mánadagur 11. juni 2007síða 31

31 [ Nr. 109 - 11. juni 2007 ] Polski formil 1 koyr­ arin Robert Kubica slapp við einum keiktum fóti og heilaskjálvta eftir eitt av teimum ógvusligas­ tu óhappunum í for­ mil 1 í fleiri ár Formil 1 Niels Uni Dam nielsuni@sosialurin.fo Líka so keðilig koyringin í Monako var, líka so hend­ ingarík og áhugaverd var koyringin í Kanada. Ja, ta einu løtuna var hon enntá ræðandi. Í oddinum var tó lítil spenningur.Hamilton vann uttan stórvegis trupul­ leikar sína fyrstu formil 1 koyring. Hann er nú greitt á odda í HM kappingini, har hann er átta stig frammanfyri liðfelagan, núverandi heims­ meistaran Fernando Alon­ so. Men hóast spenningur ikki var um fyrsta pláss, so var ríkiligt av øðrum spenn­ ingi við yvirhálingum frá byrjan til enda. Ikki færri enn fýra ferðir var trygdar­ bilurin á breytini, og úrslitið við Hamilton frammanfyri Heidfeld, Wurz og Kovalein­ an sigur ikki so lítið. Ræðandi óhapp Mest umrødda hendingin varð tó uttan iva, orsøkin til, at trygdarbilurin kom á breytina aðru ferð. Polski Robert Kubica í BMW Sau­ ber var júst komin út pittin­ um, og royndi at sleppa framvið Jarno Trulli. Jarno Trulli gav honum ikki nak­ að pláss, men Kubica royndi alíkavæl, og rakti bilin hjá Trulli. Kubica misti tamar­ hald á bilinum, ið fór á flog. Hann rendi við nógvari ferð á veggin báðu megin breyt­ ina. Óhappið var ógvisligt, og Kubica tyktist at vera utt­ an vit, tá bilurin gavst við at bólta rút og renna á ymiskt. Hetta var ein ræðandi løta, og fyri tann tilkomna formil 1 hyggjaran leitaðu tankar­ arnir aftur til óhapp sum tað hjá Oliver Panis í Kana­ da og deyðsvanlukkurnar hjá Senna og Roland Rat­ zenberger. Tó eru seinastu tíðindini, at Kubica hevur tað gott. Hann hevur fingið ein lítlan heilaskjálvta og hevur keikt fótliðin, men verður væntandi útskrivaður í dag. Alonso undir trýsti Koyringin var merkt av ákoyringum, villum og tøkn­ iligum trupulleikum, og at enda koyrdu einans 12 av teimum 22 bilunum um mál­ strikuna. Vanligu avbjóðar­ nir Alonso, Massa og Räikk­ ö­nen gjørdu allir persónligar villur, sum kostaðu teimum møguleikan fyri at avbjóða Hamilton. Alonso vísti fyrs­ tu ferð veikleika, ið kann koma av trýstinum, sum lið­ felagin nú hevur lagt á hann. Longu í næsta svingi koyrdi Alonso av breytini og misti nøkur pláss, og het­ ta helt hann á við. Hann koyrdi ferð eftir ferð av breytini. Harumframt fór hann í pitt, meðan pitturin var stongdur í sambandi við, at trygdarbilurin kom á breytina. Hetta kostaði eina 10 sekund steðgirevsing. Somu revsing fekk Nico Rosberg fyri at gera tað sama. Felipe Massa var fremri av Ferrari bilunum, men hann gjørdi eina av teimum heldur álvarsligu villunum, tá hann í samban­ di við fyrsta pittsteðg sín koyrdi út úr pittinum, með­ an reyða ljósið lýsti, í hølun­ um á honum koyrdi Gian­ carlo Fisichella, og báðir vóru diskvalifiseraðir fyri hendingina. Robert Kubica, ið var aftanfyri teir, mintist til at steðga. Hetta var bert fá umfør áðrenn hansara óhapp. Í serflokki Kimi Räikkö­nen var einasti maður á Ferrari liðnum, ið fekk bilin á