hósdagur 28. juni 2007síða 7

7 tíðindi Nr. 122 - 28. juni 2007 - Tað, sum Magni Laksáfoss sigur um undirsjóvartunnil í Sandoy, er typiskt fyri politikarar, ið ganga og hugna sær í miðstaðarøkinum, sigur Gerhard Lognberg Sandoyartunnil Áki Bertholdsen aki@sosialurin - Hetta verður ikki nakað, sum Magni Laksáfoss bestemmar. Gerhard Lognberg, ting- maður úr Sandoy, er fortørn- aður um, at landsstýrismað- urin í fíggjarmálum í Sosial- inum í gjár mælir frá at gera undirsjóvartunnil í Sandoy. Gerhard Lognberg er lim- ur í samgonguni, akkurát, sum Magni Laksáfoss er tað, men sandoyartingmað- urin væntar kortini ikki nakra ósemju í samgonguni um Sandoyartunnilin. Hann staðfestir, at sam- gongan hevur eina avtalu um at gera undirsjóvartunnil í Sandoy og hann krevur, at hendan avtalan verður hildin. - Hetta er enntá ein avtala, sum er niðurfeld í sam- gonguskjalið -Tað er ikki landsstýris- maðurin í fíggjarmálum, sum ger av, um Sandoyar- tunnilin skal gerast, men Løgtingið einsamalt og har farið eg at krevja, at avtalan verður hildin. - Eg vænti heldur ikki annað, enn at avtalan verður hildin og so kann Magni Laksáfoss siga akkurát, hvat hann vil, leggur Ger- hard Lognberg afturat. Hann sigur, at tað er at kalla fult forstáilsi í sam- gonguni fyri, at tunnilin verður gjørdur og í heyst er avtalað, at uppskot skal leggjast fyri Løgtingið um tunnilin. Men er tað ikki rætt, at búskapurin er ov heitur og at tað er neyðugt at halda aftur við stórum útbygging- um til verri tíðir? - Búskapurin er ikki hitn- aður av tí, sum er gjørt í Sandoy. Hetta er so typiskt fyri politikarar, sum ganga og hugna sær í miðstaðarøk- inum og sum ikki hava brúk fyri útjaðaranum. Gerhard Lognberg stað- festir, at undirsjóvartunnilin er alt avgerðandi fyri Sandoy, tí ferðasambandið er ein bági. - Tí kemur tað ikki uppá tal, at undirsjóvarttunnilin skal víkja fyri skúlabygging- um og gransking, sum uttan iva eisini verður í miðstaðar- økinum, sigur tingmaðurin. Gerhard Lognberg sigur, at onki er bygt út í Sandoy, tí nú skuldi tað verða tunnil- in, sum skuldi raðfestast fremst. - Vit góðtóku eisini at sleppa ætlaða listaskúlanum í Sandoy afturfyri at fáa eina avtalu um undirsjóvar- tunnilin. Tú hevur fyrr boðað frá, at tú ert so misnøgdur við samgonguna, at tú hevði umhugsað at taka teg úr samgonguni? - Tað havi eg ofta gjørt, men tað fari eg ikki at blanda upp í hetta kjakið, tí vit hava eina greiða avtalu í samgonguni og eg ivist ikki í, at tann avtalan fer at halda. Fleiri viðmerkingar vil hann ikki gera um tað. Laksáfoss avger ikki hvar skápið skal standa Magni Laksáfoss kann siga, akkurát, hvat hann vil. Tað er kortini ikki hann, sum ger av, um undirsjóvartunnil skal gerast í Sandoy. Tað avgerð Løgtingið einsamalt og har hava vit eina greiða avtalu, sigur Gerhard Lognberg Magni Laksáfoss sleppur ikki at lata kommunurnar í spennitroyggju, fyrrenn hann sjálvur hevur víst, at hann meinar nakað við tað, hann førir fram, sigur Heðin Mortensen BúSkapar­ politikkur Áki Bertholdsen aki@sosialurin.fo - Vit fara ikki at leypa á leist- um fyri Magna Laksáfoss. Heðin Mortensen, borgar- stjóri í Havn og formaður í Kommunusamskipan Føroya góðtekur ikki uttan víðari, at kommunurnar nú skulu tálma útreiðslunum fyri at hjálpa upp á landsbúskapin. Í Sosialinum í gjár greiddi landsstýrismaðurin í fíggjarmálum frá, at hann hevur sett sær fyri at næsta ár, skulu hvørki landskassin ella kommunurnar hava fleiri útreiðslur, enn í ár fyri at tálma búskapinum. Men tað er als ikki vist, at kommunurnar eru sinnaðar at spæla við. Heðin Mortensen, sum er talsmaður hjá teimum stóru kommununum, staðfestir, at