fríggjadagur 17. august 2007síða 30

30 Nr. 158 - 17. august 2007 R E P R O Z Tórshavnar kommuna Av tí at virksemi hjá Teknisku deild er økt nógv, søkja vit eftir einum dugnaligum verkfrøðingi. Arbeiðsøkið Tínar arbeiðsuppgávur verða m.a. at gera uppskot og kostnaðar­ metingar í sambandi við nýgerð og viðlíkahaldi av vegarbeiði, umframt at standa fyri projektering, útbjóðing, eftirliti og byggi­ rokniskapi í sambandi við øll arbeiði, sum kommunan stendur fyri. Vit kundu hugsað okkum, at tú hevur hóskandi útbúgving, eitt nú kandidatútbúgving sum verkfrøðingur, byggifrøðingur ella líknandi. Tú hevur drúgvar arbeiðsroyndir og royndir innan almenna fyrisiting, ið samanlagt geva neyðuga førleikan at røkja starvið. Tað er ein fyrimunur um tú hevur kunnleika til Microsoft Office telduforritini og Navision Attain. Neyðugt er, at tú hevur koyrikort. Vit ynskja, at tú ert røkin, gongur undan í at menna tænastustøðið og dugir væl at fara við starvsfeløgum og viðskiftafólki. Tú dugir at arbeiða sjálvstøðugt, taka avgerðir og dugir væl at málbera teg í skrift og talu. Tekniska deild Á teknisku deild eru 12 starvsfólk. Deildin heldur til í post­ húsbygninginum saman við byggi­ og býarskipanardeildini. Arbeiðsøkið hjá teknisku deild er millum annað viðgerð av byggimálum og útstykkingarloyvum, planlegging og projektering umframt viðlíkahald av øllum kommunalum vegum og tekniskum veitingum, ið kommunan hevur ábyrgd av. Deildin umsitur heilsu­ og umhvørvismál, vegir og gøtur við hartilhoyrandi tekniskum veitingum sum kloakkir, vatnveiting og gøtuljós umframt umsiting av viðlíkahaldsarbeiði innan asfalt, ferðslu, reinhald, bussleiðina og TLS­skipanina. Kommunan stendur fyri nógvum áhugaverdum anleggsarbeiðum og vit sóknast tí eftir einum nýggjum starvsfelaga, ið saman við okkum og ráðgevandi vinnuni kann átaka sær at føra hesar spennandi uppgávur út í verki. Setanarviðurskifti Starvið verður sett skjótast til ber og verður sett sambært sáttmála við avvarðandi yrkisfelag. Vilt tú vita meira um starvið, kanst tú venda tær til Boða Haraldson, býarverkfrøðing, ella Bjørgfríð Ludvig, miðfyrisitingarstjóra á tlf. 302010. Umsókn Umsókn saman við viðmælum, avriti av prógvum og c.v., skal vera Tórshavnar kommunu í hendi í seinasta lagi fríggjadagin 31. august 2007. Vinarliga viðmerk »Verkfrøðingur til teknisku deild«. Verkfrøðingur til teknisku deild