mánadagur 3. september 2007síða 24

24 tíðindi Nr. 169 - 3. september 2007 Ætlanin var, at Landsverk skuldi yvirtaka Hovstunnilin fríggjadagin, men tað var av ongum, tí alt er ikki gjørt sum tað skal, sigur Oyvindur Brimnes Hovstunnilin Áki Bertholdsen aki@sosialurin.fo Suðuroyingar noyðast at brynja seg við toli í eina tíð afturat, áðrenn teir sleppa at koyra Ígjøgnum Hovs­ tunnilin. At síggja til hevur tunnilin annars leingi sæð út til at vera liðugur, tí virksemið rundanum hann hevur ikki tókst serliga stórt. Og tað skerst ikki burtur, at suðuroyingar leingi hava trákkast eftir tí degi, har koyrandi varð ígjøgnum fjallið, heldur enn eftir smala, krókuta og vindharða fjallvegnum um Hovs­ eggina. Men Oyvindur Brimnes, stjóri á Landsverki, sigur, at tað ganga í hvussu so er nakrar vikur afturat, áðrenn tunnilin kann takast í nýtslu. Annars var ætlanin, at Landsverk skuldi yvirtaka tunnilin fríggjadagin, men tað var av ongum. Tað vísir seg nevniliga, at alt arbeiðið er ikki gjørt, sum tað skal og tí vildi Landsverk ikki yvirtaka Hovstunnilin fríggjadagin sum ætlað. ­ Tað er ymisk viðurskifti, sum ikki eru í lagi og tí kundu vit ikki yvirtaka tunn­ ilin fríggjadagin, sum ætl­ að, sigur Oyvindur Brim­ nes. Hann visti ikki í smálutir, hvørji viðurskifti tað vóru, sum ikki vóru nøktandi. Men talan er um ymiskar tekniskar installatiónir í sambandi við tunnilin, ið ikki eru, sum tær skulu. Hann skoytir annars upp í, at onki óvanligt er í hes­ um, at øll viðurskifti ikki eru, sum tey skulu beinan­ vegin. Hann sigur eisini, at semja er ímillum Landsverk og Ístak, sum hevur gjørt tunnilin, um tey viðurskifti, sum ikki eru, sum tey skulu og sum tað skulu bøtast um. Ganga nakrar vikur Av tí at ymist er, sum ikki er gjørt sum tað skal, dugir Landsverk ikki at siga, nær alt er fingið í rættlag, so at tunnilin kann yvirtakast. Men hann sigur, at ein fyribils meting sigur, at tað ganga minst tvær vikur. Tað kann eisini taka longri tíð, tí ymiskt kann taka seg upp, sum ger, at tað dregur út, eitt nú lever­ ingstíðir til ymiskt tilfar, sum skal brúkast. Tí vil hann heldur ikki enn áseta nakran dag fyri, nær tunnilin verður klárur at taka í nýtslu. Tað einasta, hann sigur, er, at Landsverk heldur seg enn til upprunaligu tíðarætl­ anina, sum sigur, at tunnilin skal vera liðugur um árs­ skiftið. Hann hevur tó fyrr sagt, at alt bendir á, at tað verður nakað væl fyrrenn tað. Men í løtuni hevur hann onki boð upp á, nær tað verður. Landsverk sigur nei til Hovstunnilin Jannich Hjaltalin, sum gongur í 9. flokki í Eysturskúlanum er í starvsvenjing í mótahandlinum Skálki starvsvenjing Orð og mynd: Jákup Mohr Müller og Rannvá Tryggvadóttir Honum dámdi óføra væl at vera har, og hansara starvsfelagar róstu honum nógv fyri hansara stóra innsats. Hann hevði eisini ætlanir um at fáast við móta sum eldri. Hann hevði selt nakrar T­ shirts, nakrar buksur og annað tann dagin. Og hann var heilt vísur í, at hann fór at fáast við klæðir ella eiga ein klædnahandil sum eldri. Sp.: Hvat hevur tú selt í dag? Sv.: Blusur og T­shirts. Sp.: Hvat hevur tú gjørt? Sv.: Staðið við kassan og sett vørur uppá pláss. Sp.: Hví valdi tú hetta starvið? Sv.: Eg eri sera áhugaður í móta og klædnahandli. Sp.: Hvar fert tú næstu ferð? Sv.: Til onkran designara Sp.: Hvussu eru starvsfólkini? Sv.: Mega fitt Sp.: Er hetta nakað tú kundi hugsað tær at gjørt í framtíðini? Sv.: Tað er 100 %. Sera áhugaður í móta Jannich Hjaltalin hevur fingið nógv rós fyri sítt arbeiði sum starvspraktikantur í Skálki Tað er framvegis ógreitt, nær Hovstunnilin kann takast í nýtslu, men tað ganga í hvussu so er nakrar vikur afturat (Av misgáum kom skeiv mynd í fríggjadagin. Tí prenta vit greinina umaftur við røttu myndini).