuna. Vit minnast havnabyggingina á Sundi, har mesta økið framvegis stendur óbrúkt eini 20 ár aftaná. Vit minnast sokallaðu “Nyhavnina” uttanfyri gamla molan í Havnini, sum illa kann brúkast til atløgupláss. Man skuldi trúð, at Tórshavnar Kommuna hevði lært okkurt av hesum útbyggingum, men tað tykist ikki vera tilfeldið. Tórshavnar Kommuna hevur nú ætlanir um at gera eina stóra bingjuhavn á Oyrareingjum, sum man vera eitt tað vindharðasta plássið í landinum. Tað er fleiri ferð komið fyri, at 40 fóts bingjur eru foknar á sjógv í Kollafirði, seinastu ferð í fjør. Bingjuhavnin skal eftir ætlan gerast á gamla ídnaðarøkinum á Oyrareingjum, ið stendur tómt, tí at Tórshavnar Kommuna hevur hildið tað tómt seinastu árini. Kommunan hevur blokerað virkjum frá at koma á hetta økið í áravís, hóast økið hevur staðið sum vinnuøki í byggisamtyktini. Virki hava søkt um at sleppa á økið, men hava fingið nei. Tórshavnar Kommuna hevur við vilja latið økið staðið tómt inntil kommunan hevur fingið broytt byggisamtyktina fyri at gera tað til havnaøki. Tómt er kanska í so nógv sagt, eftirsum órudd og burturkast hevur ligið á økinum til stóran ampa hjá bygdarfólki og til umhvørvisskomm hjá Tórshavnar Kommunu, hóast eitt lyfti frá borgarstjóranum um at rudda økið seinasta summar. At leggja eina bingjuhavn innast í einum fjørði nærendis sethús, bendir á ein hugburð um betong og asfalt, sum ikki hoyrir nútíðini til. At man bygdi havnir í bygdum øki i 1950’unum merkir ikki, at tað er rætt at gera tað nú. Umhvørvismedvitið hjá einari kommunu, sum ber seg soleiðis at í 2007, kann ikki verða stórt. Tað er ikki uttan grund, at man vanliga leggur bingjuhavnir og tungan ídnað uttanfyri bygt øki, har man kann. Hvussu við umhvørviskanningum? Hvussu við árinskann­ ingum? Havnaarbeiðið á Oyrareingjum kann ikki verða byrjað, tí so hevur tað verið í stríð við byggisamtyktina. Fer arbeiðið í gond nú, so má ein umhvørvislig árinskanning væl saktans gerast í tráð við nýggju føroysku havumhvørvislóggávuna frá 2005? Flokkarnir, sum mynda býráðssamgonguna, hava ein umhvørvispolitikk, og tað forpliktar! Fylgja teir ikki hesum, so váttar tað bert tann fordómin um Tórshavnar Býrað, at talan ikki er um flokkar, men bert um einstaklingar, sum ikki so mikið sum kvetta í stevnuskráir. Landsplanlegging er eftir øllum at døma eitt banniorð í Føroyum. Eitt tabuevni. Hví kunnu kommunur ikki samstarva fyri landsins besta og fyri at spara dupultíløgur og oyðan av umhvørvi og náttúru! Hví ikki gera Runavík til bingjuhavn. Har eru fortreytirnar longu til steðar. Føroyar verður meir og meir samanbundið. Klaksvík hevur bygt eina stóra og góða havn í Ánunum, har landfast er til meginøkið, og Runavíkar Havn hevur stór øki til taks. Um ein tunnil kemur til Skálafjørðin, so verður skjótari at koyra úr miðbýnum í Havn inn til Runavíkar, enn til Kollafjarðar. Hóast hetta, so tykist Tórshavnar Kommuna geva okkum eitt studium í lokalpolitikki og ósamstarvsvilja, tá hann er ringastur, og byggja eina bingjuhavn afturat í hesum lítla landi. Hevur Tórshavnar Kommuna einki lært? Sosialurin Hevur Tórshavnar Kommuna einki lært? Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Gudny Langgaard gudny@sosialurin.fo Henrietta Hammer henrietta@sosialurin.fo Birgir Waag Høgnesen birgir@sosialurin.fo Bjarta Joensen bjarta@sosialurin.fo Blaðfólk: Áki Bertholdsen aki@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Rigmor Dam rigmor@sosialurin.fo Rólant Waag Dam rolant@sosialurin.fo Heini Kristiansen heinik@sosialurin.fo Teitur Joensen teitur@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Kykmyndir: Alvin Ellebye Andersen alvin@sosialurin.fo Sosialurin í Norðoyggjum: Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e-post: aki@sosialurin.fo e-post: dagfinn@sosialurin.fo !!! Haldarar sum ikki hava fingið blaðið, kunnu ringja til 341818 og boða frá, leygardag tó frá kl. 11.00-13.00 Uppseting/prent: Uppseting: Sosialurin Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1330 Lýsingar Freistir: Tekstlýsingar Størri lýsingar Lýsingartorgið Heilsanir Mánadagsblaðið Mán.kl. 10 Frí. kl. 15 Frí. kl. 12 Frí. kl. 12 Týsdagsblaðið Týs. kl. 10 Mán. kl. 15 Mán. kl. 12 Mán. kl. 12 Mikudagsblaðið Mik. kl. 10 Týs. kl. 15 Týs. kl. 12 Týs. kl. 12 Hósdagsblaðið Hós. kl. 10 Mik. kl. 15 Mik. kl. 12 Mik. kl. 12 Fríggjadagsblaðið Frí. kl. 09 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39 mm og rúmið millum teigarnar er 4 mm. Innsent tilfar Fult navn skal vera undir innsendum tilfari. Innsendar greinar, har blað leiðslan ikki er kunnað um bústað og telefonnummar, verða ikki settar í blaðið. SAMBAND eirikur liNDeNSkov eirikur@SoSiAluriN.fo tlf 341800 viðmerkingar “Deyðarevsing livir enn í Sambandsflokkinum”, skriv­ ar Sosialurin í yvirskrift seinasta leygardag, og vísir við løgnum grundgevingum millum annað til skemti­ teigin á heimasíðu Sam­ bandsfloksins. Men hvat vísir Sosialurin við sínum skemtitekningum? Tíðin ímillum jól og nýggjár er ofta svanglig hjá fjølmiðlunum. Tað hendir lítið í samfelagnum hesa ársins tíð, og tí er ringt at finna tilfar til spennandi yvirskriftir. Hetta endar ofta við, at bløðini eru tær beru yvirskriftir, meðan sjálvar greinarnar hava lítið uppá seg. Sadam bjargaði forsíðuni Avrættingin av Sadam Hus­ sein var tí ein sannur fongur fyri tíðindablaðið Sosialin. Forsíðan var bjargað. Nú ráddi bara um at halda máli­ num í kóki. Eg skal ikki blanda meg uppí alt tað, sum er sagt og skrivað um hetta málið. Skal bara, áðrenn eg sigi nakað meira, sláa fast við sjey tumma seymi, at eg taki ikki undir við deyðarevsing. Vilstur blaðmaður Tað sum fær meg at gera hesa viðmerking, er greinin í Sosialinum leygardagin, har yvirskriftin var “Deyða­ revsing livir enn í Sam­ bandsflokkinum”. Eg veit ikki hvussu nógv innlit, blaðmaðurin ið skriv­ aði greinina hevur í før­ oyskan politikk, men sum tað framgongur av grein­ ini, so hevur hann verið inni á heimasíðuni hjá Sam­ bandsflokkinum og leitað eftir upplýsingum um støðu floksins til deyðarevsing. Av øllum tí rúgvismikla tilfari, sum henda heimasíða hevur at bjóða, velur blaðmaðurin at vitja skemtisíðuna, fyri síðani at brúka hana sum eitt slag av “prógvi”. Hetta er eitt løgið val, sum sigur meira um blaðmannin enn um Sambandsflokkin. Endamálið við skemti­ síðuni er at lýsa ymiskar hendinga í samfelagnum