mánadagur 4. juni 2007síða 37

37 [ Nr. 104 - 4. juni 2007 ] Vit hava áður sæð okkara dreingir kemp­­að, tacklað og strítt seg til flott úr­ slit móti stórum fót­ bóltstjóðum. Men móti Italia var fyrsta ferðin, at føroyska liðið sp­­ældi bólt í 90 minuttir, samstundis sum gott úrslit varð fingið móti stórtjóð Spælaraummæli Jákup Mørk jakup@sosialurin.fo 1. Jákup Mikkelsen, B36, 49 landsdystir/0 mál Tá hugsað verður um mót­ støðuna, so hevði Jákup merki­ liga lítið at gera í føroyska málinum. Varð eins og hinir í verjuni púrasta fikseraður av temjingini hjá Inz­aghi við fyrra málið, men sýndi í aðrar mátar góðan myndugleika. Seinna málið fekk hann púrta einki gjørt við, og flestu av hinum italsku møguleikunum megnaði Del Piero at sparka langt uppum. 3. Marni Djurhuus, EB/Streymur, 5/0 Hevur seinastu dystirnar víst, at hann í løtuni helst er besta boðið til vinstra bakkin. Eisini hóast hetta ikki liggur náttúrligt til hansara. Er fyrst og fremst sterkur at plasera seg rætt í verjupartinum, og verður tí sjáldan yvirspældur. Fram eftir vøllinum verður hann tó sera avmarkaður sum høgrabeintur. 4. Atli Danielsen, Frem, 20/0 Var helst tann spælarin, sum kom ringast frá fyrsta part­ inum av dystinum, tá hann fleiri ferðir varð yvirspældur í høgru. Seinasta korterið av fyrra hálvleiki gekk tó betri, og í seinna hálvleiki taldist hann millum avgjørt bestu føroysku spælararnar. Tordi at taka lut í framrættaða spælinum, og átti innleggið til føroyska málið. 5. Jón Rói Jacobsen, AaB, 26/0 Var fyri fyrstu ferð eftir drúgva skaðasteðgin aftur á landsliðnum, har hann tók sítt náttúrliga pláss undir liðini á Óla Johannesen. Var kanska ikki heilt so sannførandi, sum hann onkra tíð hevur verið áður, men helt tó eitt høgt botn­ støði. Og saman um tikið kunnu Føroyar bara fegnast um, at ein av okkara bestu nú er aftur á landsliðnum. 6. Rógvi Jacobsen, HB, 43/8 Er nú bert eitt mál frá mál­ metinum hjá Toda Jónsson. Og tað undirstrikar máltevið og evnið at vera á rætta stað til røttu tíð. Í spælinum var hann eisini ein av lyklaspæl­ arunum hjá Føroyum. Ser­ stakliga í luftspælinum, har sjálvt ikki Materaz­z­i kundi kenna seg tryggan. Men eis­ ini á jørðini, har hann sjáld­ an leggur meira fyri, enn hann megnar at útinna. 8. Mikkjal Thomassen, B36, 5/0 Var við støðugum arbeiði ein tann týdningarmesta drívmegin í føroyska spæl­ inum. Vann fleiri bóltar við rástyrki sínari, og ikki minst bæði tordi og vildi hann bjóða seg til í uppbyggjandi spælinum. Kreftirnar tókt­ ust vera gingnar undan móti endanum, tá talan varð um fleiri skeivar sendingar, men eins og restin av liðn­ um ernaðist hann av málin­ um hjá Rógva. 9. Jákup á Borg, HB, 50/2 Hevði rundan dag á lands­ liðnum, men sum heild man hetta ikki vera tann dysturin, sum Jákup mest minnist fyri spælið. Var tó væl við fyri steðgin, men í seinna hálvleiki gjørdist meira greitt, at formurin í løtuni ikki røkkur til 90 minuttir á landsliðsstøði. Bað sjálvur um at verða skiftur út, tá hann merkti, at tangin var um at vera tómur. 10. Christian Høgni Jacobsen, HB, 34/2 Hóast hann hesa ferð spældi vinstru megin á miðvøllin­ um, so var talan um eitt tað besta avrikið, sum Christian Høgni hevur sýnt á landslið­ num. Arbeiddi sera væl í verjupartinum, og stóð sera sterkur í framrættaða spælin­ um, har hann fleiri ferðir bjóðaði Oddo av á kantin­ um. Eitt avrik, sum við 100% vissu gevur endurval á kantinum til dystin miku­ dagin. 