mánadagur 13. august 2007síða 6

6 tíðindi Nr. 154 - 13. august 2007 – Strandferðslan raðfestir pengar fram um mannalív – Tað tykist, sum Strandferðslan raðfestir pengar framum tænastu og mannalív, sigur Heðin Mortensen, ið vísir aftur, at Tórshavnar Kommuna átti at stuðla við fígging av ferðafólkaflutningi Ovastevna Finnur Jensen finnur@sosialurin.fo Borgarstjórin í Tórshavnar Kommunu er stak ónøgdur við tænastuna hjá Strand­ ferðsluni á ovastevnu. – Tað kann ikki vera rætt, at fólk bíða í fleiri tímar fyri at sleppa aftur til Havnar. Strandferðslan hevur skyldu at nøkta tørv­ in á flutningi, og tað hevur hon ikki gjørt í hesum føri, sigur Heðin Mortensen. Hann fýlist eisini á óskipaðu viðurskiftini í sambandi við flutningi av fólki millum Nólsoynna og Havnina. – Tað er púra burturvið, at Per og Pól sigla fólk uttan heimild og uttan neyðugu útgerð. Um Strand­ ferðslan røkti sína skyldu, var tílíkt ikki komið fyri. Tað tykist, sum Strand­ ferðslan raðfestir pengar framum tænastu og manna­ lív, sigur Heðin Mortensen, ið sipar til hækkaðu ferða­ seðlaprísirnar á ovastevnu og troðkanina við bryggj­ una tíðliga sunnumorgun. Óskiljandi roknistykki Borgarstjórin heldur tað vera løgið, at Strandferðslan ikki vildi seta Sam ella Ternuna at røkja uppgávuna á ovastevnu. – Bíðirøðin vísir, at Ritan ikki kann nøkta tørvin á ovastevnu. Og hetta er ikki nýggj tíðindi. Soleiðis hev­ ur verið seinastu árini, sigur Heðin Mortensen. Hann sigur seg samstund­ is ikki skilja, at Strand­ ferðslan ikki kann fáa roknistykkið at hanga sam­ an, varð eitt størri skip sett inn. Hann vísir á, at hækk­ aðu ferðaseðlaprísirnir og talið á ferðafólki áttu at givið eitt yvirskot. Kommunan blandar seg ikki Nú er tó eingin loyna, at flestu stevnugestirnir á ovastevnu koma úr høvuðs­ staðnum. Spurdur, um tað ikki átti at verið ein upp­ gáva hjá Tórshavnar Kom­ munu at syrgja fyri, at havnarborgarnir koma aft­ ur og fram í øllum góðum, svarar borgarstjórin, at tað so er ikki. – Tað er ikki uppgávan hjá kommununi men ein landsuppgáva. Vit stuðla við upprudding, fløggum og tílíkum, men ikki við ferðaflutningi. Um rokni­ stykkið hjá Strandferðsluni ikki hongur saman, mugu tey hækka ferðaseðlakostn­ aðin tilsvarandi. Longri er tann søgan ikki, sigur Heðin Mortensen at enda. – Bíðirøðin vísir, at Ritan ikki kann nøkta tørvin á ovastevnu. Og hetta er ikki nýggj tíðindi. Soleiðis hevur verið seinastu árini, sigur Heðin Mortensen, borgarstjóri, ið er stak ónøgdur við tænastuna hjá Strandferðsluni á ovastevnu Horvin stevnugestur og illgrunasamur gummibátur Troðkan á bryggjuni, ein horvin stevnu­ gestur og ein illgruna­ samur gummibátur er tað, ið løgreglan veit at siga frá vikuskiftinum Ovastevna Finnur Jensen finnur@sosialurin.fo Fýra løgreglufólk vóru til staðar í vikuskiftinum, tá ovastevna varð hildin í Nólsoy. Stevnan gekk lutfalsliga friðarligt fyri seg. Tó so, um trýtíðina ringdi ein maður og bað um hjálp. Hann hevði brákað fótin og visti ikki, hvar hann var. Í fyrstani helt hann seg vera staddan við Skipasmiðjuna í Havn. Løgreglan fór at leita eftir manninum. Hon spurdi seg fyri, og tað vísti seg, at maðurin helst var stadd­ ur í Nólsoy. Um fimm­ tíðina var hann funnin norðanfyri bygdina. Hann varð seinni fluttur á lands­ sjúkrahúsið. Illgrunasamur gummibátur Klokkan hálvgum tvey sunnunáttina varð boðað frá úr Havn, at ein gummi­ bátur, ið helst ikki hevði røttu trygdarútgerðina umborð, fór frá bryggju við ferðafólki til Nólsoyar. Politiið í Nólsoy kom tó ongantíð fram á bátin. Helst hevur báturin vent um. Skipaeftirlitið kannar nú málið nærri. Seinni um náttina varð løgreglan, sum varð stødd í Nólsoy, biðin um at hjálpa til á bryggjuna, av tí at fólk troðkaðu so illa. Men, sum skilst, fingu tey lokalu vaktarfólkini skjótt tamarhald á støðuni.