mánadagur 13. august 2007síða 7

7 tíðindi Nr. 154 - 13. august 2007 Fyriskipararnir væl nøgdir Burtursæð frá fløsku­ hálsinum við bryggj­ una, tá fólk bíðaðu í fleiri tímar eftir at sleppa til Havnar, spældi ovastevnan væl av, sambært fyriskiparunum Ovastevna Finnur Jensen finnur@sosialurin.fo – Sum heild eru vit væl nøgd við ovastevnuna. Vit settu met, og samarittar, hjálparfólk, løgregla og bjargingarlið røktu upp­ gávuna til fulnar, sigur Jákup av Skarði, formaður fyri stuðulsbólkinum fyri svimjihyli í Nólsoy. Sambært formanninum vóru upp móti 5000 stevnu­ gestir, og burtursæð frá onkrum hendinga slagsmáli gekk alt friðarliga fyri seg. Men, sum vant, var long bíðirøð við bryggjuna um morgunin, tá stevnugest­ irnir skuldu sigla aftur til Havnar. Seinastu stevnu­ gestirnir fóru við Rituni klokkan hálvgum átta um morgunin. – Tað er keðiligt, at fløskuhálsurin hjá Strand­ ferðsluni oyðileggur heild­ arupplivilsið. Strandferðsl­ an eigur jú alla skylduna. Síðani mei mánað hava vit mint á, at Ritan ikki megn­ ar at nøkta tørvin, og hóast Silja Star eisini hjálpti, var hetta ikki nóg mikið, sigur Jákup av Skarði. Hildu í hegninum Hann undrast á, at Silja Star gavst at sigla júst tá ið tørvurin var størstur. Tá harðast stóð á júst eftir klokkan fýra var stór troðk­ an niðri við bryggjuna. Hó­ ast fyriskipararnir høvdu brynjað seg við løntum vaktarfólki og einum hegni, var hetta ikki nóg mikið. Løgreglan, ið var til staðar, varð noydd at hjálpa til. – Vit noyddust at halda í hegninum, so fólk ikki fóru útav, sigur Jákup av Skarði. Eitt skifti koppaði hegn­ ið. Ein orsøk til troðkanina var, at tjaldið, har konsertin varð hildin, varð stongt klokkan fýra. Og av tí at einki annað tiltak var, streymaðu fólk oman á bryggjuna. Jákup av Skarði ásannar, at tað var óheppið at steingja tjaldið, men hetta var neyðugt, tí treyt­ irnar fyri at hava skeinki­ loyvi vóru, at tjaldið skuldi vera tómt klokkan fýra. Strandferðslan skal taka sær um reiggj Jákup av Skarði vónar, at næsta ár verður okkurt gjørt, soleiðis at fólk ikki vera rikin á dyr samstundis. Hann sigur seg eisini vóna, at Strandferðslan tekur sær um reiggj og ger okkurt við stóra tørvin á flutningi um náttina. Hann leggur afturat, at í 2009 er nýggja skipið, sum landsstýris­ maðurin við Innlendismál­ um hevur lovað, komið. Sum skilst verður hetta skipið á stødd við Sam. Fluttu yvir 4000 fólk um Nólsoyarfjørð Andras Jensen á Strandferðaskipum Landsins metir, at ferðamannaflutn­ ingurin sum heild gekk væl í samband við Ovastevnuna Ovastevna Dagfinn Olsen dagfinn@sosialurin.fo Fyribilstøl hjá Strandfara­ skipum Landsins vísa, at flutningutin var á leið hin sami, sum undanfarin ár, kanska nakað meira, tað vil siga á leið 3500 fólk aftur og fram. Andras Jensen sigur, at tølini fyri Rituna teir 3 vikuskiftisdagarnar vísa, at 1440 sigldu við út og 1879 inn. Í alt 3319 fólk. Harafturat hevði Strand­ ferðalan Silju Star í sigling og førdi hon á leið 1000 fólk, metir Andras Jensen, men hann hevur ikki ítøkiligu tølini enn. Sostatt vórðu yvir 4000 fólk flutt