11. Andrew av Fløtum, Fremad Amager, 22/1 Var kanska mest óvæntaði brikkurin í byrjunaruppstill­ ingini, og royndi hann við einum veldugum arbeiðsav­ riki at rættvísgera hetta. Eins og hjá hinum spælarunum, so var hugburðurin framúr, men ofta leitaði hann dekan ov langt aftur, tá hann hjálpti til í verjupartinum. Hetta tí okkara tá mistu eina møgu­ liga spælstøð í uppspælinum. Stóra arbeiðsøkið kostaði eisini nógv í orku, og útskift­ ingin í seinna hálvleiki tóktist náttúrlig. 13. Óli Johannesen, TB, 81/1 Tipti enn eina ferð røddir­ nar, sum ikki meta tað vera rætt, at ein landsliðsspælari spælir í næst bestu føroysku deildini. Hevur evni sum fáur at lyfta avrikið á leið 300%, tá hetta er neyðugt, og tað er tað, tá heimsins bestu standa hinumegin miðlinjuna. Spældi við myndugleika, stýrdi við­ spælarum og átt sín avgjørt stóra lut í, at føroyska verj­ an stóð seg somikið væl. Og við sterkum høvuðsspæli ruddaði hann eisini vanda­ bóltar burtur í fleiri førum. 19. Súni Olsen, AaB, 27/1 Á einum degi, har liðavrikið var fantastiskt, megnaði Súni kortini at skara framúr. Átti mest sum ein fót í øll­ um framrættaðum føroysk­ um spæli, og eisini í verju­ partinum arbeiddi hann knallhart. Yvirblikk, bóltfør­ leiki, dirvi og frekleiki eyð­ kendu spælið hjá gøtumann­ inum, sum við hesum undir­ strikaði sítt púrasta náttúr­ liga pláss sum føroyskur spælskipari. Men kanska iðrar hann seg nú um, at sátt­ málin við AaB varð longdur dagin fyri landsdystin. 7. Símun Samuelsen, Keflavík 10/1 Fekk seinastu løtuna á vøll­ inum fyri Jákup á Borg, og var eitt frískligt íkast til før­ oyska spælið. Hevur ferð­ ina, sum er so týdningarmikil á hesum støði, og endiliga megnaði hann eisini at vísa, at hann hevur potentiali til landsliðsfótbólt. Er heilt víst ein framtíðar spælari til framrættaðu plássini á landsliðnum, men í løtuni er tó trupult at síggja, hvør skal skumpast út á beinkin, um Símun skal inn. 14. Christian Lamhauge Holst, Lyngby, 5/0 Mong høvdu væntað, at Christian fór at teljast millum teir fyrstu ellivu á vøllinum, og við spælinum, sum hann sýndi, prógvaði hann, at tað avgjørt ein upplagdur møguleiki mikudagin. Var ógvuliga beinleiðis og konsekventur í sínum spæli ta løtuna, sum hann var á vøllinum, og var um reppið at krýna dagin við málinum, sum kundi skapt tí heilt stóru sensatiónina. Gloymdu resp­­ektina Armenia komið á talvuna Undan hesum umfarinum hevði Armenia ikki skorað eitt tað einasta mál í undankappingarbólki A. Leygarkvøldið eydnaðist teimum í Almaty í Kaz­akhstan at vinna 2­1, eftir at Armenia í steðginum hevði verið á odda 2­0. Armenia skoraði í 31. og í 39. minutti. Seinna málið var brotsspark. Tveir minuttir fyri leiklok minkaði heimaliðið um munin. Tað var eisini við brots sparkið. Armenia hevur fýra stig, sum er sama stigatal sum Aserbadjan. Kaz­akhstan hevur fimm stig. Oddalið í bólki A eru Póland og Serbia. Portugal, Finnland og Belgia royna eisini at hanga uppií. Nýggjur landsliðsvenjari settur Í tíðindaskrivi frá Svimjisambandinum verður sagt, at nýggja venjarasetanin er partur av teirri langtíðarætlan, sum nú er løgd. Eisini verður sjálvt landsliðs­ arbeiðið endurskoðað, og hesum kemur nýggir venjarin at standa fyri. Nýggi venjarin, Brian Marshall, er breti, og er hann í dag knýttur at íslendska Svimji­ sambandinum. Nú kemur hann so eisini at virka fyri Føroyar, og er avtala gjørd millum Svimjisambondini bæði um hetta. Samstarvið byrjar 1. august, men longu hetta vikuskiftið verður nýggi venjarin í Føroyum og vitjar á venjingar­ leguni, sum oyggjaleikalandsliðið hevur í Tórshavn.