mánadagur 3. september 2007síða 6

6 tíðindi Nr. 169 - 3. september 2007 Liljan Jakobsen formaður Vága Fólkafloksfelag hevur fingið nýggjan formann. Á fundi hevur nevndin einmælt samtykt, at Liljan Jakobsen úr Miðvági skal taka við sum nýggjur formaður, skrivar Jóanis Nielsen á heimasíðu síni. Fyrsta tiltakið aftan á formansskiftið er ein fundur, sum verður í skúlanum á Giljanesi í morgin við løgtings- og landsstýrisumboðum hjá Fólkaflokkinum, og har er ætlanin, at fundarfólkið skal siga politikarunum, hvat tey halda um ymisk mál. Tónleikavikuskiftið í Keypmannahavn Føroyahúsið í Keypmannahavn spennir seg út næsta vikuskiftið við risa konsert- og dansiskrá, nevyan hevur húsið á Vesterbrogade lagt pall til so nógv og stór tónleikanøvn. Lagt verður fyri fríggjakvøldið við konsertum við Eivør Pálsdóttir, Terja Rasmussen og Róki Jakobsen. Kvøldið endar við at Terji aftur fer á pall á einum náttkafé tiltaki. Leygarkvøldið 8. spetember er ikki minni spennandi, tá Høgni Lisberg, Jensina Olsen og Høgni Reistrup fara at spæla konsertir. Áðrenn kvøldið endar við dansi við Eyðuni Nolsøe. atgongumerki kunnu keypast í forsølu í Føroyahúsinum. Nógv týðir uppá, at ósemjan í samgong­ uni hevur útviklað seg til eina veruliga kreppu. Hetta kom týðuliga til sjóndar í einum innslagi í Degi & Viku fríggja­ kvøldið. Nýggi landsstýrismaðurin í fíggjarmálum er stóra stríðsevnið AnAlysA Kári Mikkelsen karim@sosialurin.fo Samstarvið í samgonguni sær út til at vera álvarsliga hótt. Síðani Magni Laksá- foss í Sosialinum gjørdi vart við, at hann heldur tað vera óráðiligt at fara undir at byggja tunnil í Sandoynna og síðani hevur funnist at sjó- mansfrádráttinum, hava nógv- ir samgonulimir funnist harðliga at honum fyri at føra síni sjónarmið í fjølmiðlun- um, ístaðin fyri á samgongu- og landsstýrisfundum. Í einum innslagi í Degi & Viku fríggjakvøldið fær nýggi landsstýrismaðurin hjá Sambandsflokkinum ákoyr- ingar fyri at vera kúrrur á landsstýrisfundum, men ístaðin brúka fjølmiðlarnar til at lufta síni sjónarmið. Bjarni Djurholm, lands- stýrismaður í vinnumálum, hevur nú meldað seg í kórið av atfinnarum. Hann heldur ikki, at Magni Laksáfoss førir síni sjónarmið fram á landsstýrisfundum, sum hann átti, men ístaðin fer í fjølmiðlarnar við teimum. - Eg haldi, eg kann siga við vissu, at hann ikki hevur tikið málið til viðgerðar har. Málið hevur verið uppi at venda undir ymiskt, men tað hevur ikki verið lýst og avgreitt soleiðis, sum vit hava sæð tað í fjølmiðlunum, sigur Bjarni Djurholm við Dag & Viku. Sjálvur avvísir Magni Laksáfoss, at hann ikki hevur havt málið uppi inn- anhýsis í samgonguni. - Eg havi tikið tað bæði upp á landsstýrisfundum og samgongufundum, og tað hava enntá verið samgongu- fundir um júst hetta. Her hava allir møguleikar verið til at spurt til míni sjónar- mið, sigur Magni Laksáfoss við Dag & Viku. Ónevndir tingmenn siga við sjónvarpið, at Magni Laksáfoss ikki skal hava verið so opinskáraður á samgongufundum. John Johannesen heldur, at Sambandsflokkurin longu er farin í holt við eitt valstríð. - Hetta er eitt beinhart valstríð, sum Sambands- flokkurin er farin í gongd við, og hann roynir at máa støðið undan samgonguni. Eg vil mæla Kaj Leo Johannesen til at lurta eftir sínum egnu orðum, har hann sigur, at Sambands- flokkurin altíð heldur gjørd- ar avtalur, sigur John Johannesen, sum tó sigur seg vera samdan í, at Sand- oyartunnilin eigur at bíða. Kortini heldur hann, at ein loysn átti at verðið funnin innanfyri samgonguna. Magni Laksáfoss heldur hinvegin, at málið eigur at kunna viðgerðast í fjølmiðl- unum. - Vit hava ein yvirupphit- aðan búskap, og tað vita fólk. Hetta er tað mest týdn- ingarmikla málið, sum vit hava júst nú. Hví kunnu vit so ikki diskutera hetta í fjøl- miðlunum?, spyr Magni Laksáfoss og vísir á, at Vinnu- húsið nevnir tað, og fakfeløg og partafeløg nevna tað. Løgmaður júst afturkomin Løgtingsval skal haldast í seinasta lagi 19. januar 2007. Stóri spurningurin er so, um verandi ósemja, ið nú sær út