fríggjadagur 8. juni 2007síða 23

Vikuskifti 23 Nr. 108 • 8. juni 2007 ma í Kunoy Í fundarbókini fyri tann dagin stendur (beinleiðis endurgivið): ”Kunoyar Itróttarfelag helt fund 5/2 –1923 í samkomuhúsinum og vitikið var at fáa eitt ploss til fótbóltsplen, sum játta bleiv av ognarunum. Innskodi bleiv ásett at verða 3 krónur pá hvønn lim, og tjúðu tímar pligtarbeiði ið uppfylgt skuldi verða innan oktobermanans útgang, ella útroyast við 55 oyru fyri hvønn tíma. Valg av fyristøðumonnum – valdir blivu Dánjal J. Pállsson, Páll M. Jógvanson og Niels P. Mikkelsen”. (Sitat slutt). Í ymiskum kladdubókum hjá felagnum, sum vit hava fingið innlit í, sæst at fundir eru av og á, men í flestu førum er fótbóltsvøllurin til viðgerðar, í 1930, 1935 og 1938 eru nakrir fundir, men lítið sæst til nakað felagsarbeiði, annað enn at okkurt eydnuhjól ella lutaseðlasøla skal fyriskipast. Í limalistanum hjá KÌ, sum er tøkur aftur til 1939, sæst, at tað eru næstan bara kunoyingar á listanum, men limalistin vísIr eisini, at klaksvíkingar flýggja til Kunoyar undir krígnum, tí í 1942 koma nøvn á klaksvíkingum eisini á listan. Felagið í Kunoy sovnaði spakuliga burtur, men áðrenn tað, hava teir so fingið ognað sær tað 4528 fermetrar stóra stykkið, sum liggur oman fyri bygdina. Ikki fyrrenn í 60-unum og eisini í 70-unum fóru menn aftur at hugsa um at fáa lív aftur í felagið, men tær royndirnar eydnaðust ikki, og onkur roynd er gjørd síðan. Vit kunnu bert staðfesta, at felagið helst er stovnað í 1923 og eigur eina sparikassabók, gerðabók, nakrar kladdubøkur og ein fótbóltsvøll oman fyri bygdina. Um onkur av lesarum okkara veit meira um felagið, er viðkomandi vælkomin at seta seg í samband við okkum á Sosialinum. Hevði ætlanin um at gera fótbóltsvøll í Kunoy verið gjørd til veruleika, hevði vøllurin ligið sum á hesi tilgjørdu myndini ( Beinleiðis úr gerðabókini ) Lóv fyri Kunoyar Ítróttarelag 5. februar 1923 Navn felagsins er Kunoyar ítróttarfelag og yrki felagsins er, at fáa samla fólk til at mennast í ídrottum, sum fótbólt og hondbólt, krokspæl og anna – svimjing og kappróður. § 2 Limur kann ein og hvør gerast, sum er 14 ára gamalur. § 3 Limagjaldið verður ásett fyri eitt ár ísenn av stjørn felagsins. § 4 At fara úr felagnum má skriftligt leggjast fram fyri stjørn felagsins. § 5 Tann sum slettar seg úr felagnum, eigur einkið krav til felagsins rættindir og ognir. § 6 Stjørn felagsins velist fyri eitt ár – hvør limur er sjildigur at móttakað valg. § 7 Bestýrilsi bestendur av 3 limum og tveir tiltaksmenn. § 8 Uppskot til lovbroytingar verða framlagt á aðalfundi. Splittast felagið og nøkur ogn verður, skal hon falla til Kunoyar kommunalkassa