týsdagur 24. juli 2007síða 13

Nr. 140 - 24. juli 2007 13 viðmerkingar Hugleiðing Dánial Hoydal H óast G! fyrst og fremst er tónleikur, er tað eisini so sera nógv annað. Serliga í ár, tí fleiri nýggir, spennandi sølubásar, framsýningar, framførslur, pallar, matsølur og so framvegis løgdust afturat stóru upplivingini, sum G! altíð er. Men G! er eisini at sóla sær í bønum, at fáa sand millum tærnar og turran fisk millum tenninar. Hugnalig húsagongd, heitir hotdogs og hásir hálsar. Stuttligar søgur, sveittandi svingom og svalandi svimjing. Temunn á trappusteininum, tjak í túnunum og trilvan í tjaldinum. Stuttliga knappabúðin hjá Biritu á Mýrini og Gunvør Hofgaard var eitt serliga frískligt innslag. Allastaðni á G! sást tú fólk við stuttligum knappum í oyrunum, sum fingu bros og viðmerkingar við á vegnum, har tey komu. Eisini klædnabúðin hevði eitt natúrligt pláss á einum festivali sum G!, har villar t-shirts og klikkaðir jakkar eru ein partur av outfittinum hjá mongum. Grundin var eisini eitt hitt og eitt absolutt mást til næstu ferð – stak gott hugskot, G! Stuttligt, at slíkt eisini ber til í Føroyum. Somuleiðis deiligt, at matúrvalið var so gott hesaferð, tí hóast gøtufólk eru stak blíð at bjóða inn til ein góðan bita, er G! í tríggjar dagar, og so leingi kunnu tey fæstu liva av pylsum og pitsu. G! er sunt fyri sálina men kann vera hart fyri kroppin, og tá má góður matur til at bera kropsliga templinum, sum er fyri ágangi av hørðum tónum og vantandi svøvni. Og pylsur eru vánaligar tempulsúlur. Jóannes Nielsen skrivaði einaferð, at gummistivlarnir eru einastu tempulsúlur, ið føroyingar eiga. Eg havi hug at leggja festivalarnar afturat, tí teir stuðla veruliga upp undir nógvum góðum tiltøkum í Føroyum hesi árini. Gummistivlunum fingu vit so ikki brúk fyri hesaferð... Jú, fysisku karmarnir á G! vóru í toppi (og tað vóru ikki so fáar av kvinnunum við...). Men ein onnur – og størri – fortreyt fyri at fáa eitt gott G! er tín egna innstilling. Hugin at hava tað stuttligt og fáa tað besta burturúr G!, hann høvdu nógv við mær. Um ikki øll, tí eg sá satt at siga ikki eitt einasta ónøgt andlit á øllum festivalinum. Tjaldingarøkini vóru ein verð fyri seg. Har var ein subkulturur, sum helst er uttan samanbering í føroyskari søgu. Ótrúliga stuttligt, men tað er ikki so heppið, at fólk sótu har so nógv heldur enn at fara á konsert. Til summar framførslur var ógvuliga tunnligt á sandinum. Men tað er helst ilt at gera nakað við hjá fyrireikarunum, tí at royna onkursvegna at forpurra møguleikunum hjá fólki at hava tað stuttligt á tjaldleguni er avgjørt ikki ráðiligt. Sum sagt er G! so øgiliga nógv annað enn tónleikur, so um fólk vilja sita uttanfyri eitt tjald heldur enn at hoyra tónleik, so tey um tað. Men puha, eitt órudd á tjaldingarplássinum aftaná. Likkurnar válkaðu sær í svansi, sum fólk bara høvdu tveitt frá sær. Tær høvdu sítt egna afterparty á G! Minti mest um eitt ruskpláss í onkrum fátækrabýlingi í 3. heiminum. Neyðars gøtufólk, sum skulu sópa alt upp. Skamm fái tjaldararnir, sum hóast harða høvuðpínu og linlig lør áttu at verið so mikið at sær komin, at tey tóku upp eftir sær. Sjálvt um hetta var seinasta myndina av G!, tá vit koyrdu heim, er tað tó ikki hon, ið hevur rist seg í minnið. Tað er hinvegin harmoniska heildarmyndin av einum stak væl eydnaðum fest(l)i(g)vali. AvG!jørt G!ott G! G!leði meG! lonG!u til 2008... Nær verður Sandoy ella Sandoyarsýsla nokk for- fylgd av tildømis Lands- verk. Hoyrdi í Kringvarpinum í kvøld at Landsverk hevði eina ætlan í sjúrtuermuni, har Eysturoyartunnilin og Sandoyartunnilin skulu tengjast saman, síðan skal Eysturoyartunnilin gerast og hareftir sandoyartunnil- in sum liðugt projekt í 2017. Hetta er tilráðing frá PLS Rambøll sambart Landsverk. Ber tað til, at Landsverk- stjórin og undirstjórar hansara liggja við sjuldari dagsskrá fyri at einki skal henda í Sandoy? Í míni verð er tað markleysur frekleiki. Jú. Hetta eru viðurskifti, sum fjølmiðlar hava fingið fram úr tí skumla arkivi- num, harmuligt og skomm fyri stovnarnar. Nei Sandoy kann ikki bíða til ein Eysturoyar- tunnil er liðugur, hesi prosjektini hava einki við hvørt annað at gera. Flest allir tingmenn góvu Eysturoyartunnlinum góða viðger, og har var eg sjálvur ein av teimum. Men hetta trekkið hjá Landsverki er bara at seta tingmenn ímóti hvørjum øðrum. Eg havi fleiri dømi, har Landsverk provokerar, til dømis í Dali at leggja eina tunnilsføring uttan mál og mið fyri at provokera í staðin fyri stytstu leið, sum kostar einar 50 mió minni. Ella Skúvoy, peningur er játtaður at byrja prosjekt, men einki hendir. Hetta kann eg vísa á sum grovan ágang fyri eitt veikt øki sum Sandoyar sýslu. Nei latið okkum frá samgonguflokkunum svara positivt innan 11. august og síðani beinanveg í tingið, og mín og vón Sandoyar, at hetta verður samtykt. Tunnilin til Sandoy er lív ella deyð fyri oynna! Sjálvur haldi eg, at vit eru so nógv provokerað av Landsverki, at eg hevði einki havt ímóti, at Oyvindur Brimnes fekk 5 minuttir og har við sekkin, sum tikið verður til. Men Sosialurin skrivar eisini, at Landsverk heldur at hesir báðir tunnlar kunna teingjast saman og byrja samstundis! Hetta ivist eg stórliga í, men meiningin er bara ein og einki annað enn at forða prosjektinum til Sandoynna og seta fólk upp ímóti hvørjum øðrum og har við ósemja millum tingfólk, úrslitið verður hareftir. Oyvindur Brimnes eigur at fáa sekkin, einki minni Gø, góðgæti og gøtusóping løgtingsmaður, Skopun Gerhard LoGnberG Mynd: Jan Müller