hósdagur 5. juli 2007síða 4

4 tíðindi Nr. 127 - 5. juli 2007 Tað eru nógv ár liðin síðani seinastu sethúsini vórðu bygd í Kolbanargjógv. Nú bendir mangt á, at gongd fer at koma aftur á húsabyggingina í hesi bygdini í Sjóvar kommunu Bygdamenning Snorri Brend snorri@sosialurin.fo Kolbanargjógv: – Fólk vilja fegin byggja á tí stað­ num, hagani tey eru, sigur Malena Thomsen, borgar­ stjóri í Sjóvar kommunu. Henda áhugan kunnu tey eisini staðfesta á kommunu­ skrivstovuni, og nú verður arbeitt við at skapa umstøð­ urnar fyri hesum vøkstri­ num. Á Strondum er rættiliga stórur áhugi fyri búseting. Har standa fleiri fólk á bíði­ lista, hóast kommunan beint nú er í ferð við at stykkja út í bygdini. Sama gongdin vísir seg á Selatrað, har nøkur fólk hava biðið um grundøki. ­ Her hjá okkum er í størstan mun talan um fólk úr bygdunum í kommununi. Men eingin ivi er um, at onnur vilja koma hendaveg­ in, tá Skálafjarðartunnilin kemur, sigur Malena Thom­ sen. Í mars mánaði í ár búðu beint omanfyri 1000 fólk í kommununi. Alt bendir á, at hetta talið bara fer at økj­ ast enn meiri framyvir. Fleiri grundøki At fólk nú ynskja at búseta seg í Kolbanargjógv er eitt, ið man hóva teimum væl ið fáast við hagtøl um bústað­ armynstur í Føroyum. Sama man eisini gera seg galdandi fyri fólk í kommun­ uni, tí gongdin hevur bent júst henda vegin tey seinnu árini: Í 2004 búðu 33 fólk í bygdini og í fjør var talið komið uppá 39. Í mars mán­ aði var íbúgvaratalið hækk­ að enn meiri, og var tá uppi á 41 íbúgvum í Kolbanar­ gjógv. Fleiri ungfólk eru eisini í, og vísir tað seg at onkur teirra hevur áhuga at búseta seg í heimbygdini. Hetta samsvarar eisini væl við ta útstykkingarætlanina, sum Sjóvar kommuna hevur norðarlaga í bygdini, har tað eftir øllum at døma verð­ ur pláss fyri eini seks grund­ økjum. Umframt hesi hevur kommunan ætlanir um eitt heilt annað slag av bústað­ arbygging í Kolbanargjógv. Hetta var sum ein partur av teirri umfatandi Menning­ arætlanini fyri kommununa, sum varð løgd fram í fjør. Tunnilin setur ferð á Á skrivstovuni hjá Sjóvar kommunu hava tey ikki enn staðfest nakran stóran vøkst­ ur í umsóknunum eftir grundøkjum í Kolbanar­ gjógv. Nógv hevur verið tosað um ætlaða Skálafjarðartunn­ ilin, og enn er arbeiðið á fyrireikingarstigi. ­ Men eg vænti, at tá ein av álvara fer undir at bora fyri tunlinum, fara fólk eis­ ini at vilja búseta seg her, sigur Malena Thomsen. Tá tunnilin verður liðug­ ur, verður stutt hjá fólki at koyra til Havnar. Umframt hetta hevur Kolbanargjógv sjáldsama góðan sólargang og gott útsýni. Í dag hevur kommunan útvegað sær tað mesta av jørðini í sambandi við hesa ætlaðu útstykkingina, eins og byggisamtyktin er broytt samsvarandi hesum. Í grannabygdini norðan­ fyri, Morskranesi, sum eis­ ini er við í Sjóvar kommunu, er kortini ikki sama støðan: ­ Enn er ikki serligur áhugi fyri at byggja har. Men tað man fara at koma, tá útstykkingin byrjar her í Kolbanargjógv, slær Malena fast. ” Eingin ivi er um, at onnur vilja koma hendavegin, tá Skálafjarðar­ tunnilin kemur Pláss verður fyri eini seks grundøkjum aftrat norðarlaga í bygdini Mynd: Høgni Thomsen ­ Vit vilja skapa umstøður fyri vøkstri her í Kolbanargjógv, sigur Malena Thomsen Mynd: Høgni Thomsen Fólk byggja hagani tey eru ættað Stórt tiltak í Bygdarhúsinum Strendur: Leygarkvøldið verður eitt serstakt tiltak í samband ið Fjarðastevnuna. Tá verður nevniliga stórt mótashow har fyritøkur úr bygdini og aðrastaðni fara at vísa fram pløgg til ymisk høvi. Fyritøkurnar sum luttaka eru Snældan, Josi, Tara, Jungman og Shop In, og hjá Sannu við undirklæðum. Umframt hesi luttekur eisini Stutt og Greitt við tí nýggjasta hármótanum. Fundir úti og inni Fjarðastevna: Á stevnuni á Strondum um vikuskiftið verða eisini fleiri kristilig tiltøk. Ein lastbilur við palli er fingin til endamálið, og hann verður longu tikin í brúk til eitt útimøti í annaðkvøld kl. 22, tá fólk úr Kelduni í Skálabotni fara at skipa fyri. Leygarkvøldið eru tað fólk úr missiónshúsinum á Strondum og sunnukvøldið úr samkomuni Immanuel í Havn sum skipa fyri. Sunnudagin er sum vanligt gudstænasta kl. 11 í Sjóvar kirkju, har Jógvan Fríðriksson prædikar.