hósdagur 6. september 2007síða 7

7 tíðindi Nr. 172 - 6. september 2007 Í sambandi við 75 ára stovningardagin hjá tryggingarfelagnum Trygd hevur felagið gjørt av at geva kundum sínum gávur HÁTÍÐARHALD Leo Poulsen leo@sosialurin.fo Leiðslan á Trygd er væl nøgd við gongdina hjá fel­ agnum. Seinastu níggju árini síðani felagið varð endurstovnað og monopolið avtikið, er marknaðarpartur­ in hjá Trygd vaksin úr so at siga ongum upp í 23%. Felagið varð sett á stovn í 1932, og hevur sostatt 75 ár á baki, men í meiri enn 57 ár hevur monopolstøða vald­ að á tryggingarøkinum í Føroyum, ein støða, sum ikki broyttist fyrr enn fyri tíggju árum síðani, tá kapp­ ingin gjørdist frí. Og nú liggur eitt nýtt tryggingar­ lógaruppskot í tinginum, sum ætlandi fer at liberalis­ era tryggingarmarknaðin enn meiri, so útlendskar tryggingarfyritøkur sleppa inn á Føroyska marknaðin – og føroyskar sleppa á tann útlendska. Í sambandi við 75 ára stovningardagin hevur leiðsl­ an í Trygd gjørt av at veita kundum sínum eina gávu. Fyri privatu tryggingar­ takararnar verður talan um eina fyrstuhjálpartasku, sum eftir ætlan verður øllum húsarhaldum í landinum í hendi seinast í komandi viku; tey húsarhald, sum eru kundar hjá Trygd, altso. Fyri vinnukundarnar verð­ ur talan um eina aðra gávu. Eisini her er talan um nak­ að, ið hevur við trygdina at gera, nevniliga ein sonevnd termografering. Hetta er ein avmyndan av eltalvunum hjá øllum vinnukundum við infrareyðum ljósi sum vísir, um trupulleikar eru um at uppstanda í elskipanini. Bátur til kunda Men haraftrat kann í hvussu er ein av kundunum hjá Trygd vænta sær eina gávu aftrat. Tað var nevniliga soleiðis, at Trygd vann bát­ in, sum Lions Club burtur­ lutar á Ólavsøku, og avgerð er nú tikin um, at hesin bát­ ur skal lutast burtur millum allar tryggingartakarar hjá felagnum. ­ Báturin hevur eitt virði upp á 45.000 krónur, so tað verður ein hampilig gáva at fáa hjá tí tryggingartakaran­ um hjá okkum, sum verður hepni vinnarin, sigur Niels Juel Arge, virkandi stjóri í Trygd. Annars hava teir givið brandpakkar út til nýggj hús, sum umfata roykvarn­ arar og brandteppi, og sum naka nýtt fara teir nú eisini at geva slíkar pakkar, tá eig­ araskifti fer fram av sethúsum. Í mun til vaksandi virk­ semið økist talið á starvs­ fólkum eisini, og tey eru nú um 30, ið eru í føstum starvi hjá tryggingarfel­ agnum. Trygd í gávuhýri Niels Juel Arge, virkandi stjóri, og Janus Thomsen, marknaðarleiðari, við fyrstuhjálps taskunum, sum verða sendar øllum privatkundum hjá Trygd. Taskan inniheldur tvífalt so nógva útgerð, sum ein vanlig fyrstahjálps taska Mynd: Jens Kristian Vang Portalurin nýggj met Portal.fo setti í seinastu viku nýggj met, hesaferð er tað talan um met av brúkarum og vitjanum. Ikki færri enn 46.881 ymsar teldur vitjaðu í í viku 25 Føroya mest vitjaðu heimasíðu, og hesi vitjaðu sambært gallup.fo síðuna 417.261 ferðir, og eingin føroysk heimasíða er vitjað so ofta áður. Eisini síðarn hjá Vikublaðnum tekur egið met í vitjanum, og er nú heilt uppi á 35.775 vitjanum í einari viku. Við eini framgongd uppá 389,4% hevur ung,.fo verðuliga fingið gongd á. Umboð frá Dátueftirlitinum er í dag á fundi í Brussel Á fundinum skal Dátueftirlitið svara ymiskum spurningum í sambandi við at Føroyar hava søkt um triðjalandsgóðkenning frá ES­nevndini. Tað var á felagsnevndarfundi í desember 2005 Føroyar ES millum, at Føroyar formliga handaðu ES umsókn um at góðkenna Føroyar sum eitt trygt triðjaland at flyta persónsupplýsingar til og úr.Viðgerðin av umsóknini er nú komin so væl áleiðis, at Dátueftirlitið í dag skal greiða nærri frá viðurskiftunum í Føroyum á hesum økinum, so greiða kann fáast á, um Føroyar lúka treytirnar fyri at fáa eina triðjalandsgóðkenning. Apotekið hevur verið eitt sindur amputerað seinastu tíðina, meðan millumbygningurin millum SMS og Apotekið hevur staðið fyri umfatandi umbygging UMBYGGING Leo Poulsen leo@sosialurin.fo Tað hevur verið eitt sindur rokaligt at komið á Apotekið í høvuðsstaðnum seinastu mongu mánaðirnar, meðan umbygging er farin fram í millumbygninginum mill­ um Apotekið og SMS. Men nú er komið undir land hesum viðvíkjandi. Inngongdin og allur tann parturin av Apotekinum er umvældur og brandtryggj­ aður, meðan ein stór og maj­ estetisk rundtrappa nú dom­ inerar millumbygninginum. Nú ber so aftur til at koma inn í bæði SMS í sunnara enda og inn á Apo­ tekið norðanvert sum van­ ligt var. Gamli millumbygningur­ in var illa farin og lak í eyri og seyri, og eisini var ljósið inni á Apotekinum ringt við gomlu konstruktiónini. Nú hava Apotekið og SMS so í felag umbygt millumbygn­ ingin, so hann er bæði ljósum og snøggur. Millumbygningur tikin í brúk Niels Hansen, stjóri í SMS og Kjartan Mohr, varastjóri á Tjaldurs Apoteki, eru báðir sera væl nøgdir við úrslitið av nýggja millumbygninginum Mynd: Jens Kristian Vang