mikudagur 22. august 2007síða 22

34 Nr. 161 - 22. august 2007 tíðindi SAMBAND jákup Mørk jAkup@SoSiAluriN.fo tlf. 341800 ítróttur B36 er nú einsamalt á odda í 1. deild hjá kvinnum, eftir at tær vunnu torføran útidyst um vikuskiftið. KÍ hevur tó leikt ein dyst færri, og vinna tær tann dystin, so er aftur púra javnt FÓTBÓLTUR Teitur Joensen teitur@sosialurin.fo Tríggir dystir í bestu kvinnudeildini í føroyskum fótbólti skuldu vera á skránni um vikuskiftið. Men tá alt kom til stykkis, so vóru bert tveir dystir spældir, tí at NSÍ, sum skuldi spæla ímóti KÍ í Klaksvík, eftir øllum at døma hevur tikið liðið úr kappingini. Tískil bleiv ein dystur spældur í Gøtu, har B36 var á vitjan, meðan seinni dyst­ urin var á Argjum, har AB tók ímóti EB/Streymi. B36 vann torføran útidyst Í hesum kappingarárinum hava tað verið B36 og KÍ, sum hava kappast um frem­ sta plássið í bestu kvinnu­ deildini, og sum stigatalvan sá út undan dystunum um vikuskiftið, so lógu hesi bæði liðini eisini jøvn á fremsta plássi við 34 stigum. Av tí at dysturin hjá KÍ var av ongum um viku­ skiftið, so hevði B36 møgu­ leika at leggja trýst á KÍ, um tær vunnu torføra útidystin ímóti liðnum á 3. plássi, GÍ. GÍ legði seg langt aftur á vøllin frá byrjan av, og tað var B36, sum alla tíðina royndi at trýsta. Hetta gekst ikki so væl, men um miðjan fyrra hálvleik fingu tær allíkavæl lagt seg á odda. Eitt hornaspark bleiv sent inn í brotsteigin, og har fekk Unn Kragesten fótin á ein leysan bólt, sum endaði í málinum, og so var 1­0. Eftir steðgin var tað enn B36, sum sat á dystinum, tó uttan at skapa teir heilt stóru málmøguleikarnar. 10 minuttir fyri leiklok bragd­ aði tó hjá gestunum, tá tær spældu væl upp í gjøgnum vinstru síðu. Brádliga gjørd­ ist Heidi Sevdal púra leys, og einsamøll við mál­ manninum sveik hon ikki, og so var 2­0, sum eisini gjørdist endaliga úrslitið. Málleysur javnleikur á Argjum Seinni dysturin um viku­ skiftið var á Argjum, har AB á 5. plássi tók ímóti EB/Streymi, sum liggur nummar fýra. Undan steðginum royndi EB/Streymur at trýsta, og tær komu eisini fram til onkrar smávegis málmøgu­ leika, sum tó ikki endaði við málið. Miðskeiðis í hálvleikinum bleiv Rakul Magnussen hjá EB/Streymi brádliga púra leys, men hon rakti mitt á málmannin, og so stóð enn á jøvnum. Í seinna hálvleiki vóru rollurnar umbýttar. Nú var tað AB, sum royndi at trýsta EB/Streym, meðan EB/ Streymur royndi seg við mótálopum. Hetta gav eisini ávísar møguleikar, men tann størsta fekk AB, tá ein av teirra leikarum gjørdist púra leys. Mildrið Djurhuus í málinum hjá EB/Streymi fekk tó bjarga bóltin á stongina, áðrenn hann bleiv skotin vekk. Eftir hetta vóru ikki teir stóru kjansirnir, og tí endaði dysturin við málleysum javnleiki. Við hesum úrslitunum er B36 nú einsamalt á odda, men KÍ hevur tó ein dyst í hondini. Vinna tær henda, so er líkt til, at meistaraheitið skal avgerast tann 8. sep­ tember, tá KÍ tekur ímóti B36. Átta rógvarar úr Knørri til DM 15. september fara átta rógvarar úr Róðrarfelagnum Knørri á Skálatrøð at rógva DM fyri innriggarar KAPPRÓÐUR Teitur Joensen teitur@sosialurin.fo Róðrarfelagið Knørrur hevur sum nýtt átak boðið rógvarum sínum at luttaka í DM fyri innriggarar, og áhugin fyri tiltakinum hevur