fríggjadagur 11. mai 2007síða 56

Nr. 90 - 11. mai 2007 56 summarkapping Hugnaligt tiltak á Bryggjubakka Í gjár fór SamVit í gongd við herferðina Frí í Føroyum 2007, sum hevur til endamál at eggja føroyingum at ferðast í Føroyum. Stjórin á SamVit, Elin Heinesen, setti Frí í Føroyum á torginum í SMS í gjár, og í hesum sambandi fer SamVit at skipa fyri ymiskum tiltøkum hetta vikuskiftið. Eitt av hesum tiltøkum verður Undir Bryggjubakka í morgin. Her verða hugnaligir harmonikutónar, grillaður fiskur, pylsur, kaffi, te og køkur. Skiparar úr Vestmanna, Vági og Klaksvík fara at skipa fyri báta­ ferðum. Eitt nú fer Magni Blástein at gera fiskitúrar, og Birgir Enni fer at sýna fram nýggja skjóttgangandi taxabátin. Sosialurin hevur tikið eitt lítið prát við Magna Blástein hesum viðvíkjandi. Magni sigur, at tað gongur fínt við fiskitúrunum, sum hann skipar fyri. ­ Ja, eg haldi, at tað gongur fínt. Fólk hava bílagt nakrar túrar niðurfyri í summar, og tað eru serliga danir og týskarar, sum vísa áhuga. Leygar­ dagin fáa føroyingar tó møguleika at royna hetta undir tiltakinum á Bryggjubakka. Tá fari eg at hava nakrar túrar út á Havnarvág, har fólk fáa møguleika at fiska. Hetta fer vónandi at økja um áhugan í Føroy­ um. Umframt Magna Blástein og Birgir Enni fer eisini at vera møguleiki at síggja skjóttgangandi speedbátin, Scorpion, sum Sigurd Gudmunds­ son í Vági eigur, og Komet, sum er ein fiskibátur úr Klaksvík. Uttanduratiltakið verður einans, um veðrið er til vildar. Hugnaligt tiltak verður Undir Bryggjubakka leygardagin, har fólk millum annað kunnu fara fiskitúrar   
    
             Ferðaskrivstovan vinnulívið setur sítt álit á Sp/f Alpha Travel · Eystara Bryggja · 100 Tórshavn Tel 35 29 00 alpha@alphatravel.fo Vælkomin á Hotel Norð Fo-750 Viðareiði · tel 45 12 44 · Fax 45 12 45 hotel@hotelnord.fo · www.hotelnord.fo • 15 dupultkømur • Matstova til 250 gestir • Fundarhøli • Barr • Náttúruvakurt • Buss til hurðina