mánadagur 13. august 2007síða 26

26 [ Nr. 154 - 13. august 2007 ] Fyrsta umfarið í ensku Premier League hevur verið um vikuskiftið, og mest óvæntaða úrslitið kom á Old Trafford, har meistararnir úr Manchester United bert fingu javnleik ímóti Reading FÓTBÓLTUR Teitur Joensen teitur@sosialurin.fo Um vikuskiftið kom tíðin, sum ivaleyst nógvir føroys­ kir fótbóltsfjepparar hava bíðað eftir í á leið tríggjar mánaðir, tá fyrsta bólturin í nýggja kappingarárinum í Premier League fór á rull. Spurningarnir hava helst verið nógvir undan kapp­ ingarbyrjan, og eftir fyrsta umfarið er sjálvandi ilt at spáa um, hvørji lið fara at kappast um meistaraheitið, hvørji fara at liggja í tyngra endanum, hvør fer at gerast toppskjútti osv. Men fyrsta umfarið kann tó geva ymis­ kar ábendingar um nøkur ting, og soleiðis var eisini hetta vikuskiftið. Kiksaði hjá United Meistararnir úr Manchester United løgdu fyri við eini á pappírinum yvirkomiligari uppgávu á heimavølli ímóti Reading, men hetta bleiv tó als ikki nøkur løtt uppgávu. Manchester United sat á at kalla øllum dystinum, men Reading bardist manniliga fyri at halda javnleikin. Undan steðginum hevði United fleiri málmøgu­ leikar, men teir høvdu ringt við at fáa bóltin í málið. Ta einu ferðina var sera tætt við, tá Ryan Giggs heilfluk­ taði bóltin á stongina. Í seinna hálvleiki helt United fram við at trýsta, men í málið vildi bólturin ikki. Tá so Kitson hjá Read­ ing fekk beinleiðis reytt kort við góðum korteri eftir at leika, øktist trýstið enn meir á málið hjá Reading. Verjan hjá Reading megnaði tó at stríða seg fram til ein málleysan javnleik, og sostatt byrjaði nýggja kapp­ ingarárið einki serligt hjá meistarunum. Hjá hinum trimum liðun­ um, sum væntandi fara at stríðast um meistaraheitið saman við Manchester Uni­ ted, gekst heldur betri. Chel­ sea vann ein undirhaldandi dyst á heimavølli 3­2 ímóti Birmingham. Liverpool vann 2­1 á útivølli ímóti Aston Villa. Sigursmálið fingu teir í síðstu minuttun­ um, tá Gerrard sendi eitt frí­ spark beinleiðis í netið. Og Arsenal megnaði við tveim­ um málum í síðstu sjey ella átta minuttunum at venda einum hóttandi 1­0 tapi til ein 2­1 sigur á heimavølli ímóti Fulham. Debutsigur til Eriksson og Allardyce Bæði Newcastle og Man­ chester City hava fingið nýggjan venjara undan nýggja kappingarárinum, og her er ikki talan um ein og hvønn. Manchester City hevur fingið fyrrverandi en­ ska landsliðsvenjaran, Sven Gö­ran Eriksson, at standa á odda fyri teirra liði, meðan Sam Allardyce, sum hevur verið venjari hjá Bolton í samfull átta ár, nú er venjari hjá Newcastle. Og júst nevndi Allardyce skuldi byrja nýggja kapp­ ingarárið á útivølli ímóti gamla felagnum, Bolton. Her fekk hann eina dreyma­ byrjan, tá Newcastle eftir bert 27 minuttum høvdu lagt seg á odda 3­0 við tvei­ mum málum frá Martins og einum frá N’Zogbia. Í seinna hálvleiki fekk Bol­ ton pyntað um úrslitið við máli frá Anelka, men New­ castle vann dystin 3­1. Eisini Eriksson og hans­ ara Manchester City fingu eina góða byrjan, tá teir møttu West Ham á útivølli. Eriksson hevur styrkt sær nógv um liðið til hetta kap­ pingarárið, og tað vóru tveir av nýggju monnunum, sum skoraðu málini fyri City. Í 18. minutti legði Rolando Bianchi Manchester City á odda, og hesa leiðsluna hildu teir til fýra minuttir fyri tíð, tá innskifti Geovanni avgjørdi dystin. Góð byrjan hjá uppflytarunum Í fyrsta dystinum í ársins Premier League tóku upp­ flytararnir úr Sunderland ímóti Tottenham, sum mið­ ar høgt í ár. Men Tottenham fekk eitt ordans skot fyri bógvin, tá innskifti Michael Chopra skoraði einasta mál­ ið í dystinum í 93. minutti. Sostatt hava Roy Keane og hansara fult stigatal eftir fyrsta dystin. Hjá einum av hinum upp­ flytarunum, Derby, gekst heldur ikki so galið. Teir tóku ímóti Portsmouth, og hesin dysturin endaði við 2­2 javnleiki. Oakley legði Derby á odda alt fyri eitt, men um miðjan fyrra hálv­ leik javnaði Mwaruwari fyri Portsmouth. Tá sjey minuttir vóru eftir av dystinum sá út til, at Ports­ mouth fór at vinna, tá Utaka sendi bóltin í netið, men minuttin aftan á javnaði Andy Todd fyri Derby, og sostatt endaði dysturin við 1­1 javnleiki. Einasti uppflytarin, sum ikki fekk stig, var Birming­ ham. Teir høvdu tó heldur ikki nakran lættan dyst, tá teir vitjaðu hjá Chelsea á Stamfor Bridge. Dysturin endaði við 3­2 sigri til Chelsea, men Birmingham var væl við í hesum sera undirhaldandi dystinum. Manchester United fekk bert 0-0 á heimavølli ímóti Reading í fyrsta dystinum í ár, og harafturat bleiv Wayne Rooney álvarsliga skaddur. Hann verður væntandi úti í á leið tveir mánaðir. Mynd: Polfoto Úrslit frá Premier League Sunderland – Tottenham 1­0 Bolton – Newcastle 1­3 West Ham – Manchester City 0­2 Derby – Portsmouth 2­2 Middlesbrough – Blackburn 1­2 Everton – Wigan 2­1 Aston Villa – Liverpool 1­2 Arsenal – Fulham 2­1 Chelsea – Birmingham 3­2 Man Utd – Reading 0­0 Enski landsliðsáleyparin hjá Manchester United, Wayne Rooney, mátti lata seg skifta út í hálvleikinum í dystinum ímóti Reading um vikuskiftið, og nú er greitt, at Rooney má binda frið í tveir mánaðir FÓTBÓLTUR Teitur Joensen teitur@sosialurin.fo Stutt undan hálvleikssteðg­ inum í dystinum millum Manchester United og Rea­ ding í gjár, fekk enski lands­ liðsáleyparin hjá United, Wayne Rooney ein skaða í fótin. Verjuleikarin hjá Rea­ ding, Michael Duberry, sku­ ldi verja fyri einum skoti frá Rooney, og ótilvitað rakti hann fótin hjá Rooney, sum small í vøllin. Rooney fekk spælt dystin til hálv­ leiks, men tá liðini komu inn aftur til seinna hálvleik, var eingin Wayne Rooney at síggja. Eftir hendingina bleiv Ro­ oney sendur beinleiðis til kanningar, og hesar bóru ik­ ki góð boð frá sær. Sjálvt um læknarnir ikki enn kun­ nu staðfesta akkurát, hvat er galið, so er líkt til, at Wayne Rooney má binda frið í upp til tveir mánaðir. Hóast sín unga aldur, so er hetta ikki fyrsti álvarsligi skaði, sum Wayne Rooney fær. Tvær ferðir áður hevur hann roynt at brotið eitt lí­ tið bein inn í fótinum, sum í báðum førum hevur hildið hann burtur frá fótbólti í eina tíð. Rooney álvarsliga skaddur Tað gongur væl hjá Fremad Amager í donsku 2. deild. Um vikuskiftið tóku teir ímóti BSV, og annan dystin á rað eydnaðist tað hjá Fremad Amager at vinna dystin. Eftir eitt gott korter legði nýggi málrevurin hjá Fremad Amager, Anders Jochumsen, heimaliðið á odda, men tað gingu bert 10 minuttir, so javnaði BSV. Gleðin var tó stokkut, tí fýra minuttir seinni var sami Jochumsen upp á spæl og skoraði til 2­1, sum eisini var hálvleiksstøðan. Í seinna hálvleiki sat Fremad Amager á øllum, men fleiri mál komu ikki í dystinum, sum Fremad Amager sostatt vann 2­1. Við sigrinum hava teir fult stigatal eftir tveimum dystum. Ajax vann Super Cup Hollendska Super Cup, sum er dysturin millum meistararnar og steypavinnararnar, var á skránni um vikuskiftið, tá Ajax Amsterdam tók ímóti PSV Eindhoven. Og liðið úr Amsterdam vísti enn einaferð, at teir hava sera gott tak á PSV. Ajax vann nevniliga dystin 1­0 við máli, sum spanski Gabri skoraði í fyrra hálvleiki, og hetta er triðja árið á rað, at Ajax vinnur Siper Cup finaluna ímóti júst PSV. Fremad Amager vann aftur Meistararnir skuffaðu á heimavølli