fríggjadagur 29. juni 2007síða 21

Nr. 123 - 29. juni 2007 21 lýsingar VIT BJÓÐA Nýggjur orkupolitikkur skal fremjast, og nýggj elveitingarlóg er samtykt. Vit fara tí undir at arbeiða miðvíst við orkupolitiskum átøkum, soleiðis at vit kunnu økja um gagnnýtsluna av varandi orkukeldum og seta orkusparandi tiltøk í verk. Vit bjóða eitt nýtt starv á loyvis- og orkudeildini, har møguleiki verður at arbeiða í einum spennandi umhvørvi við góðum eftirútbúgvin- garmøguleikum, og har tú í stóran mun sjálv/ur fær ávirkan á og ábyrgd fyri at menna starvsøkið. ÚTBÚGVING OG ROYNDIR Ynskiligt er, at tú hevur kandidatprógv frá hægri lærustovni umframt viðkomandi royndir. Tú skalt kunna arbeiða bæði við yvirskipaðum evnum og praktiskum málum og hava góð evni at samstarva og at samskifta málsliga og skrivliga - eisini á norðurlendskum og enskum máli. LØNAR- OG SETANARTREYTIR Starvið verður sett sambært sáttmála millum Fíggjarmálaráðið og viðkomandi yrkisfelag. Nærri upplýsingar um starvið fáast við at venda sær til Sigurð í Jákupsstovu, stjóra á Jarðfeingi, á telefon 357000 ella við telduposti til sij@jardfeingi.fo. UMSÓKNIR Umsóknir við avriti av viðkomandi prógvum og skjølum skulu vera Jarðfeingi í hendi í seinasta lagi 15. august 2007. Adressan er: JARÐFEINGI, Brekkutún 1, Postboks 3059, 110 Tórshavn. JARÐFEINGI er stovnur undir Vinnumálaráðnum. Endamál stovnsins er at fyrisita, granska, ráðgeva og breiða út kunnleika um viðurskifti av týdningi fyri gagnnýtslu og varðveitslu av landsins jarðfeingi umfatandi hesar høvuðspartar: kolvetni, orku og jarðfrøðilig náttúruvirði. Høvuðsuppgávurnar á Jarðfeingi eru: a) Kolvetnismál, og sum partur av hesum at fyrisita lóggávu innan leiting eftir og framleiðslu av kolvetnum. b) Orkumál, og sum partur av hesum at fyrisita lóggávu innan framleiðslu, flutning og veiting av orku. c) Jarðfrøðiligar og náttúrulandafrøðiligar uppgávur innan gransking, ráðgeving, savnsvirksemi og undirvísing. Áhugavert starv á Jarðfeingi Ert tú verkfrøðingur, og hevur tú áhuga fyri orkuviðurskiftum? JARÐFEINGI søkir eftir einum verkfrøðingi at byrja skjótast til ber. Arbeiðið á stovninum er føltáttað. Vit samstarva og samskifta við nógv viðskiftafólk, myndug- leikar og stovnar bæði her heima og uttanlands. FAROESE EARTH AND ENERGY DIRECTORATE WWW.JARDFEINGI.FO