mikudagur 18. juli 2007síða 8

8 tíðindi Nr. 136 - 18. juli 2007 Eivör við nýggjari útgávu Í dag kemur nýggja fløgan hjá Eivör, Mannabarn út. Mannabarn hevur verið í ger í meiri enn tvey ár. Tónleikararnir, ið spæla á fløguni, eru nakrir av bestu tónleikarunum í Írlandi, har fløgan eisini er tikin upp. Til at produsera hevur Eivör fingið Donal Lunny, ið fyrr hevur arbeitt við kendum nøvnum sum Sinéad O’Connor og Rod Stewart. Útgávan kemur út bæði á føroyskum, Mannabarn, og á enskum, Human Child, har tað einans er teksturin á muni. Ummæli av fløguni verður í blaðnum í morgin. Alsamt fleiri føroy­ ingar royna at fáa sær hendur á ólóg­ ligum heilivági umvegis internetið. Landsapotekarin ávarar ímóti, at hesin heilivágur í ringasta føri kann verða bein­ leiðis vandamikil Heilivágur Anna V. Ellingsgaard anna@sosialurin.fo Viagra, steroidir, klænki­ evni, pínutablettir. Hetta eru bara nøkur av teimum evnum í pakkum, sum tey á Postdeildini hjá Toll og Skatt í Havn javnan fáa hendur á. Slíkar bíleggingar eru ikki bara ólóligar. Tá ongin trygd er fyri, at heili­ vágurin lýkur neyðugu krøv­ ini, kann hann vera bein­ leiðis skaðiligur at brúka, ávarar landsapotekarin. Alt millum himmal og jørð Í gjárkvøldið visti DR at siga, at ólógligur heilivágur mest sum floymir inn yvir landið í Danmark. Í send­ ingini varð víst á, at stórur partur av hesum heilivági varð bílagdur umvegis inter­ netið. Nú bendir alt á, at eisini føroyingar gera sær dælt av hesum ólógliga handli. ­ Tað er rættiliga týðiligt, at hesin trupulleikin er íkomin og vaksin við økta internethandlinum, sigur Herman í Stórustovu, deild­ arleiðari á Postdeildini hjá Toll og Skatt. Meðan tað fyrr mest var brennivín, tey á Postdeildini hildu eyga við, er nú oftast smærri pakkar, sum vekja illgruna. ­ Vit eru jú ikki serfrøð­ ingar, so tá vit fáa pakkar við illgrunasomum heili­ vági, seta vit okkum í sam­ band við landsapotekarin, sigur Herman í Stórustovu. Og landsapotekarin, Heri Mørkøre, váttar, at tað koma alsamt fleiri fyrispurn­ ingar frá Postdeildini um tey ymsu sløgini av heili­ vági, føroyingar royna at innflyta. ­ Vit síggja alt millum himmal og jørð, líka frá løg­ num potensfremjandi evn­ um til eitt nú Letigen og Helsingørklænkibollar, ið langt síðani er bannað at selja, sigur Heri Mørkøre. Fólk blíva ill So leingi talan ikki er um rúsevni, verður politiið ikki blandað inn í hesi mál. Tá er mannagongdin í staðin, at móttakarin fær boð um, at pakkin ikki verður út­ flýggjaður, tí sendanin er ólólig. ­ Fólk blíva ofta ill og skilja ikki, hvør trupulleikin er, tá tey fáa eina slíka frá­ boðan, sigur Heri Mørkøre, og leggur afturat, at hetta bara vísir, hvussu óvitandi nógv eru á hesum øki. Alsamt fleiri fólk duga sera væl at leita á interneti­ num og skaffa sær upp­ lýsingar um, hvørji sløg av heiligvági finnast. Men nógv eru als ikki greið yvir, hvørjar reglur eru galdandi á hesum økinum, staðfestir Heri Mørkøre. Hann vísir á, at Apoteks­ verk Føroya er einasti mynd­ ugleiki, sum hevur loyvi til at innflyta heilivág. Harum­ framt eru tað heilt greiðar reglur fyri, hvat er at meta sum heilivágur, og hvørjar treytir hann skal lúka. ­ Bíleggur tú heilivág umvegis internetið, fært tú ikki tryggja tær, at hann lýkur neyðugu krøvini. Og tað er skjótt at verða snýttur, tí nógvir framleiðarar duga serstakliga væl at fáa inn­ pakningin at síggja ektaðan út. Í besta føri er okkurt av hesum púra nyttuleyst. Í ringasta føri kann hesin “heilivágur” gera meir skaða enn gagn, sigur lands­ apotekarin. Neyðugt eftirlit Landsapotekarin fegnast tó um, at eftirlitið í Føroyum við hesum handli er mun­ andi betri enn i EU londum, har vørur hava frítt at fara um landamørk. Og hann mælir ikki til, at eftirlitið í Føroyum verður gjørt linari, sum talan annars hevur ver­ ið um. ­ Sum sagt, so fáa vit ótrú­ liga nógar fyrispurningar frá Postdeildini hjá Toll og Skatt um pakkar við ill­ grunasomum heilivági. Tað vísir í verki, at hetta eftir­ litið virkar og hevur eina stóra uppgávu, staðfestir, Heri Mørkøre, landapotek­ ari. Føroyingar fylla seg við ólógligum heilivági - Keypir tú heilivág umvegis internetið, hevur tú onga trygd fyri, at hann inniheldur tað, hann skal, ávarar, Heri Mørkøre, landapotekari