mikudagur 30. mai 2007síða 2

2 Nr. 101 - 30. mai 2007 tíðindi SAMBAND eirikur liNDeNSkov eirikur@SoSiAluriN.fo tlf 341800 Nú er komið upp undir land við at leggja ólavsøkuna í keypmannahavn til rættis. Hon verður leygardagin og sunnudagin 28. og 29. juli úti á Norðbryggjuni. Tíðindaskriv Hetta er fjórða árið á rað, at skipað verður fyri ólavsøku­ tiltøkum á Bryggjuni. Hóast arbeiðsbólkurin hevur valt at leggja minni fyri hesu ferð, verður góð skrá og mangt og hvat at síggja og hoyra eisini hesu ferð. Ólav­ søkan verður sett leygar­ dagin 28. juli kl. 15 við røðu, felagssangi og eina løtu upp á gólv. Nýggi leið­ arin í Føroyahúsinum Hans Petur í Brekkunum spælir fanfaruna og bjóðar væl komin. Eyðun Jóhannesen setir ólavsøkuna á hesum sinni. Tá ið kappróðurin á Havnarvág rungar út yvir Kristianshavn og Bryggj­ una, koma vanliga mong oman at lurta eftir. Tá ið hann er av fara nakrir før­ oyskir bátar at rógva kapp­ róður í Kanalini, og kajakkir frá Tvørábátinum at vísa teirra kynstur. Nógvur tónleikur Ólavsøkuaftan verður kon­ sert við Simma, Ólavi Øster og Fróða Sandoy. Dóttir Simma, Rudy, syngur. Seinni um kvøldið verður dansur, har væl dámdi Føroyski bólkurin Spaðar 5 spælir. Fríløturnar báðar dagarnar og um kvøldið fara Stamen Stantjev, Agnar Lamhauge og Hans Petur í Brekkunum at spæla uttan­ dura og á tann hátt hugna um. Kristnastova hevur sang­ løtu leygarkvøldið og ólavsøkudagur byrjar kl. 14 við gudstænastu í Kristians­ kirkjuni eins og í fjør. Tiltøk vera sjálvandi eisini fyri børn so sum ein íspegil og andlitsmáling. Eisini verður grill við pylsum og øðrum heitum mati, ballónum og øðrum til børn. Midnáttarsangur og fýr­ verk verður ólavsøkuaftans­ kvøld. Hittast á ólavsøku Maður er mans gaman og tað er tiltikið á ólavsøku. Ymist verður at fara til, síggja og hoyra, men tað er sannroynd, at mong koma á ólavsøku at hitta vinir og kenningar, práta og fáa sær ein forkunnugan bita. Onk­ ur fer upp a gólv. Nøkur standa og syngja. Tað er ólavsøkulag. Mong, sum eru farin niður at ferðast um ólavsøkumundið, spáka sær eina løtu út á Bryggjuna ólavsøkudagarnar. ­ Nú skal mannast við fólki at taka hond í, smyrja mat og selja. Tað hevur eydnast sera væl árini frammanundan, og vit vóna at fleiri eisini í ár hava hug til at rætta okkum eina hond, sigur Martin Fjall­ stein, sum er ein í ólavsøku­ arbeiðsbólkinum saman við Heina Davidsen, Judith og Mogens Nielsen, Páll Joen­ Jacobsen, Georg Thomas­ son, Jeanette Mikkelsen, Jóannes Højgaard og Hans Petur í Brekkunum. Ólavsøkutiltøk aftur á Bryggjuni Nýggir tónar frá Høgna Reistrup Lawetz oddamaðurin Høgni Reistrup gevur, sum vit longu áður hava avdúkað áður fløgu út í summar, men nú ber til at fáa smakksroynd upp á tónleikin. Á myspace síðuni hjá Høgna ber til at hoyra tvey løg av komandi útgávuni hjá Høgna. Á síðuni greiðir Høgni frá, at nýggja fløgan fær heitið “Hugafar á ferð”. Fløgan er sambært honum sjálvum eina ferð inn í heimin hjá einum ungum tónleikara, sum í gerandisdegnum er merktur av tørvinum at finna og skapa lítinum pettir av lívi. Høgni hevur grund í klassiskum tónleiki, og hetta hoyrist aftur í bæði tónleikinum og í instrumenteringini. Høgni hevur lagt tittul­ lagið av fløguni Hugafar á Ferð á myspace pro­ filin, umframt lagið Byurin við Ánna. Um hesi løg eru umboðandi fyri fløguna, so er talan um eitt slag av fólkatónleiki við íblástri frá tí klassiska. Hoyr løg­ ini á hognireistrup m y s p a c e . c o m / hognireistrup nud Bryggjan í Keypmannahavn er vælumtókt í góðveðri Føroyskur dansur á Bryggjuni