týsdagur 19. juni 2007síða 2

2 Nr. 115 - 19. juni 2007 tíðindi SAMBAND eirikur liNDeNSkov eirikur@SoSiAluriN.fo tlf 341800 Natasha Bedingfield kemur til Føroya G!Festivalurin kunn­ ger í dag høvuðs­ navnið, ið er einki minnið enn ein poppsensasjón. Natasha Bedingfield kemur til Føroya Tíðindaskriv Hon eigur mest spælda sangin í amerikanskum populer-útvarpi í 2006 er fastur gestur á MTV, Brit Awards og Grammy-há- tíðunum og er í løtuni á konsertferð við Justin Timberlake. Um fáar vikur stendur Natasha Beding- field á palli á G! Festival, sum størsta aktuella popp- navn nakrantíð í Føroyum, skrivar festivalurin á heima- síðu síni í morgun. Við superhittum sum »These Words«, »Unwrit- ten«, »Single« og »I wanna have your babies«, (sum í løtuni eisini er á 15 teimum bestu) hevur Natasha Bed- ingfield lagt lurtaraskaran báðumegin Atlantshav fyri føtur sínar og vunnið sær støðu millum fremstu poppstjørnur í heiminum. Í løtuni er Natasha Bed- ingfield á konsertferð sam- an við Justin Timberlake. Og dagin eftir, at hon hevur spælt á Syðrugøtusandi, fer hon við leiguflogfari til Onglands at spæla »On the beach« í Bristol saman við Maroon 5, Akon og Mika. »Natasha Bedingfield er tað størsta navnið, vit hig- artil hava havt á G!, og vit eru bæði errin og takksom fyri at kunna bjóða Føroya fólki eina slíka bjarta og aktuella heimsstjørnu,« sig- ur Jón Tyril, talsmaður hjá G! Festival við heima- síðuna. Natasha Bedingfield syngur um tað, sum upp- tekur hana. Hennara egnu meiningar, ynski og tankar eru tað, hon leggur rødd til. Hon vaks upp í einari serstakliga musikalskari familju og byrjaði longu sum blaðung at skriva egnar sangir og framføra saman við systkjum sínum, og skjótt gjørdist greitt, at tónleikurin átti og mátti vera yrkis- og lívsleið hennara. Eftir eina tíð sum sangari og sangskrivari í kristiliga bólkinum The DNA Algorithm, skrivaði hon í 2003 undir plátu- sáttmála við Sony Music. Síðani hevur tað gingið slag í slag við hennara altjóða sigursgongd. Almenna heimasíðan: natashabedingfield.com/ Natasha á MySpace: myspace.com/ natashabedingfield Backstreet Boys stjørnan Brian Littrell, ið var stóra høvuðsnavnið hjá Fjarðafestivalinum, hevur givið avboð. Fyrireikararnir eru skelkaðir, og umhugsa endurgjaldskrav, men avloysarin er funnin í rokkbólkinum Pillar Tónleikur Niels Uni Dam nielsuni@sosialurin.fo – Vit hava arbeitt í yvir eitt ár við at fáa Bran Littrell á okkara festival, og kundu fyri einum hálv- um ári síðan kunngera, at hann kom. Sáttmálin er skrivaður og pengar eru fluttir til hansara, og so meldar hann avboð nú, sigur Eyðun Jacobsen fyri- skipari av Fjarðafestivali- num. Hann viðgongur, at hetta kemur sera illa við, og at festivalurin hevur roynt, at fáa Littrell til at broyta avgerðina. Men hetta er tíanverri ómøguligt. – Arbeiðið við eini kom- andi Backstreet fløgu er seinkað, og tí fellur Fjarða- festivalurin saman við út- gávukonsert hjá teimum í Kanada, og hetta er ómøgu- ligt at broyta. Men tað er greitt, at hetta er sáttmála- brot og ræðuliga keðiligt, sigur Eyðun Jacobsen, og vísir á, at Fjarðafestivalurin nærum heilt víst fer at krevja endurgjald frá Litt- rell. Síðan boðini bórust hev- ur Fjarðafestivalurin arbeitt dag og nátt fyri at broyta avgerðina ella fyri at finna ein hóskandi avloysara, og vit kunnu nú avdúka, at progressivi amerikanski rokkbólkurin Pillar kemur í staðin. – Hetta er eitt sera stórt kristið tónleikanavn, liggur í stíli eitt sindur við P.O.D., men eru í løtuni betur enn P.O.D. Vit fingu jú eisini herfyri avboð frá EXTOL, og Pillar er eisini avloysari fyri EXTOL. Fyri okkara málbólk á Fjarðafestivali- num er Pillar eitt sera stórt navn, greiðir Eyðun Jacob- sen frá og vísir á, at tey enn arbeiða við møgleikanum at finna onkran annan á skránna, ið liggur tættari við Brian Littrell í stíli, men í løtuni er einki av- gjørt. Tilber at hoyra tónleikin hjá Pillar á pillarmusic.com ella á myspace.com/pillar. Messel hitaði upp fyri Beach Boy Tá Brian Wilson úr Beach Boys vitjaði í Danmark leygardag­ in, á síni konsertferð kring Evropa, var upphitingin føroysk. Tað er Messell, ið slapp at hita áskoð­ ararnar til Beach party Tónleikur Niels Uni Dam nielsuni@sosialurin.fo Einasta konsertin í Dan- mark hjá Brian Wilson úr Beach Boys varð í Skov- dalen í Aalborg leygar- kvøldið, og Norðurjútland er økið har Messell hevur gjørt mest vart við seg seinastu árini. Terji Mes- sell er kendur á føroyska tónleikapallinum úr bólki- num Tvass fyrst í nítiár- unum og sum helvtin av bólkinum Maður:Glotti í seinnu helvt av nítiárunum. Men seinnu árini er tað mest sum einstaklingur í verkætlanini Messell, at vit hava kunna uppliva Terja Messell. Upphitingin fyri Brian Wilson var onnur fram- førslan hjá Messell leygar- dagin. Seinnapartin luttók hann á einum promo til- takið fyri Nibefestivalin í miðbýnum í Aalborg beint við John Bull Pub. Messel hevur fingið eitt sonevnt podcast á tónleika- sølusíðini iTunes, hetta verður dagført hvønn mánað við nýggjum sjón- bandaløgum. Um tú meld- ar teg til á iTunes ber til at skriva Messell í leitirútin, síðan ber til at taka sjón- bandaløgini niður av netinum ókeypis. Annars liggja sjónbandaløgini á youtube.com/sufmusic Brian Littrell gav avboð Hendan kvinnan verður at hoyra á G! Hesin kemur kortini ikki á Fjarðafestivalin Terji Messell hitaði upp fyri Beach Boys á konsert í Norðurjútlandi