týsdagur 31. juli 2007síða 7

7 tíðindi Nr. 145 - 31. juli 2007 Bygdaleiðir nýtt steðgistað Í sambandi við Summar Festivalin steðga allar leiðir hjá Bygdaleiðum í Klaksvík við bátabrúgvarnar. Vanliga koyra bussarnir hjá Bygdaleiðum til og frá Sandinum, men hetta økið verður brúkt í sambandi við Summar Festivalin, og tí koyra bussarnir hjá Bygdaleiðum ikki á Sandin næstu dagarnar. Ístaðin verður nýggja steðgiplássið hjá bussunum við Bátabrúgvarnar – millum gomlu Bilstøðina og Statoilstøðina. Eisini steðga bussarnir á Skúlavegi. Broytingin er galdandi frá týsdegnum 31. juli til 8. august. Armbondini fáast nú Nú er tíðin komin til at skifta atgongumerki til Summar Festivalin um við eitt armband, ið allir festivalgestir skulu hava á arminum. Hetta armband kann nú fáast upp á armin í Telebúðini í Klaksvík og í Telebúðini í Havn. Í Telebúðini í Havn verður hetta markerað við live tónleiki. Týsdagin og mikudagin millum kl. 15.00 og 17.00 kunnu armbondini fáast, og tá ber eisini til at fáa eina smakkiroynd av tónleiki frá Summar Festivalinum. Týsdagin spælir Brandur Enni, og mikudagin verður Jens Marni Hansen at hoyra. Í Telebúðini í Klaksvík ber til at støkka inn á gólvið í vanligu upplatingartíðini og fáa armbandið uppá. Spurningurin um eitt ella fleiri valdømi er ov lítil at senda út til fólkaatkvøðu. Hetta sigur stjórnmála­ frøðingurin Sonja Jógvansdóttir, ið vísir á, at politikararnir eru valdir bæði at taka populerar og ópopulerar avgerðir VALSKIPAN Theodor E. D. Olsen theodor@sosialurin.fo - Næstu ferð vit skulu hava fólkaatkvøðu, eigur hon at verða um grundlóg, fullveldi ella ES. Hetta sigur stjórnmála- frøðingurin Sonja Jógvans- dóttir, sum ikki tekur undir við uppskotinum hjá løg- manni um at hava fólka- atkvøðu, um Føroyar skulu verða eitt valdømi. - Hetta er fyri at politikar- arnir skulu sleppa at spæla fríspæl og ein lættur máti at sleppa undan politiskum tvídrátti, sigur Sonja Jógv- ansdóttir. Hon heldur at hetta er ein máti at sleppa frá at taka ábyrgd, og vísir á, at vit velja okkara politik- arar at taka bæði populerar og ópopulerar avgerðir, og at tey fólkavaldu fáa løn fyri hetta. Tekniskur spurningur - Makta tey ikki hetta, eiga tey heldur helda seg burtur, sigur Sonja Jógvansdóttir, sum hevur tað sjónarmið, at vit ikki eiga at hava fólkaatkvøður »í fleng«, sum hon málber seg. Eitt nú í Sveis er vanligt at hava fólkaatkvøður. Sonja Jógvansdóttir við- gongur, at hon ikki kennir nágreiniliga til viðurskiftini í Sveis, men vísir á, at vanliga møta ikki so nógv fólk til hesar atkvøður. Stjórnmálafrøðingurin metir, at tað kann tykjast bráðræsið at taka eina slíka avgerð í oktober ella novem- ber, og síðan nýta hetta í verki í januar. Hinvegin kunnu broytingar ofta skjótt fáast at virka í smáum økjum sum t.d. Føroyum og Íslandi. Sonja Jógvansdóttir held- ur, at málið um nýggja val- skipan er heldur ein teknisk- ur enn kensluligur spurning- ur, og tí himprast hon ikki við at siga, at hon vónar ikki uppskotið hjá løgmanni er úrslit av ráðgeving frá embætisfólkum í Tinga- nesi. - Eg hopi ikki at hetta er tann embætisliga ráðgeving- in í Tinganesi, sigur Sonja Jógvansdóttir. - Fólkaatkvøða er at renna undan ábyrgd Næsta fólkaatkvøðan eigur at verða um grundlóg, fullveldi ella ES, sigur Sonja Jógvansdóttir, stjórnmálafrøðingur Jenis av Rana, for­ maður Miðfloksins, var ikki bergtikin av ólavsøkurøðu løgmans. Kortini fegnast hann um, at heili tvey uppskot hjá Miðflokkinum, sum áður hava verið feld í tinginum, nú kortini tykjast verða veruleiki ÓLAVSøKurøðAN Rigmor Dam rigmor@sosialurin.fo Mynd: Jens Kr. Vang Jenis av