við Rituni og Silju Star. Ritan sigldi leygardagin 30 túrar og Silja Star eini 10 túrar. – Ongin ófriður var um­ borð, sigur Andras Jensen. Til kjakið um, at tað tók ov langa tíð at flyta fólk, og at fólk bíðaðu ov longi á bryggjuni í Nólsoy, sigur Andras Jensen, at um 2000 fólk skulu flytast innan tveir tímar, so krevst størri bátur. Ternan var ikki tøk, og hon hevur verið roynd áður. ­ Hon er so stór, at hon siglir ikki so ofta. Vit hava hinvegin størri títtleika við Rituni og Silju Star, og harvið hægri kapasitet við hesum báðum, sigur Andras Jensen, og leggur afturat, at størri skip eisini kostar nógvan pening at seta inn. Ritan er ov lítil Ein av fyrireikarun­ um av Ovastevnuni, ið hevur drúgvar royndir, heldur, at tað er ov lítið bert at hava Rituna siglandi, tá Ovastevnan er Ovastevna Dagfinn Olsen Una Hansen hevur í mong ár verið við til at fyrieika Ovastevnuna. Hon hevur drúgvar royndir, og hevur enn ein leiklut í stevnu­ fyrireikingunum, sum peningarøkil í stuðuls­ nevndini. Stevnugestir hava ført fram, at stevnan er nógv vaksin, og at t.d. flutn­ ingsmøguleikarnir ikki hava fylgt við. Hesum er Una Hansen samd í. Hon sigur seg ikki rætti­ liga duga at lýsa munin á stevnuni fyrr og nú, men hon leggur dent á, at tað eru fleiri fólk nú, enn áður. – Eg haldi, at fólk her úti í Nólsoy hava inn­ stillað seg uppá, at so­ leiðis er tað, og at hetta er eitt stórt tiltak. Og eisini, at hetta er tiltak, ið er komið fyri at verða, sigur Una Hansen. Ritan ov lítil Una Hansen sigur, at stevnan var góð í ár, og eydnaðist væl. – Men at Ritan er ov lítil, kunnu vit øll vera samd um, sigur Una Han­ sen. – Vit høvdu ølsølu í tjøldum í ár, og klokkan 04 stongdi ølsølan. Tað var eitt sindur óheppið, tí tá máttu øll út og tað regnaði, Fólk høvdu ongastaðni at fara, sigur Una Hansen. Og tá bert Ritan er at sigla stevnugestir um fjørðin, so tekur tað tíð at fáa øll fólkini flutt til Havnar. – Hetta er nakað, ið má broytast, sigur Una Han­ sen avgjørd. Hon metir tó ikki, at talan var um kaos á bryggjuni í Nólsoy, men viðgongur, at nógv fólk stóð á bryggjuni sunnu­ morgunin, men at alt spældi væl av, serliga í mun til hvussu nógv fólk var á Ovastevnu. – Fyrreikararnir sluppu til songar klokkan 9 á morgni, tí tá vóru øll sloppin avstað, sigur Una Hansen. Hon metir ikki, at stevnan er ov stór, men at tað er jaligt, at stevnan dregur nógv fólk. – Serliga var gleðiligt í ár, at ein sá ikki nógvar fløskur, ella brotnar fløskur, so hetta lætti um uppruddingararbeiðið. Hetta var væl skipað hjá teimum, ið tóku sær av ølsøluni, tí hetta vóru fólk uttanífrá, tí hetta høvdu vit ikki megnað sjálvi, sigur Una Hansen. Una fegnast um, at stevnan eydnaðist væl og serliga fegnaðist hon um, at Frelsunarherurin tólk lut í setanini og við útimøti. Una Hansen sigur, at tað merkist í bygdini dagarnar eftir stevnuna, at bygdin hevur verið vertur fyri Ovastevnu, tí øll í bygdini eru við í stevnuni so ella so, og fólk flest hava gestir. Klokkan hálvgum átta sunnumorgun bíðaðu stevnugestir framvegis við bryggjuna í Nólsoy eftir Rituni.