mikudagur 18. juli 2007síða 9

9 tíðindi Nr. 136 - 18. juli 2007 Ein arkitektur heldur tað vera fínt at fáa eitt orðaskifti um bygging í Føroyum, men staðfestir, at onki bygningsverk livir upp til eitt undurverk. Orsøkin er, at føroyskir politikarar ongantíð hava havt nakrar ambitiónir um at skapa stórverk í føroyskari bygging. Og tað hevur ongan­ tíð verið verri enn júst nú Bygging Kári Mikkelsen karim@sosialurin.fo Kendi føroyski arktitekturin, Albert Isfeld, heldur tað vera fínt, at Kringvarpið skipar fyri eini kapping um tey bestu føroysku bygn­ ingsverkini, tí hetta kann um ikki annað skapa eitt orðaskifti um spurningin. Trupulleikin er bert, at vit ikki hava nakað bygnings­ verk í Føroyum, sum livir upp til heitið »undurverk«. Tíansheldur koma upp á heili sjey av slagnum, heldur hann. ­ Hvørki landspolitikarar ella lokalpolitikarar tykjast hava nakran sum helst áhuga fyri at skapa nakað, sum líkist nøkrum undur­ verki. Og tað hevur ongantíð verið verri enn júst nú, sig­ ur Albert Isfeld. Her vísir hann á løgtings­ húsið sum dømi, har politik­ ararnir høvdu møguleika fyri at leggja støðið undir eitt flott bygningsverk. Ístaðin valdu teir at varð­ veita eitt »høsnarhús«, sum hann kallar verandi løgtings­ hús, ið ger, at alt kompleksið líkist eini lappaloysn. Albert Isfeld undirstrikar, at onki er galið við tí arbeið­ num, sum arkitekturin aftan fyri løgtingshúsið hevur gjørt, men at rammurnar ikki vóru til staðar fyri at fáa nakað líkinda burturúr. At vit ikki hava ráð at gera íløgur í vala bygningar, gevur Albert Isfeld heldur ikki nógv fyri. ­ Við einum fingraknipsi byggja tunlar fyri eina hálva milliard og meiri, sum liggja undir jørð, so hatta við at vit ikki hava ráð, er nakað tvætl. Samfelagið hevur ongantíð verið ríkari enn nú, men hoyrir tú nakran politikara tosa um at byggja okkurt, sum bæði vit og eftirtíðin fær gleði av? Nei, hvørki í løgtingi­ num ella í býráðnum í Havn, har pengarnir eru, eru ambitiónir um nakað sum helst, staðfestir Albert Isfeld. Trý verk í nánd Tá Sosialurin spyr bersøgna arkitektin, hvat kemur nærmast einum føroyskum undurverki skapt av manna­ hondum, nevnir hann trý. Tey eru Kirkjubømúrurin, Norðurlandshúsið og Christ­ ianskirkjan. ­ Nú eru ymsar meiningar um, hvørt Kirkjubømúrurin nakrantíð gjørdist liðugur, men familjan ígjøgnum 17 ættarlið hevur funnið slutt­ steinin, so nógv týðir uppá, at so var. Í øllum førum varð lagt støðið undir at gera nakað stórt har við got­ iska byggistílinum. Og sjálvt um Norðurlandahúsið og Christianskirkjan eru valaverk, so haldi eg ikki, vit kunnu siga, at hesi liva upp til heitið undurverk, sigur Albert Isfeld. Hann er væl greiður yvir, at vit eiga at síggja kapp­ ingina út frá einum føroysk­ um mátistokki, men sjálvt út frá tí ber ikki til at finna nakað, ið livir upp til hetta. ­ Sjálvandi høvdu vit ongantíð kunnað brúkt egyptisku pyramidurnar sum mátistokk, men kortini haldi eg ikki, at vit á nakran hátt liva upp til tað, vit kundu megna, um viljin var til staðar. Ístaðin byggja vit eitt høsnarhús fyri og annað eftir, sigur Albert Isfeld. ­ Vit hava pengarnar nú og áttu tí at brúk teir til at skapa varandi virði. Altartalvan