mánadagur 13. august 2007síða 8

8 tíðindi Nr. 154 - 13. august 2007 tíðindi Prestavígsla Snorri Brend snorri@sosialurin.fo myndir: Snorri Brend/Finn Johannesen Hvalba: Karmarnir til eina slíkan hátíðardag vóru av teimum allarbestu, nú bæði Símun Jacobsen og Hanus Simonsen skuldu vígast til tænastuna sum prestar í fólkakirkjuni. Nógv fólk var samankom­ ið, bæði úr oynni og norðanfjørðs til gudstænast­ una. Umframt løgmann, bisp og dómpróst, var eisini eitt stórt tal av prestum við til at gera hesa gudstænast­ una serstaka. Innkomin í kirkjuna vórðu øll hesi møtt við teimum orðunum í Bíbliuni, sum fólk í síni tíð mettu skuldu sermerkja gudstæn­ astulívið í kirkjuni. Yvir altarinum stendur nevniliga týðiliga greitt eitt ørindi – á donskum ­ úr Sálmi 118 og vers 26 og sum í føroyskari týðing er henda: “Frá Harrans húsi vit tykkum vælsigna!” Hetta orðið gekk eisini gjøgnum alt tað sum fór fram við hesa gudstænast­ una, har Símun slapp at halda sína fyrstu prædiku fyri kirkjufólkinum. Hann vísti á, at Fólka­ kirkjan stendur sterk í Føroyum, men eigur altíð vera til reiðar at møta teimum avbjóðingum sum kunnu koma. ­ Sum Jesus var í heimin, soleiðis er kirkjunnar pláss í heiminum. Kirkjan skal prædika Kristus, og eigur ikki at víkja frá hesum, annaðhvørt tað so var av ótta ella tí ein ynskir at lifra fyri nøkrum. ­ Sannleikin verður varð­ veittur, um kirkjan byggir á hetta trygga grundarlagið, segði Símun millum annað í prædiku síni. Símun er nú farin til arbeiðis sum sóknarprestur í Suðuroyar norðara presta­ gjaldi. Í næstum verður Hanus Simonsen innsettur sum prestur í Suðurstreymoyar vestara prestagjaldi. Søguligur dagur í Hvalba Gudstænastan í Hvalbiar kirkju í gjár var sermerkt á mangar mátar: Hetta var fyrsta prestavígslan í nýggju føroysku kirkjuni. Og hetta var somuleiðis fyrstu ferð, at tveir prestar verða vígdir á hesum staði, og har annar teirra varð innsettur við sama høvið Við handálegging frá komandi starvsfelagum verða teir báðir prestarnir, Hanus Simonsen (vinstrumegin) og Sínum Jacobsen (høgrumegin) innsettir í tænastuna Starvsfelagar úr oynni og norðanfjørðs vóru við til at gera gudstænastuna hátíðarliga. Aftast vinstrumegin: Jónsvein Bech á Tvøroyri, Niels Paauli Danielsen í Klaksvík, Uni Næs í Fuglafirði, Sverri Steinhólm í Havn, Jógvan Fríðriksson á Strondum, Meinhard Bjartalíð í Lamba, Hans J. Joensen bispur og Patrick de Neergaard í Vági. Fremst vinstrumegin: Hanus Simonsen í Havn, Bjarni Bæk dómpróstur, Mogens Thilsted í Hvalvík og Símun Jacobsen í Hvalba