fríggjadagur 20. juli 2007síða 5

Nr. 138 - 20. juli 2007 5 Av tí at virksemið hjá Sansum er økt nógv, søkja vit ein dugnaligan ráðgeva. Tú verður høvuðsráðgevi hjá nøkrum av okkara størstu kundum. Saman við kundunum og okkara dugnaligu starvsfólkum kemur tú at standa fyri nøkrum av størstu kampanjunum í Føroyum. Tað verður eisini tín ábyrgd at tryggja, at samskiftið, vit skapa fyri okkara kundar, er gott og tekur støði í mentanini og samleikanum hjá kundunum. Vit kundu hugsað okkum, at tú hevur hóskandi útbúgving, eitt nú eina kandidatútbúgving innan marknaðarføring ella samskifti. Tú hevur lætt við at samskifta við fólk, tú dugir væl at hugsa í heildarloysnum, hevur gott eyga fyri visuellum samskifti og natúrlig evnir fyri handli. Sansir eru ein framfýsin samskiftisfyritøka við 33 starvsfólkum í fýra ymiskum londum. Vit skapa kunningar- og marknaðarføringsloysnir í tøttum samstarvi við okkara kundar. Førleika- og útbúgvingarstøðið hjá fólkunum á Sansum er høgt og spennir víða. Grundarlag okkara fyri støðugari menning og framburði er persónligt rásarúm, virðing fyri fjølbroyttum hugsunarhátti og stuðul til persónliga menning hjá okkara starvsfólkum. Heldur tú, at hetta ljóðar spennandi, so eigur tú at søkja starvið. Vónandi verður tað tú, sum vilt skapa framtíðina hjá Sansum saman við okkum. Sjálvandi fært tú eina góða løn. Umsóknir til starvið skulu vera okkum í hendi í seinasta lagi 14. august klokkan 16. Umsóknir skulu sendast við telduposti til Lenu L. Mohr á lena@sansir.fo ella Høgna Rasmussen á hognir@sansir.fo. Vinarliga viðmerk títt fartelefonnummar. Starvið verður sett skjótast gjørligt. Vilt tú vita meira um starvið, kanst tú ringja til Lenu L. Mohr á tel 218370 ella Høgna Rasmussen á tel 220401. Vinarliga ring millum 15.00 og 18.00. Tú kanst eisini senda fyrispurningar við telduposti til Lenu ella Høgna. www.sansir.fo Sansir søkja ráðgeva Pf. Sansir Dvørgastígur 7 Postmoga 1099 FO-110 Tórshavn Mest hypaði føroyski bólkurin í løtuni slapp at spæla við teimum stóru dreingjunum á Sandinum G! Petur Háberg petur@sosialurin.fo Boysarnir høvdu fingið litið upp í hendi at framføra á stóra pallinum niðri við sandin. Og hetta megnaðu teir til fulnar. Skína av spæligleði Hóast talan ikki var um mest neyvu framførsluna, so vóru dreingirnir ein frøi at hoyra og síggja. Tað er torført ikki at smílast, tá ið tú sært spæligleð­ ina og yvirskotið, sum skínur av Boys in a Band, meðan teir varpa út orku­ miklar tónar. Torført er at finna ein betri front­ figur enn Pætur Zachariassen. Hann dugdi væl at tosa við fólkið og var samstundis eisini sera stuttligur. Mill­ um annað hótti hann við, at um ikki varð gjørt, sum hann segði, so fór veðrið ikki at verða gott dagin eftir. Tað sær út til, at boysarnir hava fingið ein umfatandi fjepparaskara, tí allatíðina var lív í framman fyri pallin. Boys on a beach Pætur Zachariassen er ein frálíkur frontfigurur