við einum skálkabrosi, og talan er tí ikki um nakað politiskt manifest. Broytir týdningin Blaðmaðurin finnur á skemtisíðuni eina viðmerk­ ing, sum undirritaði skrivaði 3. januar í sambandi við eina grein hjá Tórbirni Jacobsen. Tórbjørn skrivaði í nevndu greinini um deyðarevsing, men hann var ikki serliga heppin í sínum orðavali, og millum annað kom hann til at siga, at størsti trupulleikin við martýrum er, at hvørki riflukúlur, øks ella gálgi bíta á teimum. Hetta er skilaleys tala, tí hvat skal ein maður, sum sigur seg vera ímóti deyðarevsing, brúka riflu­ kúlur, øks og gálga til? Tað var hetta, eg gjørdi viðmerking til á skemti­ síðuni. Viðmerkingin var sostatt IKKI ein viðmerking um deyðarevsing, men bert um skilaleysu skrivingina hjá Tórbirni Jacobsen. Men blaðmaðurin brúkar hetta sum “prógv” fyri, at “deyðarevsing livir enn í Sambandsflokkinum.” Sosialurin hevur eisini ein skemtiteig Nú er tað ikki bara heima­ síðan hjá Sambandsflokki­ num, ið hevur ein skemti­ teig. Sosialurin hevur í nógv ár havt sín skemtiteig á baksíðuni, har dugnaligi teknarin Óli P. ger skemti­ ligar viðmerkingar til dag­ sins aktuellu støðu. Hann hevði millum annað í farnu viku eina tekning av avrætt­ ingini í Irak, har beinini á Sadam sóust dingla niður úr gálganum. Og tað eru ikki bara bølmenni ið enda sínar dagar á baksíðuni á Sosialinum. Føroyskir politikarar verða javnan bæði hongdir, skotnir og hálshøgdir á hesi síðuni, meðan vanliga fólkið verður tveitt útav Trælanýpuni. So um eg skal døma Sosialin eftir somu forskrift­ um sum blaðmaðurin døm­ ir heimasíðu Sambands­ floksins, so kann dómurin ikki vera annar enn, at Sosialurin stuðlar deyða­ revsing – eisini í Føroyum. Helgi Abrahamsen vísir í lesarabrævi oman fyri til grein í Sosialinum fríggja­ dagin, undir yvirskrivtini: »Deyðarevsing livir enn í Sambandsflokkinum«. Hann nevnir kortini ikki essensin í greinini, sum er, at formaðurin í Norð­ oya Sambandsfelag alment sigur, at vit í Vesturheimi­ num ikki skulu siga irakiska fólkinum, hvussu tey skulu skipa sína rættvísisuppgerð við fortíðina – les avrætt­ ingina av Saddam Hussein. Hetta kemur í kjalar­ vørrinum av, at formaður Sambandsfloksins bæði á tingsins røðarapalli 8. november og á Portalinum/ í Sosialinum um nýggj­ árshalguna hevur sagt, at deyðadómurin av Saddam Hussein var »ótrúliga posi­ tivur«. Hesi orðini tók hann kortini aftur – men sigur nú, at »rættvísi sigraði«, hvussu tað so skal skiljast. At Helgi Abrahamsen, sum er skrivari Sambands­ floksins, ikki heldur, at hetta hevur nógv upp á seg og leggur Sosialinum undir at gera eina gølu burtur úr hesum, má bara standa fyri hansara rokning. Men tað er so ein veruleiki, at formaður Sambandsfloksins og for­ maðurin í Norðoya Sam­ bandsfelag – hóast teir siga seg vera ímóti deyða­ revsing, hava fagnað deyða­ dóminum av Saddam Hus­ sein. Um tað er at skapa eina gølu, at ein fjølmiðil setir spurnartekin við slíkar útmeldingar, so hava vit kanska ikki somu uppfatan av mannarættindum, av politiskum støðufesti og av fólkaræði sum heild. Stuðlar Sosialurin deyðarevsing? HELgI ABrAHAMSEN Sambandsmenn fagnaðu deyðarevsing blaðstjóri EIrIKUr LINdENSKov