í Vestmanna Kirkju Amtmannsborgin í Havn Antennan á Loranstøðini á Eiði Apotekið úti í Klaksvík Bátahylurin í Húsavík Bólið hjá teimum Sunnaru í Sandavági Brimgarðurin á Fiskaeiðinum í Hvalba Brúgvin um Glyvragjógv Brúgvin um Sandá í Havn Brúgvin um Sundsvegin í Havn Brúgvin út í Mikineshólm Bukkarnir, sum hildu rennistrongin úr Rangabotni og oman á Drelnes Býlingurin Heimi í Húsi í Koltri Byrging í Heygadali Christianskirkjan Diana Victoria (báturin hjá Ova Joensen) í Nólsoy Dómkirkjan Ebenezer í Havn Frammi við Gjónna við Leynavatn Fríðrikskirkjan á Toftum Føroya Tele bygningur Gamla Landsbókasavnið Gamla Rætt Gamli býlingurin í Norðagøtu Gamli einahandilin úti í Klaksvík Gamli Kommunuskúlin í Havn Grótgarðarnir í Gásadali Gróthústangi í Vágum Grótlagingin í Hesi Grundin á Roykstovuni í Klaksvík Gøtan í Mykinieshólm Havið við Norðurlandahúsið Heiðursportrið í Nólsoy Hillabøurin í Vík Hvalaportur í Sigmundargøtu í Havn Hvalbiar tunnilin Í Hoygarðum í Leynum Kálvalíð í Miðvági Keldan í Skálabotni Kgl. handilinT.F. Thomsen og fiskaplássið Kioskin á Vaglinum í Havn Kirkjan á Eiði Kirkjan á Sandi Kirkjan í Gøtu Kirkjan í Saksun Kirkjan í Vík Kirkjubøar Kirkja Kirkjubømúrurin Kirkjubøstólarnir Kollafjarða Kirkja Kongavarðarnir á Kirkjubøreyni Látralonin á Eiði Listasavn Føroya Listasavnið á Sandi Mariukirkjan í Havn Mentanarhúsið í Fuglafirði Merkið í Fámijins Kirkju Mikkjal á Ryggi risti ørindi í hendan stein í Miðvági Minnisvarðin á Syðradali, Kallsoy Minnisvarðin í Porkeri Minnisvarðin í Rituvík Minnisvarðin í Viðarlundini í Havn Minnisvarðin við Gjógv Minnisvarðin við Gjógv Myllan Niðri í Húsi í Hattarvík Müllers Pakkhús í Havn Nes Kirkja Neystini í Húsavík Nólsoyar Viti Norðoyar Sparikassi í Klaksvík Norðoyartunnilin Norðurlandahúsið Norrøna Ónagerði á Viðarreiði Porkeris Kirkja Porkeris Skúli Radarstøðin á Sornfelli Rúnasteinurin í Sandavági Rundkoyring og standmynd í Klaksvík Rætt Kálvs Lítla Rættin á Kirkjubøreyni Saltsilo á Drelnesi Sandavágs Kirkja Skansin Skúlaskipið Dragin Sluppin Johanna Sluppin Norðlýsið SMS í Havn Smyril Stabbagrótlaðing við havnalagið á Tvøroyri Standmyndir í Fuglafirði Stjørnuhúsini ovasta á Dalavegnum í Havn Stokkastovan Stórigarður kring Havnina Summarhús á eggini í Mikadali Svangaskarð Tarira standmyndin Tinganes Trappan inni á Christiansborg Trappurnar til lendinginga í Gásadali Trøðin hjá Arnhold West í Hvalba Túnið hjá Húsfrúnni í Húsavík Tunnilin millum Mittvatn og Ryskivatn Tvøroyra Kirkja Urtagarðurin á Langtrøðni í Miðvági Úti í Grøv í Klaksvík V. U. Hammerhaimbs­minnisvarðin í Sandavági Vágasnellan Vágatunnilin Vágs kirkja Vatnorkuverkið í Botni Vesturkirkjan Viðarlundin í Havn Viðarlundin í Kunoy Vitin á Stong í Nólsoy Zarepta í Vatnsoyrum kelda: kringvarp.fo Langt til undurverk 116 uppskot til undurverk Sjálvt um talan er um stórfingna bygging, eru hvørki Múrurin í Kirkjubø, Christianskirkjan í Klaksvík og Norðurlandahúsið í Havn nøkur undurverk, heldur Albert Isfeld, arkitektur Savsmyndir Albert Isfeld, arkitektur, heldur lítið um føroysku politikararnar, tá tað snýr seg um bygging. Har eru rætt og slætt ongar ambitiónir Mynd: Álvur Haraldsen