mánadagur 9. juli 2007síða 36

36 Nr. 129 - 9. juli 2007 tíðindi Tað eru ikki mong verulig kampingpláss í Føroyum. Eitt finst í øllum førum á Selatrað, og tað hava fleiri fólk longu fingið eyguni upp fyri. - Hóast vit ikki hava lýst nakað serligt, hava longu fólk úr fleiri londum vitjað her, sigur Jákup Weihe, umsjónar- maður á økinum Ferðavinna Snorri Brend snorri@sosialurin.fo Selatrað: Tað er týsdagur og veðrið er av tí besta. Turrveður er og sólin kagar fram við millumbilum. Á kampingplássinum her á havnarlagnum er lítið virksemi beint nú og eingin fremmandur ella føroyskur kampingbilur at síggja. - Tað var óheppið, at tit koma beint nú. Júst í dag er eingin bilur, men her hava longu verið fólk úr fleiri londum, sigur Jákup. Við í ferðalagnum er borgarstjórin í Sjóvar kommunu, Malena Thom- sen, sum nú fær møguleikan at síggja, hvussu hetta plás- sið á Selatrað er skipað til tess at taka ímóti ferða- fólki. - Selatrað er sera væl- egnað til slíkt virksemi. Bygdin er sera hugnalig og hevur haraftrat sera góðan sólargang, slær hon fast. Meðan vit tosa kemur ein húsbilur koyrandi móti bygdini. Jákup fylgir væl við honum og byrjar so smátt at fyrireika seg at taka ímóti honum. Men gakk, hann koyrdi gjøgnum bygdina, vendi og helt so leiðina suðureftir aft- ur. - Nei, eg má skunda undir at fáa teir at seta skeltið upp, soleiðis at ferðafólkini fáa eyga á okkara kamping- pláss, sigur hann avgjørdur. Bíleggja í góðari tíð Á kampingplássinum á Selatrað er pláss fyri eini 25 bilum og helst enn fleiri. Uppgávan hjá Jákupi er í roynd og veru at umsita hetta nýggjasta kamping- plássið, sum lat upp fyrst í mai mánaði. - Eg eri eitt sindur harmur um, at vit komu so seint í gongd í ár. Næsta ár verður betri, sigur Jákup. Tey hava higartil gjørt eitt sindur við at kunna um hetta einasta veruliga kamp- ingplássið í landinum. Tað er millum annað nevnt á heimasíðuni hjá Sjóvar kommunu, eins og ein grein hevur staðið á heimasíðuni hjá camping.fo. Henda týsdagin vit vóru og vitjaðu á Selatrað, var eingin bilur á plássinum, men Jákup letur kortini ikki illa at undirtøkuni. - Lýsingarnar komu held- ur seint í gongd. Vit komu tí ikki við í ta stóru lýs- ingarkampanjuna fyri ferð- ing í Føroyum. - Og so vita vit jú eisini tað, at útlendingar plan- leggja ferðirnar í góðari tíð – týskarar faktiskt eitt heilt ár frammanundan!, sigur Jákup. Spenna seg út Hóast hesar umstøður hava fólk úr rættiliga nógvum londum longu gist á Selatrað. Her hava verið bæði týskarar, belgiarar og íslendingar - eisini ein hóp- ur av føroyingum. Útlendingarnir koma í flestu førum í teimum sonevndu húsbilunum, meðan føroyingarnir í størst- an mun koma higar við kampingvognum sínum. Júst, hvussu og hví tey eru komin higar, veit Jákup ikki at siga. Men, sum hann sigur: - Tað man vera mest- sum av tilvild! Onkur teirra hevði spurt seg fyri um møguleikarnar fyri at gista á einum kamp- ingplássi í Føroyum, meðan onkur annar bara var farin ein koyritúr og var soleiðis endaður á hesum vakra stað- num burtur frá alfaravegi. Bæði Malena og Jákup eru sannførd um, at hetta kampingplássið er komið fyri at verða. Hetta summarið verður at meta sum eitt royndarár. Men komandi ár er ætlanin at spenna seg rættiliga út! Hava alt Tá føroyingar koyra uttan- lands, verður javnan vitjað inn á tey mongu camping- plássini á vegnum. Hvat hevur hetta kampingplássið á Selatrað at bjóða teimum vitjandi? - Vit hava snøgt sagt alt!, slær Jákup fast. Her finst bæði streym- veiting, vatn og møguleika at tøma bæði spillivatn og rottanga á vognunum. Um- framt hetta finst ein vognur við toilettum og brúsu. - Ja, hann sær kanska ikki so stórur út við fyrsta eygna- brá, men hann er sera rúm- ligur, tá ein fyrst kemur inn í hann, greiðir hann frá. Umframt hetta er møgu- leiki at leiga eina smáttu, sum somuleiðis liggur her á kampingplássinum. Orð Snorri Brend Myndir Høgni Thomsen Strendur Sól, fjøra og kamping - Vit vóru heldur seint at lýsa við kampingplássinum. Men fólk hava kortini funnið leiðina higar, sigur Jákup Weihe, umsjónarmaður Mynd: Høgni Thomsen ” Vit vita jú eisini tað, at útlendingar planleggja ferðirnar í góðari tíð – týskarar faktiskt eitt heilt ár frammanundan ” Selatrað er sera vælegnað til slíkt virksemi. Bygdin er sera hugnalig og hevur haraftrat sera góðan sólargang