Rana, formaður Miðfloksins, undrast á, at løgmaður ikki tosaði meira um framtíðina, nú hann hev- ur fingið eitt heilt idekatalog í Visjón 2015. - Eg hevði væntað mær nógv fleiri visjónir um fram- tíðina, men her vóru næstan bara føgur orð um tað, sum farið er, sigur Jenis av Rana. Kortini sigur hann seg fegnast um, at løgmaður nú hevur ætlanir um at senda spurningin um Føroyar sum eitt valdømi út til fólkaatkvøðu. - Sum tey flestu helst vita, so er hetta eitt mál, sum eg taki undir við, og sum eg vóni at kann koma í gildi longu til komandi valg, sigur hann. Jenis av Rana beit eisini merki í, at tvey uppskot hjá Miðflokkinum, sum tingið áður hevur felt, nú aftur vórðu tikin fram. - Tað eru longu tvey ár síðani, at vit skutu upp at broyta viðurskiftini hjá teimum tímaløntu viðvíkj- andi sjúkradøgum hjá børn- um. So nú er bert eftir at vóna, at hetta gerst veruleiki sum skjótast, tí her eru tey tímaløntu fyri stórum mis- muni, í mun til onnur á arbeiðsmarknaðinum, sigur Jenis av Rana. Løgmaður segði eisini í røðu sínari, at samgongan fer at leggja uppskot fram um yvirtøku av útlendinga- málinum. - Hetta er eisini eitt mál, sum vit í Miðflokkinum løgdu fram fyri einum ári síðani. Men tá var tað felt við teirri grundgeving, at arbeitt verður við málinum. Tað er púra greitt, at tað ber als ikki til at donsk embæt- isfólk skulu avgera okkara útlendingapolitikk, sigur Jensi av Rana. Av øðrum, sum formaður Miðfloksins legði til merk- is, kann nevnast, at hann enn undrast á, at samgongan ikki fær skúlalæknaskipan- ina at virka, umframt at hann stórliga ivast í um lovaði bústaðarpakkin hjá landsstýrinum verður veru- leiki í hesum valskeiðinum. Tom røða Jenis av Rana, formaður Miðfloksins, kundi hugsað sær fleiri framtíðarvisjónir ólavsøkurøðuni Edmund Joensen, løgtingsformaður, ímyndar sær, at uppskotini um eitt valdømi og fólka­ atkvøðu kunnu við­ gerast undir einum longu í heyst VALSKIPAN Rigmor Dam rigmor@sosialurin.fo Mynd: Jens Kr. Vang Í røðu sínari á ólavsøku boðaði løgmaður frá, at upp- skotið um Føroyar sum eitt valdømi, eigur at verða lagt út til fólkaatkvøðu. Edmund Joensen, løg- tingsformaður, sum hevur tikið stig til at leggja upp- skotið fyri tingið í heyst, vísir als ikki aftur, at lata málið út til fólkið at gera av. - Eg ætli mær undir øll- um umstøðum at leggja upp- skotið um eitt valdømi fyri tingið sum ætlað, men ímyndi mær, at tað hevði verið lagamanni at saman- tvinna framløguna og við- gerðina við eitt uppskot um fólkaatkvøðu, sigur Ed- mund Joensen. Hann metir, at so vórðu málini lýst væl og virðiliga í tinginum, og at tað tá hevði verið tingið, sum slapp at senda málið til fólkaatkvøðu. Samskipa uppskotini Í Sosialinum í gjár róði løg- maður framundir, at tað kanska hevði verið skilabest at bíða við málinum til eftir valgið. Tí hóast hann tók undir við einum valdømi, metti hann vanda vera fyri, at valstríðið hjá flokkunum og samgonguni verður ov nógv merkt av orðaskift- inum um eitt valdømi. Løgtingsformaðurin sigur seg onga viðmerking hava til hesar tankar løg- mans, tí sum hann sigur: Lat tað vera upp til tingið at gera av, nær ein møgulig fólkaatkvøða eigur at vera. - Og eg ímyndi mær, at tað saktans ber til at sam- skipa uppskotið hjá mær um eitt valdømi, við eitt uppskot um fólkaatkvøðu, sum landsstýrið eigur at lata tinginum til viðgerðar, sigur Edmund Joensen. Fólkaatkvøða avgjørt ein møguleiki Edmund Joensen ætlar sær enn at leggja uppskotið um eitt valdømi fram í heyst. – Tað hevði verið upplagt at samskipa tað við eitt uppskot um fólkaatkvøðu, so tingið sleppur at siga sína hugsan um tað eisini