verið rættiliga stórur. Í fyrsta umfari er ætlanin at vita, hvussu kapping­ in er, og síðan verður støða tikin til, um hetta skal gerast afturvend­ andi tiltak hjá róðrar­ felagnum á Skálatrøð. Rógvararnir eru væl fyri kropsliga, men sku­ lu læra seg teknikkin at rógva í fremmandu bátunum. Fyri hesum stendur ein av fyrrver­ andi rógvarunum í felagnum, Katrin Rub­ ek Nielsen, sum eisini hevur róð í slíkum báti í Danmark. Úttiknu rógvararnir eru Paula Eikhólm, Eivy Olsen og Bára Berghamar Danielsen, sum síggjast á myndini, og sum fara at umboða kvinnurnar, og fyri menninar fara at rógva Jens Michal Tróndheim, Johan Jacobsen, Jacob Joensen, Helgi Øster Petersen og Høgni í Skorðastovu. B36 nú aftur á odda Tveir føroyskir ÍSB- svimjarar luttaka í hesum døgum í heimsmeistara- kapping í Gent í Belgia, og í gjár setti annar teirra tvey nýggj føroysk met SVIMJING Teitur Joensen teitur@sosialurin.fo Heimsmeistarakapping í svimjing fyri rørslutarnað verður í hesum døgum hildið í belgiska býnum Gent. Tað er felagsskapurin INAS­SID, sum stendur handan hesa kapping, og stórur partur av heimsins londum eru umboðaði. Eis­ ini føroyingar eru umboð­ aðir í kappingini. Tað eru tey bæði Ragnvaldur Jensen og Apolonia Justesen, sum eru við í kappingini, og fyrsti kappingardagurin hjá svimjarunum var á skránni í gjár, tá Ragnvaldur tók lut í tveimum kappingum, meðan Apolonia tók lut í einari. Tvey nýggj met Hjá Ragnvaldi gekk avbera væl á fyrsta degnum. Fyrst tók hann lut í kappingini í 100 m ryggsvimjing, og her setti hann nýtt føroyskt met í innleiðandi umfarinum. Ragnvaldur kom á mál í tíðini 1:20.43, og hetta er nýtt føroyskt met. Sjálvt um hann setti nýtt føroyskt met, so rakk tíðin ikki til eitt pláss í finaluni hesu ferð. Løtu seinni skuldi Ragn­ valdur aftur í hylin at svimja 50 m bringu svimjing, og í innleiðandi umfarinum kom hann á mál við tíðini 37.62 sekund, og hetta gav honum eitt pláss í finaluni. Í finaluni tók Ragnvaldur eitt heilt sekund av innleið­ andi tíðini, tá hann kom á mál við tíðini 36.61 sekund. Hetta var eisini nýtt føroyskt met, men allíkavæl rakk hetta bert til eitt áttanda pláss. Kappingin var tó ógvuliga hørð, og munurin upp til svimjaran á fjórða plássi var bert eitt hálvt sekund. Apolonia skuldi eisini taka lut í einari kapping henda dagin. Hon kappaðist í 50 m frísvimjing, og kom hon á mál í tíðini 36.44 sekund. Hetta var ikki henn­ ara besta tíð á teininum, og tíðin rakk heldur ikki til eitt pláss í finaluni. Annars verður sagt úr Belgia, at tey hava tað gott, og seinni í dag skulu svimj­ ararnir kappast í tveimum kappingum hvør. Ragnvald­ ur skal taka lut í 50 m fir­ valdsvimjing og 200 m blandað svimjing, meðan Apolonia skal svimja 100 m frísvimjing og 200 m bringusvimjing. Heimsmeistarakappingin verður líka til fríggjadagin, og svimjararnir koma heima til Føroya sunnudagin. Tvey føroysk met í Gent Apolonia Justesen, sum sæst á myndini, og Ragnvaldur Jensen taka í hesum døgum lut í heimsmeistarakapping í svimjing í belgiska býnum, Gent Mynd: Álvur Haraldsen B36 vann um vikuskiftið torføra útidystin ímóti GÍ í bestu kvinnudeildini, og tí verður helst lagt upp til dyst um meistaraheitið, tá KÍ tekur ímóti B36 tann 8. september Mynd: Álvur Haraldsen