mál. Hann hevði eina ringa byrjan, og varð nógv forstýraður av teimum fýra trygdarbil hendingum, ið als ikki hósk­ aðu saman við hansara pitt­ ætlan. Lewis Hamilton og Nick Heidfeld vóru báðir farnir inn til sínar pittsteðgir, áðrenn Adrian Sutil rakti ein vegg og trygdarbilurin kom á breytina. Hetta gav teimum ein greiðan fyri­ mun. Men eingin ivi var um, at teir høvdu uppiborið síni góðu úrslit. Serliga Hamilton var í serflokki. Úrslit í Kanada 1 Lewis Hamilton McLaren­Mercedes 10 2 Nick Heidfeld BMW 8 3 Alexander Wurz Williams­Toyota 6 4 Heikki Kovalainen Renault 5 5 Kimi Räikkö­nen Ferrari 4 6 Takuma Sato Super Aguri­Honda 3 7 Fernando Alonso McLaren­Mercedes 2 8 Ralf Schumacher Toyota 1 9 Mark Webber Red Bull­Renault 10 Nico Rosberg Williams­Toyota 11 Anthony Davidson Super Aguri­Honda 12 Rubens Barrichello Honda ­ Jarno Trulli Toyota ­ Vitantonio Liuzzi STR­Ferrari ­ Felipe Massa Ferrari ­ Giancarlo Fisichella Renault ­ Christijan Albers Spyker­Ferrari ­ David Coulthard Red Bull­Renault ­ Robert Kubica BMW ­ Adrian Sutil Spyker­Ferrari ­ Scott Speed STR­Ferrari ­ Jenson Button Honda HM fyri koyrarar 1 Lewis Hamilton Ongland 48 2 Fernando Alonso Spania 40 3 Felipe Massa Brasilia 33 4 Kimi Räikkö­nen Finland 27 5 Nick Heidfeld Týskland 26 6 Giancarlo Fisichella Italia 13 7 Robert Kubica Póland 12 8 Heikki Kovalainen Finland 8 ­ Alexander Wurz Eysturíki 8 10 Nico Rosberg Týskland 5 ­ David Coulthard Skotland 4 ­ Jarno Trulli Italia 4 ­ Takuma Sato Japan 4 14 Ralf Schumacher Týskland 2 HM fyri lið 1 McLaren­Mercedes 88 2 Ferrari 60 3 BMW 38 4 Renault 21 5 Williams­Toyota 13 6 Toyota 6 7 Red Bull Racing Renault 4 ­ Super Aguri ­ Honda 4 Danir verja Poulsen Sjálvt um Christian Poulsen hevur møtt mótstøðu alla staðni í Evropa eftir býtta reyða kortið, sum hann fekk í týdningarmikla landsdystinum ímóti svium síðsta leygardag, so eru danir klárir at bjóða honum vælkomnum aftur á landsliðið, tá hann er klárur eftir tríggjar dagar langa leikbannið, sum hann fekk fyri slagið, hann sendi Marcus Rosenberg. Ein kanning, sum Catinét hevur gjørt fyri Ritzau, vísir, at heili 74,4 % av teimum spurdu vilja hava Christian Poulsen aftur á landsliðið, meðan 17,1 % halda, at dysturin ímóti svium eigur at vera tann sísðti hjá Poulsen. Bayern bjóðar uppá Klose Bayern München roynir av øllum alvi at styrkja sær um hópin eftir skuffandi kappingarárið í Bundesliguni í ár, har teir endaðu á einum fjórða plássið, og sostatt ikki sleppa at luttaka í Champions League komandi ár. Fyri stuttum keyptu teir bæði franska landsliðsleikaran, Franck Ribery, og italsku stjørnuna, Luca Toni, sum vera mettir at hava kostað týska stórfelagnum á leið 270 mió. kr. Hetta tykist tó ikki vera nokk fyri Bayern München, tí um vikuskiftið hava teir eisini bjóðað uppá týska áleyparan Miroslav Klose, sum leikar við einum av størstu kappingarneytunum, Werder Bremen. Kubica yvirlivdi ræðandi óhapp Ein keiktur fótur og heilaskjálvti. Ikki kann sigast annað, enn at Kubica slapp ótrúliga væl, tá hann var partur av einum ógvusligum óhappi sunnudagin Mynd: Polfoto/AP