mánadagur 3. september 2007síða 7

7 tíðindi Nr. 169 - 3. september 2007 Í blaðnum í morgin Sosialurin fer aftur um politisku flokkarnar Sum uppfylging til greinarøðina fer Sosialurin at skipa fyri Trapputingi og orðaskifti í Miðlahúsinum seinnapartin í september Nú stundar móti løgtingsvali, sum í seinasta lagi verður 19. januar, fer Sosialurin undir eina nýggja greinarøð um politisku flokkarnar. Tað er ein av okkara mætastu sam­ felagsfrøðingum og politisku viðmerkjarum, Jógvan Mørkøre, sum skrivar greinarøðina ið byggir á samrøður við floksformennirnar fylgt upp við einum søguligum yvirliti yvir einstaka flokkin. Fyrsta greinin var í blaðnum mikudagin, og onnur greinin skuldi koma í blaðnum í dag, men orsakað av forfalli er hon útsett til mikudagin. Tvær tær fyrstu greinarnar hava verið í og tann triðja kemur í morgin. Hon er um Sambandsflokkin og Kaj Leo Johannesen, formann. Íslendingar nýtt skip Eins og føroyingar leggja íslendingar seg eftir at fáa sær størri skip til at fiska uppisjóvarfisk. Tað seinasta skipið, sum íslendingar hava útvegað sær, kom í Vestmanna­ oyggjarnar um vikuskiftið. Tað er norska skipið Delta, sum eitt felag í Vestmannaoyggjunum hevur keypt, og sum hevur fingið navnið Álsey. Skipið, sum er góðar 66 metrar langt og 12,60 metrar breitt, er bygt í 1987 og tekur umleið 2.000 tons, skrivar Morgunblaðið. Miðbýurin skal flytast oman í Vágsbotn. Hetta er, sambært kunningarleiðaranum hjá Tórshavnar kommunu, hugsjónin handan arbeiðið, ið kommunan nú er farin undir Býarmenning Niels Uni Dam nielsuni@sosialurin.fo Tórshavnar kommuna er farin undir umfatandi arbeiði í Vágsbotni. Sølubásar við el, rennandi vatni og undir taki skulu gerast til fiskasøluna, soleiðis, at henda lýkur tær treytir, ið heilsumyndugleikarnir krevja fyri tílíka sølu. Tað er arbeiðið við at gera hesar básar, ið kommunan nú er farin undir, sigur kunningar­ leiðarin hjá Tórshavnar kommunu, Edvardi í Skorð­ ini Joensen. Fyribils er talan um átta básar, sum eftir ætlan skulu standa lidnir um fimm mánaðir. Næsta stig verður, at gera uppaftur fleiri sølubásar, ið verða við liðuna á hesum fyrstu og út ímóti Skinnaraskerði. Triðja byggistigið verður á torginum kring standmyndina av Nólsoyar Pálli. Her skulu básar gerast til aðra sølu enn matvøru. Stutt sagt er hugsjónin handan arbeiðið, at Miðbýurin skal flytast oman í Vágsbotn, sigur kunn­ ingarleiðarin, ið tó vísir á, at fyribils er bert fyrsta stigið tíðarfest, so enn er ikki greitt, nær miðbýurin endaliga flytur oman í Vágsbotn. Fyrst á skránni er arbeiðið við at fáa kloakviðurskiftini, ið rættlag, og tí verður klo­ akkin, nú sambært kunning­ arleiðaranum fest í kloakk­ ina á Vaglinum, og tað er hetta arbeiðið, ið verður gjørt í hesum døgum. Flyta Miðbýin í Vágsbotn Arbeiðið við at gera góðkendar og heilsuliga forsvarligar sølubásar í Vágsbotni er byrjað Mynd: Álvur Haraldsen G! trygdin á netið Nógv kjak hevur tikið seg upp um trygdina á festival­ unum. Dimmalætting hevur skrivað nógv um trygdina á Summarfestivalinum, men nú kemur eisini G!Festivalurin upp í kjakið. Í Dimmalætting hevur verið ført fram, at Summarfestivalurin ikki hevði eina góðkenda skrivliga trygdarætlan, meðan festivalurin hinvegin hevur ført fram, at trygdin var góðkend av løgregluni. Nú hevur G!Festivalurin lagt sína skrivligu trygdarætlan á alnetið. Á heimasíðuni hjá festivalinum ber til at lesa hesa ætlan.