fríggjadagur 31. august 2007síða 28

28 Nr. 168 - 31. august 2007 Síðani 1. august hevur tann 31 ára gamli Finnur Eldevig arbeitt sum lækni á heilivágdeildini á Dronning Ingrids Hospital í Nuuk grønland Árni Joensen arni@sosialurin.fo Finnur er fuglfirðingur ella rættari sagt hálvur. Pápin er úr Fuglafirði, mamman grønlendsk. Finnur sleit sín­ ar fyrstu barnaskógvar í brekkunum í Fugafirði, men tá hann var tíggju ára gamal, gjørdu foreldrini av at flyta til Grønlands, har tey búsettu seg í Sisimiut (fyrr Holsteinsborg). Har vaks Finnur so upp saman við hinum systkinunum. Í 1999 gjørdi Finnur av at fara til Danmarkar at læra til lækna á lærda háskúla­ num í Århus. Í frítíðini spældi hann fótbólt og tók lut í ymsum øðrum frítíðar­ virksemi, og hann hevði eis­ ini gagn av tí góða sosiala netverkinum millum grøn­ lendingar í býnum. Har var hann ofta saman við øðrum grønlendingum í Det Grøn­ landske Hus. ­ Tað eru eisini nógvir før­ oyingar í Århus. Komst tú ikki saman við teimum? ­ Jú, eg hevði samband við føroyingar í Århus, men eg var so mikið ungur, tá vit fluttu og havi bara verið nakrar ferðir í Føroyum síð­ ani, so eg kendi meg tættari knýttan at grønlendingunum og hevði eisini lættari við at tosa við teir um dagsins við­ urskifti, sigur Finnur Elde­ vig. Gott arbeiðspláss Í løtuni eru 22 grønlendingar í Dannmark og læra til lækna, og herfyri visti útvarpið í Nuuk at siga, at allir ætla sær aftur til Grøn­ lands, tá útbúgvingin á lærda háskúlanum er liðug. Finnur Eldevig ásannar, at áhugin fyri at fara aftur til Grønlands er stórur mill­ um teirra, sum læra til lækna í Danmark, og sjálvur heldur hann, at hetta millum annað kenst av tí góða sam­ bandinum, sum er millum lesandi grønlendingar í Dan­ mark. Hjá teimum, sum læra til lækna, hevur tað eisini týdning, at Dronning Ingrids Hospital hevur gott orð á sær og er kent fyri sítt góða arbeiðsumhvørvi, og tað er serliga umráðandi hjá teimum, sum hava børn, sigur hann. Dronning Ingrids Hospi­ tal í Nuuk er nógv tað størsta í Grønlandi og kann samanberast við Lands­ sjúkrahúsið í Havn. Har arbeiða millum 40 og 45 læknar, og karmarnir eru góðir. Finnur Eldevig held­ ur, at sum lækni á sjúkra­ húsinum í Nuuk hevur hann eitt breiðari arbeiðsøki enn hansara starvsfelagar í Dan­ mark og aðrastaðni. ­ Í Danmark kanst tú koma at arbeiða í eitt hálvt ár á einari serdeild, sum bara hevur fólk við nýra­ sjúkum. Men her sleppi eg at royna ymiskt, sum mínir donsku starvsfelagar ikki fáa høvi til, og tað gevur mær eina breiðari útbúgv­ ing, sum eg kann brúka her í Grønlandi. Grønland heimlandið Sjálvur hevur hann avtalu við sjúkrahúsið í hálvt ann­ að ár. Ta fyrstu tíðina skal hann arbeiðs á heilivág­ deildini, og haðani fer hann á skurðdeildina. Ætlanin er at halda fram á sjúkrahúsi­ num í Nuuk nøkur ár eftir tað. Men hann verður neyv­ an verandi í Nuuk og kundi heldur hugsað sær at arbeitt onkra aðrastaðni um nøkur ár. ­ Hvat við Føroyum? ­ Jú, eg kundi væl hugsað mær at flutt til Føroya eina ferð seinni og arbeitt har eitt tíðarskeið, men tað verð­ ur so ikki, fyrr enn børnini eru vaksin. Hálvi fuglfirðingurin dyl­ ur ikki fyri, at hóast hann hevur verið í Danmark í fleiri ár, so er Grønland heimlandið. ­ Grønland er framvegis mítt heim, og her skulu okk­ ara børn veksa upp, sigur Finnur Eldevig. Inuugujoq, Finnurmik ateqarpunga Anaana og Finnur eiga trý børn, og tey skulu veksa upp í Grønlandi -Eg var so ungur, tá eg flutti úr Føroyum, at tað var lættari at samskifta við grønlendingarnar í Århus Dronning Ingrids Hospital í Nuuk