til at hava útviklað seg til eina veruliga sam- gongukreppu, kemur at bera í sær, at føroyingar skulu til val í úrtíð. Svarin- um upp á hendan spurningin situr bert løgmaður við, og hann hevur higartil hildið fast við, at valið ikki kemur fyrr enn í januar, tá tað skal haldast. Tað ger Jóannes Eidesgaard, sum júst er komin aftur av ein tríggjar dagar almennari vitjan í Álandi, framvegis. Hvat heldur tú um ákoyr- ingarnar, sum Magni Laksáfoss fær frá til dømis Bjarna Djurholm, har hann endurgevur frá innanhýsis landsstýrisfundum og sigur seg ikki minnast, at landsstýr- ismaðurin skal hava tikið málið um Sandoyartunnilin upp, men heldur velur at fara til fjølmiðlarnar? - Nú havi eg ikki sæð innslagið, so tað havi eg fyribils ikki nakrar viðmerk- ingar til? Er samgongan í kreppu? - Tað havi eg heldur ikki hug at gera nakrar viðmerk- ingar til beint nú. Lat meg líka koma í land av Norrönu, so eg fái møguleika at hugsa hetta nærri ígjøgnum, sigur Jóannes Eidesgaard í stuttari viðmerking til polit- isku støðuna. Um vikuskftið spælir Maria Guttesen tríggjar konsertir í Føroyum, við sær hevur hon kvinnuliga upphiting, Guðrið Hansdóttir og dóttir navframa danska trubadurin Sebastian Tónleikur Niels Uni Dam nielsuni@sosialurin.fo Hóskvøldið í Klaksvík, fríggjakvøldið á Tvøroyri og leygarkvøldið í Havn, talan verður stutt sagt um eina regulera Føroyar turné, tá Maria Guttesen við bólki og tveimum upphitingar- nøvnum, fer á pall. Fyrireikararnir leggja ikki fingrarnar ímillum, og siga at komandi konsertirnar í Føroyum fara at avdúka eina nýggja, slóðbrótandi Mariu, sum kennir seg tón- listarliga sterkari enn nakr- antíð, og Føroyar fara at síggja eina ørvísi og fjøl- broytna Mariu Guttesen, sum bæði fer at spæla gom- ul kend og nýggj løg. Maria hevur dugnalig folk við sær: Maria syngur og spælir sjálv klaver/wur- lizer, Morten Ærø spælir trummur, Søren Bigum spælir el-guitar, Tomas Raae spælir bass og Sophie Ziedoy syngir kór. Øll eru tey útbúgvin á tónleikakon- servatorium Maria hevur fingið góð ummæli í bæði føroyskum, donskum og eisini enskum fjølmiðlum. Løg hennara verða javnan spæld í útvarpi í Føroyum og øðrum londum. Seinasta árið hevur Maria spælt nógvar smærri intimar konsertir í Danmark, eins og hon var í Føroyum sein- asta summar og var høvuðs- navnið á Amnesty konsertini í desember. Tá hevði hon boðið fleiri kendum før- oyskum tónleikanøvnum saman við sær á pallin. Kvinnulist og tónlistarlig eldsál At hita upp fyri Mariu á konsertunum verða fløgu- aktuella Guðri Hansdóttir og danska Sara Grabow, ið er dóttir navnframa trouba- dourin Sebastian. Maria er føroyski tónleikar- in, sum veruliga hevur gag- nnýtt síni framúrskarandi evnir at vegleiða, geva íblást- ur og coacha øðrum tón- leikarum. Maria er ikki bert songkvinna, tónleikari, tónasmiður og tónleikalær- ari, hon er eisini nógv umbið- in sum tónleikaráðgevi. Maria hevur givið tríggjar solofløgur út, har hon sjálv er sangari, tónleikari og pro- dusari. Hon er sera fjølbroyt sum tónasmiður og løg henn- ara fevna frá barnasangum til power rock. Men líkamik- ið hvørjum Maria tónlistar- liga arbeiðir við, so heldur hon fast um sína tónleika- filosofi og at tað skal verða hennara tónleikasál, sum er kjarnin í tónleikinum. Dreymar og kvinna Maria upptekur í hesum døgum sína dreymafløgu. Tað heilt serstaka við hesu fløgu er, at hon spælir øll instrumentir sjálv. Hetta er tí ein fløga, sum í allar mát- ar fær serstaka Mariu Gutte- sen ljóðið í hvønn krók og sum vísur ein sterka kvinnu við breiðum førleikum. Konsertirnar í Føroyum vera í Atlantis í Klaksvík hóskvøldið 6., Klubbanum á Tvøroyri fríggjakvøldið 7. og Nordurlandahúsinun í Havn leygarkvøldið 8 sep- tember. Meira sæst um kon- sertirnar á www.nlh.fo og www.atlantis.fo, skriva fyri- reikararnir. Les meira um Mariu á www.mariaguttesen.dk. Kreppa í samgonguni Maria Guttesen á Føroyaferð Ósemjan í verandi samgongu hevur ongantíð verri størri enn júst nú og líkist meiri og meiri eini politiskari kreppu Savnsmynd