hósdagur 5. juli 2007síða 27

27 [ Nr. 127 - 5. juli 2007 ] Aftur í gjár skutu bogaskjúttarnir fleiri heiðursmerki heim til Føroya. Tvær gull, eina silvur og eina bronsu gjørdist tað til, tá kappast var ein ímóti einum BOGASKJÓTING Rólant Waag Dam rolant@sosialurin.fo Tá bogaskjúttarnir byrjaðu at skjóta í gjár, høvdu Før­ oyar tilsamans 14 gullheið­ ursmerki. Tá bogaskjúttarnir vóru lidnir at skjóta, høvdu Føroyar 16 gullheiðurs­ merki. Hetta er tað mesta nakrantíð, og sostatt skutu bogaskjúttarnir Føroyar til nýtt met á oyggjaleikunum. Eitt met, sum varð bøtt seinni í gjár, tá svimjararnir hálaðu trý gull heiðursmerki heim aftrat. Tað tekur tó einki frá avrikunum hjá bogaskjúttu­ num, sum mugu metast at vera framúr góð. Sigrid sigraði Kappingin var skipað á sama hátt, sum eitt slag av cup­kapping. Kappast var ein ímóti einum, vinnarin fór víðari og taparin reyk út. Til hetta slag av kapping krevst konsentratión, disi­ plin og so eginleikin, at vera kaldur og hava tamar­ hald á nervunum, tá á stendur. Byrja vit við kvinnuliga gullinum, so livdi Sigrid Vang upp til alt hetta. Hon setti tríggjar bogaskjúttar av á vegnum til finaluna, sum gjørdist rættuliga spennandi. Tá teir tríggir pílarnar vóru skotnir fýra ferðir, sum gjørt verður í finaluni, stóð á jøvnum. Tískil var neyðugt við eyka­ skotið. Har snýr tað seg bara um at vera tættast miðj­ uni. Tað var Sigrid og tískil gjørdist gullið hennara. Hetta var í compound, og í recurve gekk næstan líka væl. Har var Annika Vang í finaluni, men tapti í síðsta enda, soleiðis at hon stóð eftir við silvurheiðursmerk­ inum. Jógvan tríggjar gull Í compound hjá monnum tók Jógvan gullið. Á veg­ num í finaluna møtti hann Per Holm Andersen, sum sá út til at skula basa Jógvani. Men av onkrari orsøk gloymdi Per at skjóta sein­ asta pílin, so Jógvan fór víð­ ari og allan vegin upp í topp. Tað merkir, at hann nú hevur tríggjar gull medaljur, og hevur møgu­ leikar fyri at fáa eina fjórðu í morgin, tá head to head liðkappingin verður. Føroyskur bronsudystur Í recurve hjá monnum vóru ikki færri enn 128 luttakarar. Teirra millum Absalon Han­ sen og Hans Petur Højgaard, sum endaðu við at spæla bronsudyst hvør móti øðrum. Her dróg Absalon longra stráið, og vann brons­ una. Men sum hann sjálvur tók til eftir dystin, so var tað týdningarmesta, at heið­ ursmerki kom til Føroya, og ikki hvør fekk tað. Skutu nýtt met til Føroyar Fimm føroyingar skutu um heiðursmerki, og fýra teirra fingu eitt, tá head to head kappingin var í gjár Mynd: Álvur Haraldsen Fakta: Head to head competion: Sigrid Vang, gull Jógvan Niclasen, gull Annika Vang, silvur Absalon Hansen, bronsa Tillukku til Juttu Á heimasíðuni fyri oyggjaleikir er eitt yvirlit, har føðingardagarnir hjá einstøku íðkarunum eru at finna. Á siðuni er soleiðis eisini eitt yvirlit yvir, hvør hevur føðingardag fyri hvønn dagin. Og í dag kunnu vit so ynskja Juttu Thomsen tillukku, nú hon verður 17 ár. Um talan so verður um eins gyltan føðingardag, sum hinir tríggir svimjidagarnir, fáa vit staðfest í kvøld. Símun og teir taptu IA av Akranesi vann 2­1 á Keflavík í íslendsku landskappingini mikukvøldið. Føroyski landsliðsspælarin Símun Samuelsen var við á liðnum hjá Keflavík, men hann fekk einki stig við sær heimaftur. IA legði seg á odda 2­0, áðrenn Keflavík minkaði fimm minuttir fyri leiklok. Í sambandi við málið fekk málmaðurin hjá IA reyða kortið fyri at gera seg inn á Símun Samuelsen, men IA fekk sigurin heim hóast tað.