sjálvandi fara kommunurnar at viðgera ætlanina hjá landsstýrinum. - Men vit taka ikki glaðbeint undir við, at Magni Laksáfoss smoyggjur komm- unurnar í eina fíggjarliga spennitroyggju, staðfestir hann. Annars hava kommunurnar lagt upp til at næsta ár skuldu kommunalu fíggjarætlanir- nar hækka eini 5%. Men Magni Laksáfoss vil altso hava eina null-loysn fyri at køla búskapin. Heðin Mortensen vísir á, at landið hevur álagt komm- ununum nógvar uppgávur og tí er tað sjálvsagt, at tær mugu sleppa at økja útreiðsl- urnar. - Kommunurnar hava stórar skyldur at byggja skúlar, barnagarðar og at byggja eldrarøktina út. Samstundis eru krøv sett til vatnveiting og kloakkir og annað. Tí ber ikki til at forða kommunum at byggja út. - Tí sigur tað seg sjálvt, at vit kunnu ikki uttan víðari góðtaka, at landskassin álegg- ur kommununum at steðga við útbyggingum. Borgarstjórin í Havn og formaðurin í Kommunusam- skipan Føroya staðfestir, at áðrenn kommunurnar verða lætnar í spennitroyggju, eigur samgongan sjálv at ganga undan og vísa í verki, at hon er sinnað at tálma almennu útreiðslunum hjá lands- kassanum. Tað heldur hann ikki, at landið ger. - Landið økir sínar útreiðslur í stórum til rakstur og íløgur. Fleiri av hesum íløgum verða fjaldar á van- ligu fíggjarlógini við at leggja tær í grunnar og almenn partafeløg. Men tær skulu so í øllum førum betalast. Ongin grund at stúra Heðin Mortensen vísir á, at hinvegin hava kommunurnar ikki økt rakstrarútreiðslur- nar nakað serligt. - Men kommunurnar hava bygt út. Talan er ikki luksusíløgur, men um íløgur, sum eru neyðugar fyri at ganga krøv- um á møti, sum landsins myndugleikar sjálvir hava álagt kommununum. At rakstrarútreiðslurnar hjá kommununum eru hækk- aðar, er ein beinleiðis avleið- ing av tí og tí má Magni Laksáfoss góðtaka tað. Borgarstjórin í høvuðs- staðnum vísir á, at ræður tað um at tálma búskapinum, eigur Magni Laksáfoss ikki at ræðast kommunurnar. - Kommunurnar eru besta trygdin fyri, at landsins búskapur ikki fer av kós. Vit kunnu ongantíð skylda meiri enn eina álíkning og tað er ein stór avmarking í sær sjálv- um. Tá er nógv størri orsøk til at óttast peninganýtsluna hjá landskassanum, tí har verður ikki spart. - Tí verður útspælið frá Magna Laksáfoss ikki svølgt rátt. Tó fara vit at viðgera spurningin væl og virðiliga. Hinvegin ávarar formaður- in í Kommunusamskipan Føroya Magna Laksáfoss ímóti at trumfa nakað ígjøgn- um. - Trýst elvir til móttrýst, so tað fer at koma honum aftur um brekkur, sigur hann, uttan at nágreina tað nærri. Sí eisini tíðindaskriv frá Kommunusamskipan Føroya aðrastaðni í blaðnum. Leypa ikki á leistum fyri Magna Laksáfoss - Vit spæla ikki við uttan so, at landsstýrið eisini spælir við, sigur Heðin Mortensen, formaður í felagnum fyri tær stóru føroysku kommununum KSF sigur nei Eftir fund millum kommunurnar og landsstýrismenninar í fíggjarmálum og innlendismálum 25. juni, hevur Magni Laksáfoss boðað frá, at kassin hjá kommununum nú skal lokast til í ein ávísan mun. Men hetta heldur KSF lítið um, tí partvís hevur landið lagt nógvar nýggjar byrðar á kommunurnar, og partvís hava kommunurnar goldið niður nógva skuld seinastu árini, og hava tí nú fingið eitt lítið rásarúm at gera hartátroðkandi íløgur. Landsstýrið skjýtur upp eina útjavningarskipan fyri kommunurnar, men hetta er púra ófyrireikað, og tað eru kommunurnar sjálvar, sum skulu fíggjað hetta, verður sagt. Eisini er ætlanin at taka mest sum alt MVG-endurgjaldið frá kommununum. Men KSF sigur, at kommunurnar stýra væl og halda allar ásettar reglur. Niðurstøðan í einum tíðindaskrivi frá KSF er tí greið: Latið kommunurnar fáa frið.