mánadagur 30. juli 2007síða 22

22 Nr. 144 - 30. juli 2007 Einki óvæntað úrslit kom í teimum sjey FM-róðrunum á ólavsøku, og tí kundu allir FM-vinnararnir eisini rópa seg ólavsøkuvinnarar, tá síðsti kappróðurin á árinum var komin at enda KAPPRÓÐUR Teitur Joensen teitur@sosialurin.fo Spenningurin hevur ikki altíð verið so stórur í kapp­ róðrarárinum, sum júst er komið at enda. Undan ólav­ søkuróðrinum vóru flestu føroyameistararnir funnir, og tí vóru helst nógv sum hugsaðu, at her var einki at koma at hyggja eftir. Soleiðis er tó ikki við ólavsøkuróðrinum, tí har kann alt nevniliga henda. Hetta er síðsti møguleikin hjá øllum manningunum at vísa, hvør dugur er í teim­ um, og tí verður nógv lagt fyri hjá øllum manningum. Ólavsøkuróðurin í ár lagaði seg tó soleiðis, at allir FM­vinnararnir eisini megn­ aðu at vinna á ólavsøku, men spenningurin var tó stórur í fleiri av róðrunum. Hvassi kom undan hóttanini 5­mannafør við gentum løgdu fyri í ólavsøku kapp­ róðrinum, men tað tóktist heldur tungt hjá meistarun­ um umborð á Hvassa fyrsta partin av málinum. Tað var nevniliga Drekin, sum fekk bestu byrjanina, og kapping­ in um fyrsta plássi var ser­ liga hørð við Tambar. Tá bátarnir komu inn um molan, kom gongd á Hvassa. Fyrst tóku bæði Hvassi og Tambar Drekan, og í enda­ spurtin vístu tær á Hvassa, hví tær eru verdugir meistar­ ar. Tær fóru nevniliga eisini fram við Tambar, og so vunnu tær bæði ólavsøkuna og meistaraheitið í ár. Jarnbardur aftur ovast Í næsta róðrinum settu kvinn­ urnar umborð á Jarnbardi trivaligt punktum fyri róðrar­ árinum. Tær vunnu enn ein tryggan sigur á ólavsøku, og tí megnaðu tær sum fyrsta manningin í ár at vinna allar sínar róðrar. Á ólavsøku var eingin spenningur í róðrinum hjá 6­mannaførum við kvinn­ um, tí Jarnbardur var enn einaferð langt fremst. Úrslitini fyrr í ár og frá róðr­ inum á ólavsøku staðfesta, at eingin sum helst spenn­ ingur hevur verið í kapping­ ini hjá 6­mannaførum við kvinnum. Sílið setti trumf á Eftir sannførandi sigurin hjá Jarnbardi var tíðin komin til 5­mannaførini hjá kvinnum. Undan ólavsøkuróðrinum var munurin frá Sílinum og aftur til Ørnina 7 stig, og tí var meistaraheitið í roynd og veru avgjørt. Sílið megnaði tó at fara avstað við øllum, tá tær settu trumf á á ólavsøku. Sílið fekk góðan start, og síðani stýrdu tær róðrinum allan vegin á mál. Ørnin royndi nakrar ferðir at bjóða av, men har var einki at gera, tí henda dagin var Sílið bara sterkari. Í enda­ spurtinum lótu tær heldur ongan iva vera um úrslitið. Sundabáturin tók alt gullið Sundabáturin sveik ikki trú­ føstu stuðlarnar, sum alt summar hava ferðast saman við 6­mannafarinum úr Norðdepli og Hvannasundi. Sundabáturin vann nevni­ liga á Ólavsøku og legði harvið henda sigurin afturat FM sigrinum, sum teir longu frammanundan høvdu tryggjað sær. Jarnbardur legði seg annars beinanvegin á odda. Fyrsta teinin framvið mol­ anum fylgdust Jarnbardur og Sundabáturin stavn um stavn, men so glapp. Sunda­ báturin legði seg á odda, og í endaspurtinum var tað bara ein spurningur um, hvussu dyggur sigurin hjá meistarunum fór at verða. Kappingin um annað plássið gjørdist sera spenn­ andi, men her megnaði Knørrur at halda tørn, meðan Strálan mátti taka til takkar við triðja plássinum. Gull til Vestmanna Einasti kappingin, sum ikki var endaliga avgjørd undan ólavsøkuni, var kappingin hjá 5­mannaførum við dreingjum, men har skuldi Havfrúgvin bert hava tvey stig fyri at tryggja sær FM. Tað var tó Sílið, sum fekk besta startin, og teir megn­ aðu at halda Havfrúnni aft­ an fyri seg at kalla allan vegin. Eitt skifti var ein bátslongd á muni, og tá bát­ arnir fóru undir endaspurtin, var Sílið enn á odda, men so glapp. Í endaspurtinum vístu dreingirnir umborð á Hav­ frúnni sera góðan vilja, og á málinum vóru teir bert skutin framman fyri Sílið, sum sostatt mátti taka til takkar við silvurkrúnunum í bæði FM og á ólavsøkuni, meðan Havfrúgvin vann gull í báðum. Heiðabáturin er fantastiskur Kappróðrarfelagið NSÍ er á mannfólka síðuni einaráð­ andi í størru bátunum. Heiðabáturin hevði undan ólavsøkuróðrinum vunnið allar róðrarnar í stórum stíli, hóast teir ikki hvørja ferð hava verið fremstir beinanvegin. Í dag var tað eisini Argja­ báturin, sum fekk bestu byrjanina, men tað gekk ikki long tíð, fyrrenn Heiða­ báturin fór fram við teim­ um, og so hugdu teir ongan­ tíð aftur um bak. Teir bara øktu um leiðsluna niður til bæði Argjabátin og Árn­ firðing, og at enda vunnu teir ein trivaligan sigur. Við sigrinum tryggjaðu teir sær bæði sigur í FM­kappingini og í ólavsøkuróðrinum. Mynstra av við nógvum gulli Enn eitt framúr avrik hjá Eysturoyingi setti punktum fyri ólavsøku kappróðurin og harvið róðrarárið 2007. Undan ólavsøku høvdu fleiri av royndu rógvarunum umborð á Eysturoyingi latið skilt, at teir ikki fara at halda fram, og í dag góvu teir sær sjálvum góða avmynstringar gávu. Umframt FM gull og steyp hava teir vunnið gull og steyp á Ólavsøku. Eysturoyingur var fremst­ ur beinanvegin. Vestmenn­ ingur, sum alt summar trú­ fast hevur roynt at elt gula bátin, var aftur hesa ferð næstbestur. Eina løtu tóktist tað sum um, at munurin skuldi gerast meiri enn ein bátslongd, men Vestmenn­ ingur vildi ikki sleppa, og á málinum var munurin ein stór hálv bátslongd. Havnarbáturin var eisini við í róðrinum, men teir endaðu langt aftan fyri bæði Eysturoying og Vest­ menning. FM-vinnarar vunnu eisini á ólavsøku SAMBAND jákup Mørk jAkup@SoSiAluriN.fo tlf. 341800 ítróttur Heiðabáturin hevur verið púrasta einaráðandi hjá áttamannaførunum. Og eisini á ólavsøku vann guli báturin sín róður Mynd: Álvur Haraldsen